Habakhuki 3:8 - Siswati 1996 Bible

⁸ Awu, Simakadze, kungabe bewuyitfukutselele yini imifula? Kungabe lulaka lwakho belumelene nemifudlana yini? Walutfukutselela yini lwandle ngesikhatsi ugibele emahhashi akho, netincola takho tekuncoba?

Habakhuki 3:8 ပူးပေါင်းရင်းမြစ်များ

Tihlabelelo 104:3

indlu yakho yebukhosi, uyakhe etikwemanti lasetulu. Emafu lamnyama lahlomile ayincola yakho, ugibele emaphiko emoya.

Tihlabelelo 114:3

Lwandle Lolubovu lwakubona loku lwabaleka, umfula iJordane wema, wangete wageleta.

Tihlabelelo 114:5

Kwenteke njani kuwe, Lwandle Lolubovu, kutsi bewungaze ubaleke? Nawe Jordane, wentiwe yini kuma ungageleti?

Tihlabelelo 18:10

Wagibela likherubhi, wandiza, wantjuza asetikwemaphiko emoya.

Tihlabelelo 45:4

Yebo, gibela ngebukhosi bakho, uphume imphi, uyewuncoba, umele liciniso, uvikele nekulunga; shangatsi sandla sakho sangesekudla singafundzisa imisebenti yakho lesabekako.

Tihlabelelo 68:17

Tincola taNkulunkulu titinkhulungwane letingemashumi netinkhulungwane ngetinkhulungwane, Simakadze usemkhatsini wato ngebukhosi bakhe lobunjengebungcwele baseSinayi.

Tihlabelelo 68:4

Hlabelani kuNkulunkulu, nidvumise libito lakhe. Nimlungiselele umgwaco, yena lodzabula ematsafa elugwadvule; nguSimakadze libito lakhe, nihlabele ngenjabulo embikwakhe!

Tihlabelelo 77:16

Emanti atsi kube abone wena, Nkulunkulu, atfutfumela, netinjolobela telwandle tachachatela.

Eksodusi 14:16

Phakamisa indvuku yakho uyengamise etikwelwandle. Emanti atakwehlukana ekhatsi, kuze sive sema-Israyeli sewele lwandle sihamba emhlabatsini lowomile.

Eksodusi 7:19

Simakadze wakhuluma kuMosi, watsi: “Khuluma ku-Aroni utsi: ‘Tsatsa indvuku yakho uyengamise yonkhe imifula, nemisele yayo, netitiba tayo, netitiba tekwakhiwa la eGibhithe. Lamanti atawugucuka abe yingati, lonkhe live laseGibhithe, ngisho nasetitjeni letentiwe ngetigodvo naletentiwe ngematje.’ ”

Eksodusi 7:20

BoMosi na-Aroni benta njengobe babeyalwe nguSimakadze. Aroni waphakamisa indvuku yakhe embikwaFaro netiphatsimandla takhe washaya emanti emfula iNayili. Onkhe emanti lakuyo agucuka aba yingati.

Isaya 19:1

Livi lesembulo lelimacondzana nelive laseGibhithe: Buka la, Simakadze ugibela lifu leligijima kakhulu, ubange kulaseGibhithe. Tithico taseGibhithe tiyawutfutfumela embikwakhe, netinhlitiyo tebantfu baseGibhithe tiyancibilika ngekhatsi kwabo.

Isaya 50:2

Kwaya ngani ngingakhandzi muntfu nangifika? Ngesikhatsi ngimemeta, kwabate leni losabelako? Ingalo yami yayiyimfisha kakhulu yini kwekutsi yayinganisindzisa? Ngite yini mine emandla ekunephula? Mine ngekhuta kanye nje kome lwandle, ngigucula imifula ibe lugwadvule, tinhlanti tayo tibole ngenca yekweswela emanti, tife, tibulawe koma.

Isaya 66:15

Bukani la, Simakadze uta ngemlilo, netincola takhe temphi tifanana nesiwunguwungwana; uyawukwehlisa intfukutselo yakhe ngalokwesabekako, nekutsetsa kwakhe kute ngemalangabi emlilo.

Nahume 1:4

Wekhuta lwandle, kome emanti alo; womisa yonkhe imifula yemanti. Tikhotsa taseBhashani tiyoma, iNtsaba iKhameli ihamuke, timbali taseLebanoni tibune.

Habakhuki 3:15

Wagcobagcoba lwandle ngetinselo temahhashi akho, abhodla emanti lamakhulu.

Makho 4:39

Wavuka wekhuta lomoya watsi kulolwandle: “Thula, utsi nya!” Umoya wakhawula khona lapho, kwathula kwatsi nya.

Sembulo 16:12

Ingilosi yesitfupha yatfululela sitja sayo etikwemfula lomkhulu i-Yufrathe. Emanti awo oma, kwavuleka indlela yemakhosi laphuma emphumalanga.

Sembulo 19:11

Ngase ngibona lizulu livulekile, bekunelihhashi lelimhlophe. Lona bekaligibele abebitwa ngekutsi nguLotsembekile naLiciniso; umsulwa ekwehluleleni kwakhe nasekulweni kwakhe.

Sembulo 19:14

Emabutfo asezulwini amlandzela agibele emahhashi lamhlophe, embetse tingubo letimhlophe letihlantekile telineni.

Sembulo 6:2

Kwatsi chamu lihhashi lelimhlophe, nalona labeligibele aphetse butjoki, wanikwa umchele, wahamba ancoba, ayawuncoba.