Genesisi 12:3 - Siswati 1996 Bible

³ Ngitababusisa labakubusisako, ngibacalekise labakucalekisako. Tive tonkhe temhlaba tiyawubusiswa ngawe.”

Genesisi 12:3 ပူးပေါင်းရင်းမြစ်များ

KubaseGalathiya 3:8

UmBhalo wakubona kucala kutsi Nkulunkulu nebetive uyawubalungisisa ngekukholwa; ngiwo lowashumayela liVangeli kucala ku-Abrahama watsi: “Tive tonkhe tiyawubusiswa ngawe.”

Genesisi 22:18

Tive tonkhe temhlaba tiyawubusiswa ngetitukulwane takho, ngobe ulalele livi lami.’ ”

Genesisi 27:29

Shangatsi tive tingasebenta wena, nemindeni ikukhotsamele. Ube yinkhosi kubomnakenu, emadvodzana enyoko akukhotsamele. Akacalekiswe lokucalekisako, abusiswe lokubusisako.”

Numeri 24:9

Njengelibhubesi bayahoshoba bacambalale phansi, yebo, nanjengelibhubesi lelisikati, ngubani nje longacala abavuse? “Ababusiswe labo labakubusisako, bacalekiswe labo labakucalekisako!”

Genesisi 26:4

Titukulwane takho ngiyawutandzisa tibe ngangetinkhanyeti tesibhakabhaka. Onkhe lamave ngiyakuwanika titukulwane takho. Tive tonkhe temhlaba tiyawubusiswa ngetitukulwane takho,

Genesisi 28:14

Titukulwane takho tiyawuba ngangelutfuli lwemhlaba. Uyakwandza nemhlaba wonkhe wenabele enshonalanga, nasemphumalanga, nasenyakatfo, naseningizimu. Tonkhe tive temhlaba tiyawubusiswa ngawe nangetitukulwane takho.

KubaseGalathiya 3:16

Mayelana netetsembiso letanikwa Abrahama nentalo yakhe: “Intalo” yinye, hhayi lenyenti. Akukhulunywa ngalenyenti, kodvwa kushiwo yinye; leyo-ke nguKhristu.

Genesisi 18:18

Phela, Abrahama utawuba sive lesikhulu lesinemandla, tonkhe tive temhlaba tiyawubusiswa ngaye.

KubaseRoma 4:11

Wasoka muva, lokusoka kwaba luphawu lwekucinisa kutsi ngenca yekukholwa kwa-Abrahama Nkulunkulu abesamemukele ngekutsi ulungile, ngaphambi kwekutsi asoke. Ngako-ke Abrahama waba nguyise wabo bonkhe labakholwa nguNkulunkulu bese bemukelwa nguye kutsi balungile, nome bangakasoki.

Eksodusi 23:22

Kodvwa nangabe nililalelisisa kahle livi layo nente konkhe lengikushoko, ngiyawuba sitsa setitsa tenu ngilwe nalabalwa nani.

KubaseGalathiya 3:28

Kute umJuda nemGriki, kute sigcili nalokhululekile, kute lomdvuna nalomsikati, nonkhe nimunye kuKhristu Jesu.

Tihlabelelo 72:17

Shangatsi libito layo lingahlala ingunaphakadze, lichubeke latiwe njengelilanga. Tive tonkhe atibusiswe ngayo; tiyawumbita ngekutsi yinkhosi lebusisekile.

Sembulo 7:9

Emvakwaloko ngatsi ngiyabuka ngabona sicumbi lesikhulu sebantfu lesingeke sibalwe ngumuntfu. Kwakubantfu lababephuma etiveni tonkhe, nasemindenini yonkhe, nasemaveni onkhe, nasetilimini tonkhe. Babeme embikwesihlalo sebukhosi nasembikweliWundlu, bembetse tingubo letimhlophe, etandleni baphetse emagala elisundvu.

Kubase-Efesu 1:3

Akabongwe Nkulunkulu longuYise weNkhosi yetfu Jesu Khristu, ngobe usibusise kuKhristu ngato tonkhe tibusiso taMoya tasezulwini.

Matewu 25:40

INkhosi iyawubaphendvula itsi: ‘Ngicinisile, ngitsi kini: Konkhe loko lenanikwenta kulomunye walabanaketfu labancane, nanikwenta kimi!’

Genesisi 30:27

Labani watsi kuye: “Ase ngisho naku: Sengifundzile, futsi sengiyile ngeva kubemanga kutsi Simakadze ungibusise ngenca yakho.

KubaseKholose 3:11

Kulabanjalo kute umehluko emkhatsini wemGriki nemJuda, walosokile nalongakasoki, wetive nemSikithi, sigcili nalokhululekile, kodvwa Khristu ungiko konkhe, futsi ukubo bonkhe.

Genesisi 39:5

Kusukela ngalelo langa labekwa ngalo kwengamela likhaya laPhotifari netimphahla takhe, Simakadze walibusisa lelikhaya lalomGibhithe ngenca yaJosefa. Sibusiso saSimakadze sasisetikwako konkhe Photifari labenako ekhaya nasemasimini.

Genesisi 30:30

Leto letimbalwa lewawunato ngisengakefiki setandze kakhulu. Simakadze ukubusise kuyo yonkhe indzawo lapho bengifika khona. Kodvwa-ke manje mine ngitayisebentela nini indlu yami?”

1 kubaseKorinthe 1:30

Yena ungumtfombo wemphilo yenu kuJesu Khristu, lamenta waba kuhlakanipha kwetfu, nekulunga, nekungcweliswa, kanye nekuhlengwa.

Matewu 25:45

INkhosi iyawubaphendvula itsi: ‘Ngicinisile, ngitsi kini: Loko leningakwentanga kulomunye walaba labancane, anikwentanga kimi.’

Lukha 24:27

Jesu wase uyabachazela ngako konkhe lokwakuphatselene naye emiBhalweni, kusukela etincwadzini taMosi netebaphrofethi.

Genesisi 18:19

Cha, ngeke, ngobe Abrahama ngimkhetsile kutsi ayale emadvodzana akhe netitukulwane takhe emvakwakhe, kutsi bagcine intsandvo yaSimakadze ngekwenta lokuhle nalokulungile. Khona-ke Simakadze uyawunika Abrahama loko lametsembisa kona.”

Genesisi 24:35

Simakadze uyibusise kakhulu inkhosi yami, injinge kakhulu. Simakadze uyibusise ngemihlambi yetimvu netinkhomo, isiliva negolide, tisebenti letidvuna naletisikati, emakamela kanye netimbongolo.

Genesisi 25:11

Emvakwekufa kwa-Abrahama, Nkulunkulu wayibusisa lendvodzana yakhe lengu-Isaka. Isaka wacaba eBheri Lahayi Royi.

Genesisi 26:29

sekutsi ungeke usentele lokubi, njengobe natsi singakakuphatsi kabi nje; sikuphetse kahle, sakuhambisa ngekuthula. Sekuyakhanya kutsi Simakadze ukubusisile.”