Genesisi 8:9 - Siswati 1996 Bible

⁹ Kepha lituba lehluleka kutfola indzawo, ngisho neyekubeka lunyawo lwalo, lancandzeka labuyela kuye emkhunjini, ngobe emanti abesemanyenti emhlabeni wonkhe. Ngako welula sandla sakhe walitsatsa, walingenisa emkhunjini kuye.

Genesisi 8:9 ပူးပေါင်းရင်းမြစ်များ

Matewu 11:28

“Wotani kimi, nine nonkhe lenikhatsele nalenisindvwa yimitfwalo, ngitaniphumuta.

Tihlabelelo 116:7

Mphefumulo wami, ake uphindze uphumule, ngobe Simakadze ukuphetse ngemusa.

Johane 16:33

Senginitjele loku, kuze nitewuba nekuthula kimi. Eveni niyawuhlupheka nibe nelusizi. Kodvwa manini sibindzi, ngobe mine ngilincobile live.”

Dutheronomi 28:65

Emkhatsini waleto tive aniyikuba nako kuthula nendzawo yekuphumuta tinyawo tenu. Lapho Simakadze uyakuninika khona ingcondvo leshisekelako nemehlo lakhatsele ngekulangatelela, nenhlitiyo ledzangele.

Isaya 60:8

“Bobani laba labandiza etulu njengemafu, nanjengematuba aya etidlekeni tawo?

Hezekeli 7:16

Bonkhe labasele labaphunyulile bayawubasetintsabeni babubule njengematuba asetihosheni, ngulowo ngenca yetono takhe.

Genesisi 8:8

Wase utfumela lituba kutsi liyewuhlola kutsi emanti asanciphile yini emhlabatsini.

Genesisi 8:10

Walindza emalanga lasikhombisa, waphindze watfumela lituba walikhipha emkhunjini.