Habakhuki 1:13 - Siswati 1996 Bible

¹³ Emehlo akho ahlanteke kakhulu kutsi angabuka bubi; ungeke ukubeketelele kuhlushwa kwalabacindzetelwe. Manje-ke ubabeketelelani laba labambulutako? Ubindzeleni ngesikhatsi lababi bamita labo labalunge kwengca bona?

Habakhuki 1:13 ပူးပေါင်းရင်းမြစ်များ

2 Samuweli 4:11

Kubi kakhulu kanganani-ke kulabantfu lababi kangaka lababulele umuntfu longenacala, endlini yakhe atilalele embhedzeni wakhe. Mine ngitamkhiphela sibhongo kini ngekunibulala, nginitsanyele emhlabeni!”

1 Emakhosi 2:32

Simakadze utamkhokhisa lengati layicitsa; ngaphandle kwemvume yababe Davide, wabulala emadvodza lamabili ngenkemba. Bobabili, bo-Abneri, umsa waNeri, indvuna yemphi yaka-Israyeli, na-Amasa, umsa waJetheri, indvuna yemphi yakaJuda, babencono, bacotfo kakhulu kunaye.

Esta 4:14

Nawuthula manje kulesikhatsi, lusito nenkhululeko yemaJuda iyawuchamuka kulenye indzawo, wena nemndeni weyihlo utawubhujiswa. Empeleni, ngubani nje lowatiko kutsi mhlawumbe wena wentelwa sona lesikhatsi kutsi ube yinkhosikati lenkhulu?”

Jobe 15:15

Nangabe Nkulunkulu akabetsembi labangcwele bakhe, nangabe ngisho nemazulu akahlanteki emehlweni akhe,

Jobe 21:7

Kwentiwa yini kutsi lababi baphile sikhatsi lesidze, bakhule baze baguge, baphindze babe nemandla lamakhulu?

Jobe 24:23

Angabenta bativele kuphumula lokuphephile, kodvwa emehlo akhe abuka tindlela tabo.

Tihlabelelo 10:15

Juba sandla salomubi losikhohlakali, jezisa bubi bakhe, kuze kubete lokusalako.

Tihlabelelo 18:26

kulohlantekile wena utibonakalisa uhlantekile, kodvwa kulosigwegwe wena utibonakalisa ulukhuni.

Tihlabelelo 25:3

Yebo, labo labetsembele kuwe kute namunye loyawuhlazeka; kepha bayawuhlazeka labo labakuhlubuka ngelite.

Tihlabelelo 35:17

Simakadze, kuyawuze kube ngunini ungibukelela? Ngisindzise ebudloveni babo, wephule umphefumulo wami kulamabhubesi!

Tihlabelelo 35:22

Nawe, Simakadze, wakubona lokwenteka; ngako-ke phutfuma ungabindzi, ungakhweshi kimi, Simakadze.

Tihlabelelo 35:25

Ungabavumeli bangicoloshele, batsi: “Yehhehhe! Nako-ke lebesikufuna!” Ungabavumeli bakhulume batsi: “Sesimehlulile.”

Tihlabelelo 50:21

Loko ukwentile, kodvwa mine ngathula; wenta shangatsi mine ngifanana nawe. Kodvwa sengitakwekhuta, ngitawubeka licala emehlweni akho ubuka.

Tihlabelelo 50:3

Nkulunkulu wetfu uyeta, angeke abindze. Embikwakhe kunemlilo locotfulako, utungeletwe sivunguvungu lesesabekako.

Tihlabelelo 73:3

Ngobe nganginemona nalabatigcabhako, ngesikhatsi ngibona kuchuma kwalababi.

Tihlabelelo 83:1

Awu, Nkulunkulu! Ungathuli, utente simungulu. Ungatsalalisi, Nkulunkulu.

Isaya 21:2

Ngikhonjiswe umbono lowesabekako: Bantfu labangemambuka bayatsengisana, baphangi batsatsa imphango. Hlaselani, nine ma-Elamu! Vimbetelani, nani maMede! “Ngitakucedza konkhe loko kububula lobekubangwa baseBhabhulona.”

Isaya 24:16

Siva kuhlabela kuchamuka emikhawulweni yemhlaba, kutsi: “Ludvumo kuLolungile!” Kodvwa mine ngatsi: “Ngiyahusheka! Ngiyahusheka! Maye kimi! Labenta luzungu bachubeka ngeluzungu! Luzungu lwekutsengisa labanye bantfu!”

Isaya 33:1

Maye kuwe, wena mbhubhisi, wena losengakabhujiswa! Maye kuwe, wena lolimbuka, wena losengakatsengiswa! Nawuyekela kubhubhisa, uyakubhujiswa nawe. Nawuyekela kutsengisa bantfu, uyakutsengiswa nawe.

Isaya 64:12

Awu, Simakadze, emvakwako konkhe loku utawuchubeka yini utibambe? Wena utawuthula nje, usijezise ngalokungetulu kwemandla etfu?

Sililo 3:36

nekudlelela umuntfu lilungelo lakhe lekwehlulelwa ngebucotfo bemtsetfo, kungabe Simakadze angeke yini atibone tintfo letinjengaleto?

Habakhuki 1:14

Bantfu ubaphatselani njengetinhlanti taselwandle, babe njengetilwanyakatana letinwabutelako letingenambusi?

Zakhariya 8:17

Ningambopheli luzungu makhelwane, futsi ningabokutsandza kufungela emanga. Ngiyakwenyanya konkhe loko,” kusho Simakadze.

Imisebenti yebaPhostoli 2:23

Nkulunkulu ngekwatinchanti kwakhe nangentsandvo yakhe abesakumisile kutsi Jesu uyawuniketwa kini; nine-ke nambulala ngekumbetsela esiphambanweni ngetandla tetoni.

Dutheronomi 23:15

“Nangabe sigcili sibalekele kini, ningasibuyiseli kumnikati waso.