Habakhuki 3:7 - Siswati 1996 Bible

⁷ Ngabona emathende aseKushani aselusizini, nemakhaya akaMidiyani ayatfutfumela.

Habakhuki 3:7 ပူးပေါင်းရင်းမြစ်များ

Eksodusi 2:15

Watsi kube Faro ayive lendzaba, wafuna Mosi, amfunela kumbulala. Kodvwa Mosi wabaleka eveni laFaro wayawuhlala eveni lakaMidiyani. Ngalelinye lilanga, Mosi ahleti eceleni kwesicobho,

Jeremiya 49:29

Emathende abo kanye nemihlambi yabo kuyawutsatfwa, nemadlangala abo ayakwetfwalwa atfunjwe nato tonkhe timphahla tabo nemakamela abo. Bantfu bayawumemeta kubo, batsi: ‘Tesabekiso yonkhe indzawo.’

Joshuwa 2:10

Sivile kutsi Simakadze walomisa kanjani Lwandle Lolubovu embikwenu ngesikhatsi niphuma eGibhithe, nekutsi nentani kuSihoni na-Ogi, emakhosi lamabili ema-Amori, lenawabhubhisa ngelusiko lwenkemba ngasemphumalanga kwemfula iJordane.

Joshuwa 9:24

Aphendvula Joshuwa atsi: “Tinceku takho tatjelwa kahle kamhlophe kutsi Simakadze Nkulunkulu wenu wamyala kanjani Mosi, inceku yakhe, kutsi aninike lonkhe lelive nekutsi acitse tonkhe tive letikulo embikwenu. Ngako sesabela timphilo tetfu ngenca yenu, ngiko nje sente lesento.

Tikhulu 8:12

BoZeba naSalmuna, emakhosi lamabili emaMidiyani, babaleka, kodvwa wabacosha, wabakhandza, wabatfumba, wadvungulula yonkhe imphi yabo.