Genesisi 48:4 - Siswati 1996 Bible

⁴ watsi kimi: ‘Lalela la, ngitakwandzisa ngikwente ube tive letinyenti, lelive ngiliphe titukulwane takho emvakwakho. Liyawuba lato phakadze naphakadze.’ ”

Genesisi 48:4 ပူးပေါင်းရင်းမြစ်များ

Genesisi 17:8

Lelive lewusihambi kulo ngiyawulinika wena netitukulwane takho emvakwakho. Lonkhe lelive laseKhenani liyawuba letitukulwane takho, libe lifa lato phakadze naphakadze, mine ngiyawuba nguNkulunkulu wato.”

Genesisi 35:11

Nkulunkulu wachubeka watsi kuye: “NginguNkulunkulu, Somandla. Tala, wandze ube sive. Tive letinyenti titawuphuma kuwe, ube ngukhokho wemakhosi.

Dutheronomi 32:8

Ngesikhatsi Losetikwako Konkhe abela tive emafa ato, mhlazana ehlukanisa tive ngetive wemisa iminyele yetive, kwaya ngebungako bemadvodzana a-Israyeli.

Eksodusi 1:7

Kodvwa titukulwane tabo, ema-Israyeli, tatalana, tandza, taba nemandla kakhulu, kangangobe live laseGibhithe lase ligcwele tona.

Genesisi 47:27

Ngako ema-Israyeli ahlala eGibhithe akha eveni laseGosheni; achuma, anotsa, andza kakhulu.

Genesisi 46:3

Watsi: “NginguNkulunkulu, Nkulunkulu weyihlo. Ungesabi kwehlela eGibhithe, ngiyawukwenta ube sive lesikhulu khona.

Genesisi 32:12

Kodvwa wena wakhuluma kimi watsi: ‘Ngiyawukwentela lokuhle, ngandzise nentalo yakho ibe ngangesihlabatsi sangaselwandle, ingete yabaleka ngenca yebunyenti.’ ”

Genesisi 28:3

Shangatsi Nkulunkulu Somandla angakubusisa akuchumise, akwandzise, udzimate ube tive letinyenti.

Genesisi 26:4

Titukulwane takho ngiyawutandzisa tibe ngangetinkhanyeti tesibhakabhaka. Onkhe lamave ngiyakuwanika titukulwane takho. Tive tonkhe temhlaba tiyawubusiswa ngetitukulwane takho,

Genesisi 22:17

ngiyakukubusisa impela, ngandzise titukulwane takho tibe ngangetinkhanyeti tesibhakabhaka nangangesihlabatsi selugu lwelwandle. Titukulwane takho tiyakwehlula emadolobha etitsa tato.

Genesisi 17:13

Lowo lotalelwe endlini yakho nalotsengiwe, bonkhe kufanele basokwe. Ngako-ke lesivumelwane siyawubasemtimbeni wenu, kube sivumelwane saphakadze.

Genesisi 12:2

Ngitakwenta ube sive lesikhulu, ngikubusise, ngente libito lakho libe likhulu, wena ube sibusiso.

Eksodusi 1:11

Ngako-ke emaGibhithe agcilata ema-Israyeli ngekuwabekela tindvuna letatiwashayela njengetinkhabi, tiwahlupha ngekuwetfwesa imitfwalo lematima. Ema-Israyeli akhela boFaro iPhithomu neRamsesi lekwakutingungumadolobha.

Levithikusi 26:9

Ngiyawunibusisa, nginiphe bantfwana labanyenti, nandze; sivumelwane lengisenta nani ngiyawusigcina ngisifeze.

Tihlabelelo 127:3

Bantfwana balifa leliphuma kuSimakadze, basibusiso lesivela kuye.

Genesisi 17:6

Ngitakupha intalo lenyenti, ngikwente tive letinyenti, labanye kuto bayawuba ngemakhosi.

Hezekeli 37:25

Bayawuhlala eveni lengalipha inceku yami Jakobe, live lapho kwakuhlala khona boyihlomkhulu. Bona kanye nebantfwababo, kanye nebantfwana bebantfwababo, bayawuhlala lapho phakadze naphakadze; naDavide, inceku yami, uyawuba yinkhosi yabo phakadze naphakadze.