Habakhuki 2:7 - Siswati 1996 Bible

⁷ Labo lobakweledako abayiwuvuka masinyane yini? Abayiwuvuka bakwesabise yini? Lapho-ke uyawuba yimphango yabo.

Habakhuki 2:7 ပူးပေါင်းရင်းမြစ်များ

Taga 29:1

Umuntfu lotsi nakelulekwa acinise inhloko, uyakufohlotwa masinyane.

Umshumayeli 10:8

Umuntfu lomba umgodzi angahle awele kuwo. Umuntfu lobhidlita lubondza angahle alunywe yinyoka.

Isaya 11:13

Umona wa-Efrayimu uyawunyamalala, titsa takaJuda ticedvwe nya; Efrayimu angeke aphindze abe nemona ngaJuda, naJuda angeke aphindze abe nebutsa ku-Efrayimu.

Isaya 41:25

“Ngivuse longasenyakatfo, futsi uyeta lomunye lophuma ngasemphumalanga lobita Libito lami. Unyatsela etikwebabusi kube shangatsi baludzaka nje, kube shangatsi yena ungumbumbi nakanyatsela libumba.

Isaya 46:11

Ngibita lingce emphumalanga, eveni lelikhashane ngibite umuntfu atewufeza injongo yami. Loko lese ngikushito, nguloko lengiyawukuphumelelisa; loko lese ngikuhlelile, nguloko lengiyawukwenta.

Isaya 47:11

Sehlakalo siyawukufikela, futsi awuyikwati kutsi uyawusicosha kanjani. Incitsakalo iyakwehlela etikwakho, ungakwati kuphunyula kuyo ngisho nangenhlawulo. Inhlekelele longasoze wayibona iseta, iyakwehlela kuwe ngekushesha.

Jeremiya 51:11

“Lolani imicibisholo, nitsatse emahawu! Simakadze uchukulute emakhosi aseMediya, ngobe injongo yakhe kubhubhisa iBhabhulona. Simakadze utawutiphindzisela, akhiphe sibhongo ngenca yelithempeli lakhe.

Jeremiya 51:57

Ngiyawudzakisa tindvuna tayo kanye nalabahlakaniphile bayo, nebabusi bayo, netiphatsimandla tayo, kanye nemabutfo ayo nawo. Bayawulala kokuphela bangaphindzi bavuke,” kusho iNkhosi, lelibito layo kunguSimakadze longuSomandla.

Jeremiya 8:17

“Buka-ke, ngitawutfumela tinyoka letinesihlungu lesibi emkhatsini wenu, tindlondlo letingeke titsetjulwe ngumuntfu titewuniluma,” kusho Simakadze.

1 kubaseThesalonika 5:3

Ngesikhatsi bantfu batsi: “Kunekuthula nenhlalakahle,” ngekushesha lokukhulu kubhujiswa kuyawubatuma njengemhelo ufikela umfati nasatawubeleka; futsi kute loyawusindza.