Habakhuki 3:13 - Siswati 1996 Bible

¹³ Waphumela kutawukhulula bantfu bakho, nekutawusindzisa logcotjiwe wakho. Wambhubhisa umholi waseveni lalababi, wabahlubula kusukela etinweleni tenhloko kuye etintwaneni tetinyawo. Cabanga.

Habakhuki 3:13 ပူးပေါင်းရင်းမြစ်များ

2 Samuweli 5:20

Ngako Davide wahamba waya eBhali Pherasimu, wafike walwa nawo, wawehlula. Wakhuluma watsi: “Simakadze utibhidlite watehlula titsa tami embikwami, watikhukhula njengekukhukhula kwazamcolo.” Ngako leyo ndzawo yetsiwa libito kwatsiwa yiBhali Pherasimu.

Tihlabelelo 105:15

Watsi: “Ningabatsintsi labagcotjiwe bami, ningacali nilimate baphrofethi bami.”

Tihlabelelo 105:26

Watfumela Mosi, inceku yakhe, wahamba na-Aroni labekhetfwe nguSimakadze.

Tihlabelelo 110:6

Uyakwehlulela tive, kuyawulala lucaca lwetidvumbu, aphihlite onkhe emakhosi emhlaba.

Tihlabelelo 137:7

Khumbula, Simakadze, lokwentiwa ngema-Edomu mzukwana kutfunjwa iJerusalema. Khumbula kutsi bakusho kanjani kutsi: “Yibhidliteni! Yibhidliteni iphele nya!”

Tihlabelelo 20:6

Nyalo sengiyati kutsi Simakadze uyamsindzisa logcotjiwe wakhe, uyawumphendvula asezulwini lakhe lelingcwele, amphendvule ngemandla akhe ekusindzisa, esandla sakhe sangesekudla.

Tihlabelelo 28:8

Simakadze ungemandla ebantfu bakhe, usiphephelo sekusindzisa logcotjiwe wakhe.

Tihlabelelo 68:7

Nkulunkulu! Ekuphumeni kwakho nawuhola sive sakho, udzabula naso ehlane, Cabanga.

Tihlabelelo 77:20

Sive sakho wasihola njengetimvu, ngesandla saboMosi na-Aroni.

Tihlabelelo 99:6

BoMosi kanye na-Aroni baba ngulabanye bebaphristi bakhe. Samuweli abengulomunye walabo bebabita libito lakhe. Bakhala kuSimakadze, wabaphendvula.

Isaya 63:11

Sive sakhe sase siyawakhumbula emalanga akadzeni, emalanga aboMosi kanye nesive sakhe, batsi: “Uphi lowa lowabeweta lwandle lolubovu bona kanye nebelusi bemhlambi wetimvu takhe? Uphi lowa lowafaka Moya wakhe Longcwele emkhatsini wabo,

Isaya 64:1

Awu, shangatsi ungadzabula emazulu, wehlele phansi. Shangatsi tintsaba tingatfutfumela embikwakho!

Hezekeli 13:14

Ngiyakuluhhihlitela phansi lolubondza loluhucwe ngemcakaco, ngiludzilite lube litsafa, kuze tisekelo talo tisale ebaleni. Ngesikhatsi naluwa, nani niyawubhujiswa kulo. Ngulapho-ke niyawukwati khona kutsi mine nginguSimakadze.

Amose 9:1

Ngabona Simakadze eme ngaselatini, watsi: “Shaya tihloko tetinsika, kuze tenabelo teminyango titewunyikanyika. Juba tihloko tetinsika utehlisele etinhloko tabo bonkhe bantfu; labo labasele ngiyawubabulala ngenkemba. Kute namunye loyawubaleka; yebo, kute loyawuphunyula.

Joshuwa 10:11

Ema-Amori atsi asehla abalekela baka-Israyeli, ehla ngemgwaco losuka eBhethi Horoni uye e-Azekha, Simakadze wehlisa ematje lamakhulu esangcotfo, awehlisela etikwawo. Linyenti lema-Amori labulawa ngulamatje kunalabo labafa ngekugwazwa ngema-Israyeli.

Joshuwa 10:24

Batsi kube bawaletse kuJoshuwa lamakhosi, Joshuwa wabutsa onkhe emadvodza aka-Israyeli, wakhuluma etindvuneni temabutfo labekahambe nato, watsi: “Wotani lapha ninyatsele etintsanyeni talamakhosi.” Ngako teta ngembili tanyatsela etintsanyeni talamakhosi.

Joshuwa 10:42

Onkhe lawo makhosi kanye nemave awo Joshuwa wawancoba ngemkhankhaso munye, ngobe Simakadze Nkulunkulu wema-Israyeli abewalwela ema-Israyeli.

Joshuwa 11:12

Joshuwa wawadla onkhe lamadolobha alawo makhosi, nemakhosi awo wawacedza ngelusiko lwenkemba. Wawabhubhisa onkhe, njengobe Mosi, inceku yaNkulunkulu, abemyalile.

Joshuwa 11:8

Simakadze wabaniketela esandleni sema-Israyeli. Ema-Israyeli abehlula abacosha, aze abashonisa eSidoni Lenkhulu, naseMisrefothi Mayimu, naseSihosheni saseMispa ngasemphumalanga, kwaze kwabate nome munye lowaphunyula.