Habakhuki 2:8 - Siswati 1996 Bible

⁸ Njengobe uphange tive letinyenti, letive letisele tiyawukuphanga nawe. Ngobe ucitse ingati yebantfu, wabhubhisa emave nemadolobha kanye nabo bonkhe labebahlala kuwo.

Habakhuki 2:8 ပူးပေါင်းရင်းမြစ်များ

Tihlabelelo 137:8

Wena Bhabhulona, uyawubhidlitwa. Ubusisiwe umuntfu loyawubuyisela kuwe tento takho lowake watenta kitsi,

Taga 22:23

nawenta njalo, Simakadze uyakummelela, atsatse kuphila kwalowo lophetse lomunye dlephu.

Isaya 33:1

Maye kuwe, wena mbhubhisi, wena losengakabhujiswa! Maye kuwe, wena lolimbuka, wena losengakatsengiswa! Nawuyekela kubhubhisa, uyakubhujiswa nawe. Nawuyekela kutsengisa bantfu, uyakutsengiswa nawe.

Isaya 33:4

Imphango yenu, nine tive, iyavunwa, kube shangatsi kucatsama inkhasa yesikhonyane; emadvodza ayayibunganyela, yebo, njengelibulo lesikhonyane.

Isaya 47:6

Ngangisitfukutselele sive sami, ngalilahla lifa lami, ngabanikela esandleni sakho, nawe awuzange ubahawukele ngemusa; ngisho nalasebagugile, wabagaca ngelijoko lelimatima.

Jeremiya 27:7

Tive tonkhe tiyawumkhonta, nendvodzana yakhe kanye nemtukulu wakhe, kuze kube sikhatsi lapho live lakhe liwa khona, tive letinyenti nemakhosi lamakhulu amehlule.

Jeremiya 30:16

“ ‘Kodvwa bonkhe labakushwabudzelako bayawushwabudzelwa nabo. Tonkhe titsa takho tiyawuyiswa ekutfunjweni. Labo labakuphangako nabo bayawuphangwa. Bonkhe labenta wena imphango, nami ngiyawubenta baphangwe.

Jeremiya 50:14

“Manini ngemumo, nitungelete iBhabhulona, nonkhe nine lenijijimeta ngemicibisholo. Yijijimeteni, kungasali namunye umcibisholo, ngobe yonile kuSimakadze.

Jeremiya 50:28

Lalelani lababalekako nebakhoseli labesuka eBhabhulona, bamemetela baseSiyoni kutsi Simakadze Nkulunkulu wetfu utiphindziselele kanjani, atiphindziselela ngenca yelithempeli lakhe.

Jeremiya 50:37

Inkemba ilengela etikwemahhashi ayo nasetikwetincola takhona temphi, nasetikwato tonkhe tihambi etigabeni tato! Bayawuba njengebafati. Inkemba ilengela etikwemcebo weBhabhulona! Bayawuphangwa.

Jeremiya 51:13

Wena lohlala ngasemantini lamanyenti futsi lonjingile ngemcebo, siphetfo sakho sesifikile, sikhatsi sakho sekutsi uncanyulwe.”

Jeremiya 51:24

“Embikwemehlo enu ngiyawutiphindzisela kuyo iBhabhulona, nakubo bonkhe labahlala eveni lemaBhabhulona ngako konkhe labona ngako eSiyoni,” kusho Simakadze.

Jeremiya 51:44

Ngiyakumjezisa Bheli eBhabhulona, ngimente akuhlantele phansi konkhe loko lakumitile. Tive atisayikubekelela tiye kuye, nelubondza lwaseBhabhulona luyakuwa.

Jeremiya 51:48

Ngulapho-ke lizulu nemhlaba nako konkhe lokukuko kuyawumemeta ngenjabulo ngeBhabhulona, ngobe kuyawuchamuka babhubhisi ngasenyakatfo bateyihlasela,” kusho Simakadze.

Jeremiya 51:8

Ngalokutumako iBhabhulona iyakuwa ibhidlitwe. Yilileleni bo! Yitfoleleni ibhalisamu yekwelapha leminjunju yayo; mhlawumbe ingelapheka.

Hezekeli 28:16

Ngekutsengisa kwakho lokunyenti wagcwala budlova, wase uyona. Ngako ngakulahla ngobe ungcolile ngekwemtsetfo, ngakususa entsabeni yaNkulunkulu, ngakucosha, awu, kherubhi lelalingumelusi, wesuka emkhatsini wematje emlilo.

Hezekeli 39:10

Abasayiwudzinga kutsi bayewutfota tinkhuni etigangeni, nome batikabhe emahlatsini, ngobe bayawusebentisa letikhali ekubaseni umlilo. Bayawuphanga labo labebaphangile, babemuke timphahla labo lababebemuke timphahla tabo, kusho iNkhosi Simakadze.’ ”

Amose 3:10

Simakadze utsi: “Abati kutsi bangakwenta njani lokulungile, labo lababutsise budlova nemphango etigodlweni tabo.”

Obadiya 1:15

“Lilanga laSimakadze lekwehlulela tonkhe tive selisondzele. Njengobe wentile nawe Edomu kuyakwentiwa njalo nakuwe; tento takho tiyawuphindziselwa kuwe.

Habakhuki 2:10

Wakhe luzungu lwekubhubhisa tive letinyenti, wahlazisa indlu yakho; walahlekelwa nakuphila kwakho.

Habakhuki 2:17

Lobudlova lobente kuyo iLebanoni buyawukwehlula, nekubhubhisa kwakho tilwane kuyawukwesabisa. Ngobe ucitse ingati yebantfu, wabhubhisa emave nemadolobha kanye nabo bonkhe labebahlala kuwo.

Zakhariya 1:15

Bengingakatfukutseli kangaka, kodvwa tive letitibona kutsi tiphephile setengete kulenhlekelele, tangitfukutselisa kakhulu.’

Zakhariya 14:12

Lesi-ke sishayo Simakadze layawushaya ngaso tonkhe tive letalwa neJerusalema: Umtimba wabo uyawubola baseme ngetinyawo tabo, emehlo abo ayawubola etingojeni tawo, netilwimi tabo tiyawubola emilonyeni yabo.

Sembulo 6:10

Bamemeta kakhulu, ngelivi lelikhulu, batsi: “Nkhosi Somandla, longcwele naloliciniso, kuyawudzimate kube ngunini ungehluleli uphindzisele ingati yetfu kulabo labahleti emhlabeni?”