Habakhuki 3:16 - Siswati 1996 Bible

¹⁶ Ngeva, nenhlitiyo yami yabhakuta, netindzebe temlomo wami tavevetela ngalomsindvo, kubola kwakhasabela ematsanjeni ami, imilente yami yachachatela. Noko ngiyakulilindzela ngekubeketela lilanga lesehlakalo leliyawusifikela sive lesisihlasele.

Habakhuki 3:16 ပူးပေါင်းရင်းမြစ်များ

Jobe 30:17

Busuku bubhobosa ematsambo ami, emahlaba ami langihhwebhako akanakuphumula.

Jobe 30:30

Sikhumba sami sesigucuke saba mnyama, sacecebuka; umtimba wami uyavutsa ngumkhuhlane.

Tihlabelelo 119:120

Umtimba wami uyatfutfumela ngenca yekwesaba wena, netehlulelo takho ngiyatesaba.

Tihlabelelo 91:15

Uyawungibita ngiphendvule ngibe naye ekuhluphekeni, ngimuphe kuphepha nekuhlonipheka.

Taga 12:4

Umfati lolungile ungumchele wendvodza yakhe; kodvwa loyihlazisako ufanana nekubola ematsanjeni ayo.

Taga 14:30

Ingcondvo lenekuthula iletsa imphilo emtimbeni; kodvwa umona ufanana nekubola kwematsambo.

Isaya 21:3

Nginelusizi ngalombono lengiwubonile, buhlungu bungibambile, njengemhelo ufikela umfati nasatawubeleka. Kuyangetfusa loko lengikuvako, ngiyamangala ngaloko lengikubona ngemehlo ami.

Jeremiya 23:9

Macondzana nebaphrofethi: Inhlitiyo yami yephukile ngekhatsi kwami; onkhe ematsambo ami ayatfutfumela. Ngifanana nemuntfu lodzakiwe, yebo, umuntfu lowehlulwe liwayini, ngenca yaSimakadze nemavi akhe langcwele.

Jeremiya 30:7

Maye, liyesabeka lelo langa, kute leliyawuse libe njengalo. Kuyawuba sikhatsi senhlupheko kaJakobe, kodvwa uyawusindziswa kuso.

Jeremiya 4:19

Maye, tinhlungu tami, tinhlungu tami! Ngiyashumpha etinhlungwini tami. Maye, kuqaqamba kwenhlitiyo yami! Inhlitiyo yami iyaqaqamba ngekhatsi kwami, ngehluleka nekubindzisa. Ngobe ngikuvile kukhala kwelicilongo, ngikuvile kuhlatjwa kwemkhosi wemphi.

Jeremiya 5:15

Yebo, wenandlu yaka-Israyeli,” kusho Simakadze, “ngitawuletsa sive lesikhashane sitekulwa nani, sive sasendvulo lesicinile, sive lesikhuluma lulwimi leningalwati, yebo, lesikhuluma lulwimi leningaluva.

Sililo 1:13

“Watfumela umlilo asetulu, wawehlisela phansi ematsanjeni ami. Webekela tinyawo tami linetha, wangincandzekisa. Wangenta ngaba ngulolahliwe, ngacaleka lilanga lonkhe.

Sililo 1:20

“Awu Simakadze, buka nje kutsi ngihlupheke kangakanani! Ngisemalahleni lapha ngekhatsi, inhlitiyo yami ikhatsatekile, ngobe bengingulelikhulu lihlubuka. Ngephandle, inkemba iyabulala; ngekhatsi ekhaya, kunekufa kodvwa.

Hezekeli 3:14

Moya wangiphakamisela etulu wangisusa, ngahamba ngibuhlungu, umoya wami umunyu; ngobe sandla lesimatima saSimakadze sasisetikwami.

Danyela 10:8

Ngako ngatikhandza sengisele ngedvwa ngigolotele lombono lomkhulu kangaka ngingenamandla, buso bami bagwala baba bovu tju, ngaba yingici.

Danyela 10:9

Ngase ngimuva uyakhuluma, ngatsi ngisemlalele, ngatikhandza ngikulobukhulu butfongo, ngase ngilele, buso bami buse mbo phansi.

Danyela 8:27

Mine Danyela ngaphela emandla, ngalala ngigula emalanga lamanyenti. Ngase ngiyavuka ngachubeka nemsebenti wenkhosi. Ngangimangaliswe ngulombono, futsi wawungetulu kwengcondvo yemuntfu.

Habakhuki 3:2

Awu Simakadze, ngivile ngeludvumo lwakho; ngimangaliswa tento takho, wena Simakadze. Phindza utivusetele nangalamalanga etfu, tente tatiwe nangaletikhatsi tetfu. Elulakeni lwakho khumbula umusa.

Lukha 21:19

Ciniselani ngekubeketela kwenu, niyawutisindzisa ngaloko.”