Genesisi 45:16 - Siswati 1996 Bible

¹⁶ Kwatsi lendzaba nayibikwa kuFaro kutsi bomnakaboJosefa laba labefikile, Faro netiphatsimandla takhe bajabula kakhulu.

Genesisi 45:16 ပူးပေါင်းရင်းမြစ်များ

Imisebenti yebaPhostoli 7:13

Nase babuyela eGibhithe kwesibili, Josefa wase uyativeta kubomnakabo, kulapho-ke naFaro acala khona kulwati lusendvo lwakuboJosefa.

Imisebenti yebaPhostoli 6:5

Bonkhe bantfu basijabulela lesincomo sebaphostoli; ngako bakhetsa Stefano, indvodza leyayigcwele kukholwa naMoya Longcwele, naFiliphu, naPhrokhorusi, naNikhano, naThimoni, naPhamenasi, kanye naNikholawusi wase-Antiyokhi, yena-ke abengewetive, kodvwa abephendvukele enkholweni yebuJuda.

Esta 5:14

Ngako umkakhe Zereshi, nabo bonkhe bangani bakhe bakhipha siphakamiso batsi: “Yini ungagawuli sigodvo lesingemamitha langema-22 budze, uvuke ekuseni ucele enkhosini kutsi Modekhayi alengiswe khona; utawutsi nawuya edzilini nenkhosi ube ujabulile.” Leso siphakamiso samjabulisa Hamani, ngako sigodvo sekulengisa Modekhayi salungiswa masinyane.

Esta 2:4

Inkhosi itawube seyikhetsa leyo ntfombatana letayitsandza kakhulu, iyente ibe yinkhosikati lenkhulu esikhundleni saVashti.” Leseluleko sabonakala sisihle emehlweni enkhosi, ngako yavele yenta njengobe yayitjeliwe.

Esta 1:21

Inkhosi netiphatsimandla tayo tawemukela lombono; ngako inkhosi yenta njengesincomo saMemukhani.

2 Tikhronike 30:4

Lelicebo labonakala lilihle enkhosini nakulo lonkhe libandla.

2 Samuweli 3:36

Bonkhe bantfu bakubona loko bajabula; empeleni, konkhe lokwakwentiwa yinkhosi kwabajabulisa.

Dutheronomi 1:33

labehamba embikwenu, ngemlilo ebusuku nangelifu emini. Loko abekwentela kunifunela tindzawo lapho ningemisa khona, nekutsi anikhombise indlela lekufanele nihambe ngayo.”

Genesisi 41:33

“Ngako-ke Faro akakhetse indvodza lecaphelako, nalecotfo, ayibeke yengamele lonkhe live laseGibhithe.

Genesisi 34:18

Lesiphakamiso semukeleka kuboHamori nemsa wakhe Shekhemu.

Genesisi 20:15

Abimeleki watsi: “Buka la, nali live lami, yakha lapho utsandza khona.”

Genesisi 16:6

Abrama watsi kuSarayi: “Lalela la, Hagari sisebenti sakho, uphetfwe nguwe. Mphatse njengekubona kwakho.” Sarayi wase umphatsa ngelulaka loHagari, wadzimate Hagari wabaleka.

Genesisi 45:15

Bonkhe labomnakabo wabanga, akhala; emvakwaloko bonkhe labomnakabo base bakhuluma naye.

Genesisi 45:17

Faro wakhuluma kuJosefa watsi: “Tjela labomnakenu kutsi ababophele imitfwalo yabo etimbongolweni tabo bahambe baye eveni laseKhenani,

Genesisi 41:37

Lesiphakamiso semukeleka kuFaro nakuto tonkhe tindvuna takhe.