Genesisi 31:27 - Siswati 1996 Bible

²⁷ Uhambeleni ngekunyenya? Awukangitjeli ngani, khona phela ngitekukhipa ngekujabula, nangekuhlabela, nangelugubhu, nangelihabhu?

Genesisi 31:27 ပူးပေါင်းရင်းမြစ်များ

Eksodusi 15:20

Miriyamu, umphrofethikati, labengudzadzewabo-Aroni, watsatsa umntjingo wawudlala ahlabela, bonkhe labasikati baphuma bamlandzela nabo baphetse tingubhu, bagidza.

Tikhulu 6:27

Ngako Gideyoni watsatsa tisebenti takhe letilishumi wenta njengobe atjelwe nguSimakadze. Kodvwa ngobe abesaba umndeni wakabo kanye nemadvodza alelo dolobha, loko wakwenta ebusuku, hhayi emini.

Genesisi 31:31

Jakobe waphendvula Labani, watsi: “Kungobe ngesabile kutsi ungahle ungemuke lamadvodzakati akho.

Genesisi 4:21

Libito lemnakabo kwakunguJubale; yena-ke waba nguyise wabo bonkhe lababedlala lugitali nemntjingozi.

Genesisi 31:26

Labani wafike wakhuluma kuJakobe, watsi: “Seyini-ke lena lose uyentile, unginyenyeleleni ngekuhamba nemadvodzakati ami kungatsi bafati lobatfumbe emphini?

Isaya 5:12

Banemahabhu nemalire emadzilini abo, nemafahlawane nemintjingozi kanye neliwayini, kodvwa abatinaki tento taSimakadze, abayiboni imisebenti yetandla takhe.