Genesisi 27:37 - Siswati 1996 Bible

³⁷ Isaka wamphendvula watsi: “Asubuke nje, sengimente waba yinkhosi yakho, ngimnike bonkhe bomnakabo kutsi babe tisebenti takhe. Ngimuphe inala yemabele neyeliwayini. Pho, wena ngingabe ngisakwentelani, ndvodzana yami?”

Genesisi 27:37 ပူးပေါင်းရင်းမြစ်များ

Genesisi 25:23

Simakadze wamphendvula watsi: “Esiswini sakho kunetive letimbili. Utawutala tive letitakwehlukana tinhlobo letimbili. Lesinye sive siyawuba nemandla kunalesinye, lomdzala akhonte lomncane.”

2 Samuweli 8:14

Wase umisa tinkambu temasotja kulo lonkhe laka-Edomu. Onkhe ema-Edomu ase aba ngaphansi kwaDavide. Simakadze wapha Davide kuncoba nome ngukuphi lapho ahlasela khona.

1 Emakhosi 22:48

Jehoshafati wakha imikhumbi yekuhweba elwandle kutsi ibohamba iye e-Ofiri, ilandze igolide, kodvwa noko ayizange iphumelele kuhamba, ngobe yephukela e-Esiyoni Geberi.

Dutheronomi 33:28

Ngako Israyeli uyawuhlala aphephile, umtfombo waJakobe uvikelekile, eveni lemabele neleliwayini lelisha, lapho emazulu ehlisela khona ematolo.