Genesisi 23:4 - Siswati 1996 Bible

⁴ “Ngisihambi nemchamuki la emkhatsini wenu. Ngicela ningitsengisele indzawo yekungcwaba, khona ngitewungcwaba lesidvumbu semkami.”

Genesisi 23:4 ပူးပေါင်းရင်းမြစ်များ

KumaHebheru 11:9

Ngekukholwa waba sihambi eveni labetsenjiswe lona. Wahlala emathendeni; benta njalo nabo-Isaka naJakobe. Nabo baba tindlalifa kanye naye kuso leso setsembiso,

1 Tikhronike 29:15

Tsine sitihambi nebafokati embikwakho, njengabo bonkhe bokhokho betfu. Emalanga etfu lapha emhlabeni afanana nesitfunti, kute litsemba.

Genesisi 17:8

Lelive lewusihambi kulo ngiyawulinika wena netitukulwane takho emvakwakho. Lonkhe lelive laseKhenani liyawuba letitukulwane takho, libe lifa lato phakadze naphakadze, mine ngiyawuba nguNkulunkulu wato.”

Tihlabelelo 119:19

Ngisihambi lapha emhlabeni, ungangifihleli imiyalo yakho.

Imisebenti yebaPhostoli 7:5

Nkulunkulu akamnikanga Abrahama lendzawo kutsi ibe yakhe, ngisho neligajana nje lemhlaba imbala; kepha Nkulunkulu wetsembisa kutsi uyawumnika lelive libe lakhe netitukulwane takhe emvakwakhe. Ngalesikhatsi Nkulunkulu enta lesetsembiso Abrahama abengenamntfwana.

Tihlabelelo 39:12

Hhawu, Simakadze! Lalela umkhuleko wami, ubeke indlebe yakho ekuncuseni kwami, ungatitibi tinyembeti tekukhala kwami. Ngobe mine ngingumfokati lokhosele kuwe, ngisihambi njengabokhokho bami bonkhe.

Levithikusi 25:23

“ ‘Indzawo aniyiwuyitsengisa siphelane, ngobe phela lelive ngelami, nine nitihambi nebacashi bami.

Genesisi 49:30

Lomhume usensimini yaseMakhaphela, emphumalanga neMamre, eveni laseKhenani. Abrahama wawutsenga kanye nensimi ku-Efroni, umHethi, kutsi ube yindzawo yekungcwaba.

1 yaPhetro 2:11

Batsandzekako, ngiyanincenga, njengobe nitihambi nalabendlulako kulomhlaba, kutsi nitikhweshele tinkhanuko tenyama letilwa nemphefumulo.

Umshumayeli 12:7

Mkhumbule yena, lutfuli lusengakabuyeli emhlabatsini, lapho lwatsatfwa khona, nemoya usengakabuyeli kuNkulunkulu lowawuniketa.

Umshumayeli 12:5

ngesikhatsi bantfu besaba konkhe lokuphakeme, kanye netingoti tasetitaladini, ngesikhatsi tihlahla te-alimondi setichakaza, nentsetse itotoba endleleni yayo, nenkhabunkhabu iphela. Umuntfu uya ekhaya lakhe laphakadze, labalilako bazulazula etitaladini.

Umshumayeli 6:3

Indvodza ingaba nebantfwana labalikhulu, iphile iminyaka leminyenti; kodvwa nome ingaphila sikhatsi lesidze, ingakwati kutijabulisa ngetintfo letinhle tekuphila, bese kutsi ekugcineni ingabe insangcwatjwa nakahle, ngitsi umntfwana lotelwe asafile uncono kakhulu kunayo.

Jobe 30:23

Ngiyati kutsi uyawungehlisela phansi kulabafile, endzaweni lemiselwe bonkhe labaphilako.

Genesisi 50:13

Emadvodzana aJakobe ametfwala uyise ambuyisela eveni laseKhenani, amngcwaba emhumeni wensimi yaseMakhaphela, ngasemphumalanga yeMamre. Lomgedze watsengwa kanye nensimi ngu-Abrahama ku-Efroni, umHethi, kutsi ube yindzawo yekungcwaba.

Genesisi 47:9

Jakobe wamphendvula watsi: “Iminyaka yami yekuzulazula seyili-130. Leminyaka lembalwa inebulukhuni emphilweni yami. Noko ngisengakabi mdzala ngefika eminyakeni yabokhokho ekuzulazuleni kwabo.”

Genesisi 3:19

Uyawusebenta kamatima, ukujulukele kudla kwakho, udzimate ubuyele emhlabatsini, ngobe vele watsatfwa kuwo; njengobe ulutfuli, uyawubuyela elutfulini.”

Imisebenti yebaPhostoli 7:16

Tidvumbu tabo tamikiswa eShekhemu, lapho tangcwatjwa khona edlizeni lelalitsengwe ngu-Abrahama ngemali esiveni saHamori eShekhemu.

Genesisi 23:5

EmaHethi aphendvula Abrahama atsi:

Eksodusi 2:22

Watala indvodzana, Mosi wayetsa libito watsi nguGeshomu, ngobe abetsi: “Ngisihambi kulelive.”