Ezra 4:8 - Siswati 1996 Bible

⁸ Rehumi, indvuna, kanye naShimshayi, labengumabhalane, babhala incwadzi ngeJerusalema bayitfumela ku-Athazeksesi, inkhosi, itsi:

Ezra 4:8 ပူးပေါင်းရင်းမြစ်များ

2 Samuweli 20:25

Sheva abengumabhalane; boSadoki na-Abiyatha bona bekubaphristi.

2 Samuweli 8:17

BoSadoki, umsa wa-Ahitubi, kanye na-Ahimeleki, umsa wa-Abiyatha, bona babebaphristi; Seraya yena abengumabhalane.

2 Emakhosi 18:18

Befika lapho babita inkhosi, kwaphuma bo-Eliyakimu, umsa waHilkiya, indvuna yesigodlo, naShebna labengumabhalane, naJowa, umsa wa-Asafa, umbhalisi, baya kubo.

Ezra 4:17

Inkhosi yatfumela imphendvulo yayo leyayibhalwe kanje: “Lencwadzi ibhalelwe Rehumi, indvuna, naShimshayi, mabhalane, kanye nabo bonkhe labahambisana nabo labahlala eSamariya nakuso sonkhe sifundza saseNshonalanga Yufrathe. Ngiyanibingelela.

Ezra 4:7

Kwaphindza futsi ngesikhatsi sekubusa kwa-Athazeksesi, inkhosi yasePheresiya, boBishlamu, naMithredathi, naThabeyali kanye nebangani babo babhalela Athazeksesi incwadzi. Lencwadzi yayibhalwe ngelulwimi lwesi-Aramu, yase iyahunyushwa.

Ezra 4:9

“Lencwadzi iphuma kuRehumi, indvuna, naShimshayi longumabhalane, kanye nakubangani babo, behluleli kanye netiphatsimandla letibengamele baseTripholisi, nebasePheresiya, nebase-Ereki, kanye nebaseBhabhulona, nema-Elamu aseSusa,