Ezra 3:12 - Siswati 1996 Bible

¹² Kodvwa bonkhe baphristi, nebaLevi labadzala kanye nebaholi bemindeni, lababebone lithempeli lakucala, bakhala badzindza sililo, nababona sisekelo salelithempeli sesibekwa, kantsi laba labanye bebamemeta bajabulile.

Ezra 3:12 ပူးပေါင်းရင်းမြစ်များ

Hagayi 2:3

‘Ngubani losesele kini lowake wayibona lendlu isenenkhatimulo yayo yakucala? Seyibukeka njani kini nyalo? Kini ayisafanani nje nelite?

Zakhariya 4:10

“Ngubani lowedzelela lilanga letintfo letincane? Emadvodza ayawujabula nakabona intsambo yekucondzisa isesandleni saZerubhabheli. “Lamehlo lasikhombisa ngewaSimakadze, azulazula emhlabeni wonkhe, jikelele.”

Isaya 60:22

Lomncane wenu uyawuba yinkhulungwane, lophansi kakhulu abe sive lesinemandla. NginguSimakadze, ngesikhatsi sako ngiyawukwenta loko ngekushesha lokukhulu.”

Isaya 41:14

Ungesabi, wena mphetfu, Jakobe, awu, mntfwanyana, Israyeli, ngobe mine matfupha ngitakusita,” kusho Simakadze, uMhlengi wakho, Longcwele waka-Israyeli.

Tihlabelelo 126:6

Bantfu labahamba bakhala betfwele inhlanyelo yekuhlanyela, bayawufika ekhaya bampompoloza ngenjabulo, baphetse tinyandza tesivuno.

Jobe 8:7

Konkhe loku lokukulahlekele bekuyawuba lite kakhulu, nase kucatsaniswa naloku bewungakunikwa nguNkulunkulu kamuva.

Ezra 3:13

Kute labengenta umehluko emkhatsini wekutsi lomsindvo wawuwekujabula yini nome wawuwekukhala, ngobe bantfu benta umsindvo lomkhulu kakhulu. Lomsindvo wevakala khashane.

Jeremiya 50:4

Simakadze utsi: “Kulawo malanga, nangaleso sikhatsi, bantfu baka-Israyeli nebantfu bakaJuda bayawuhamba kanyekanye, bonkhe bayawukhala tinyembeti sebahamba bafunana naSimakadze Nkulunkulu wabo.

Tihlabelelo 147:1

Haleluya, dvumisani Simakadze! Maye, kuhle kuhlabela kuNkulunkulu wetfu. Kumnandzi, futsi kufanele kutsi advunyiswe!