Genesisi 19:11 - Siswati 1996 Bible

¹¹ Ashaya lamadvodza labesemnyango ngebumphumphutse onkhe lawo labengaphandle kwendlu, lamancane nalamadzala, kangangekutsi abatse ayawufuna umnyango angete awutfola.

Genesisi 19:11 ပူးပေါင်းရင်းမြစ်များ

Genesisi 19:12

Lamadvodza lamabili atsi kuLoti: “Nangabe bakhona labanye bantfu lonabo, labanjengebakhwenyana, nemadvodzana, nemadvodzakati nome ngangubani lokulelidolobha, bakhiphe lapha,

2 Emakhosi 6:18

Titsa tatsi tehlela kubo, Elisha wathandaza kuSimakadze, watsi: “Shaya labantfu ngebumphumphutse.” Simakadze wavele wabashaya ngebumphumphutse njengekucela kwa-Elisha.

Umshumayeli 10:15

Silima sitigugisa sona ngemisebenti yaso size sife, ngobe asiyati nendlela leya edolobheni.

Isaya 57:10

Ukhatsatwe ngito tonkhe letindlela takho, kodvwa awuzange usho kutsi: ‘Akusiti lutfo.’ Watfola kuvusetelwa kwemandla akho, ngiko nje ungazange ucaleke.

Jeremiya 2:36

Utiguculelani kangaka tindlela takho? IGibhithe itakujabhisa, njengaloku wake wajabhiswa yi-Asiriya.

Imisebenti yebaPhostoli 13:11

Sandla seNkhosi sitakwehlela etikwakho nyalo; utawuba yimphumphutse, awunakubona kukhanya kwelilanga sikhatsi lesitsite.” Khona lapho Elimasi wehlelwa yinkhungu yebumnyama yavala emehlo akhe, wahambahamba ajikeleta afuna longamhola amdvonse ngesandla.