Habakhuki 2:19 - Siswati 1996 Bible

¹⁹ Nako kulowo muntfu losho esigodvweni atsi: ‘Phila!’ nome etjeni lelingenamphilo atsi: ‘Vuka!’ Lingasinika yini seluleko? Lembeswe ngegolide nangesiliva, kute umphefumulo kulo.

Habakhuki 2:19 ပူးပေါင်းရင်းမြစ်များ

Tihlabelelo 135:15

Tithico tebetive tiyigolide nesiliva, tingumsebenti wetandla temuntfu.

Tihlabelelo 135:17

tinetindlebe, kodvwa ativa, atikwati ngisho nekuphefumula imbala.

Tihlabelelo 97:7

Bayahlazeka badliwe ngemahloni bonkhe labakhonta tithico, bachoshe ngetithico letingenamsebenti. Bonkhe bonkulunkulu bakhotsama kuSimakadze.

Isaya 26:14

Nyalo asafile lawo makhosi, akasaphili, lowo moya wawo lowanyamalala awube usaphindza uvuke. Wawajezisa wawabhubhisa, wesula konkhe kukhunjulwa kwawo.

Isaya 40:19

Sithico-ke sona, intfo lebunjwa yingcweti, umfuli nje usembesa ngegolide, asentele netinketane tesiliva.

Isaya 41:26

Ngubani lowase wakhuluma ngaloku kusukela ekucaleni, kuze sitewukwati, nome-ke kwasendvulo, kuze natsi sitekusho sitsi: ‘Abecinisile’? Kute lowase wasitjela ngaloku, kute nalowakusho kungakenteki, kute lowake weva emavi enu.

Isaya 44:17

Kulesigodvo lesisele ubata nkulunkulu, lekusithico sakhe, akhotsame kuso, asikhonte. Uthandaza kuso atsi: “Ngisindzise; wena ungunkulunkulu wami.”

Isaya 46:6

Labanye batfulula igolide etikhwameni tabo, balinganise isiliva etikalini tabo, bacashe umbumbi wetegolide kutsi abentele kube sithico, bese baguca kuso basikhonte.

Isaya 57:6

Emkhatsini wematje labusheleleti asemifudlaneni ukhetsa tithico takho, tona titabelo takho. Yebo, utfululele kuto iminikelo yetinatfo, wanikela nangeminikelo yalokutinhlavu. Ngifanele ngeneliseke yini ngato tonkhe letintfo?

Jeremiya 10:14

Bonkhe abanangcondvo, futsi abanalwati, bonkhe babumbi betegolide bahlazekile ngetithico tabo. Titfombe tabo tiyinkhohliso, atinamphefumulo.

Jeremiya 10:3

Ngobe emasiko etive akanamsebenti, bajuba sihlahla ehlatsini, bese kutsi umbati usibata ngelishizolo lakhe,

Jeremiya 10:4

bakuhlobise ngesiliva nangegolide, bakutsekeletele ngehhamela nangetipikili, kuze kungetiwuntengetela.

Jeremiya 10:9

Isiliva legcotjiwe iyaletfwa isuka eThashishi, negolide legcotjiwe isuka e-Ufazi. Loko lokubatwe ngumbati nangumbumbi wetegolide, kubese kwembatsiswa letiluhlata njengesibhakabhaka naletibukhwebeletane, konkhe kwakhiwe tingcweti.

Jeremiya 2:27

Bakhuluma elugodvweni batsi: ‘Wena ungubabe wami,’ nasetjeni bakhulume batsi: ‘Wena wangitala.’ Bangifulatsele, bafihla buso babo kimi, kodvwa batsi nase bahluphekile bese batsi: ‘Kota utesisindzisa!’

Jeremiya 2:28

Baphi kantsi labonkulunkulu benu lenatentela bona? Abete phela, nangabe banganisindzisa nanisekuhluphekeni! Maye Juda, ninabonkulunkulu labanyenti ngangemadolobha enu.

Jeremiya 51:17

“Wonkhe umuntfu akanangcondvo, futsi akanalwati; wonkhe umbumbi wetegolide unemahloni ngetithico takhe. Titfombe takhe tiyinkhohliso nje, atinamphefumulo.

Jeremiya 51:47

Ngobe ngempela sikhatsi siyawufika, lapho ngiyawujezisa khona tithico taseBhabhulona. Live layo lonkhe liyawuhlazeka, nabo bonkhe labagwaziwe bakhona bayawulala lucaca ekhatsi kuyo.

Danyela 3:1

Inkhosi Nebukhadnezari yenta sithico segolide, lesasingemamitha labengaba ngema-30 kuphakama, nemamitha labengaba matsatfu bubanti, yasibeka etsafeni laseDura esifundzeni saseBhabhulona.

Danyela 3:18

Kodvwa-ke nome angakakwenti loko, sifuna kutsi wena wati, nkhosi, kutsi tsine singeke sibakhonte labonkulunkulu bakho, nome sikhotsame kulesithico sakho segolide losimisile.”

Danyela 3:29

“Ngako-ke sengikhipha umtsetfosimemetelo kutsi bonkhe bantfu bato tonkhe tive netilwimi labakhuluma lokuphambene naNkulunkulu waboShadraki, naMeshaki, na-Abednego abajutjwe batokwe babe ticucu, netindlu tabo tibhidlitwe tibe tindvundvuma tetimfuhlululu, ngobe kute lomunye nkulunkulu longasindzisa ngalendlela.”

Danyela 3:7

Ngako-ke batsi kube beve umsindvo wempalampala, newemntjingozi, newezitha, newelire, newehabhu, newato tonkhe tinhlobo tekuhlabela, bonkhe bantfu, netive, nebantfu bato tonkhe tilwimi bawa phansi bakhotsama kulesithico segolide lesasimiswe yinkhosi Nebukhadnezari.

Danyela 5:23

Esikhundleni saloko, sewutiphakamisile wamelana naNkulunkulu welizulu. Baletsa letindzebe tasethempelini lakhe kuwe, kwatsi wena netindvuna takho, nemakhosikati akho, nemaphovela akho nanatsa ngato liwayini. Nikhuleke nadvumisa bonkulunkulu besiliva nebegolide, nebelitfusi, nebensimbi, nebetigodvo kanye nebematje labangakwati kubona, nome kuva, nome kucondza. Kodvwa awukamdvumisi Nkulunkulu lophetse kuphila kwakho nato tonkhe tindlela takho esandleni sakhe.

Danyela 5:4

Batsi basanatsa liwayini, babe badvumisa bonkulunkulu begolide, nebesiliva, nebelitfusi, nebensimbi, nebetigodvo, nebematje.

Jona 1:5

Onkhe ematilosi efikelwa kwesaba lokukhulu, kwaba ngulelo nalelo lakhala kunkulunkulu walo. Batijika elwandle timphahla letatisemkhunjini, batsi betama kuwuphungula umkhumbi. Kepha Jona abewukele ngaphansi ekhatsi nemkhumbi, akulobukhulu butfongo.

Imisebenti yebaPhostoli 17:29

“Njengobe singumliba wakhe, akukafaneli kutsi sicabange kutsi simo saNkulunkulu sifanana negolide nome nesiliva nome nelitje lokungumsebenti lobatwe ngebungcweti nangekucabanga kwemuntfu.

Sembulo 17:4

Lomfati bekagcoke ingubo lebukhwebeletane nalebovu, abembeswe ngemihlobiso yegolide, nangematje laligugu, nangemapharele. Esandleni sakhe abephetse indzebe yegolide igcwele emanyala nekungcola kwebugwadla bakhe.