Esta 9:28 - Siswati 1996 Bible

²⁸ Kwavunyelwana kutsi yonkhe imindeni yemaJuda kuto tonkhe titukulwane letitako, kuto tonkhe tifundza, nakuwo onkhe emadolobha, afanele alihloniphe alikhumbule lelo langa lePhurimu, ngayo yonkhe iminyaka letawulandzela.

Esta 9:28 ပူးပေါင်းရင်းမြစ်များ

Esta 9:27

EmaJuda abe asatentela umtsetfo nelisiko lawo kanye newetitukulwane tawo, naye wonkhe longahle afune kuba liJuda kutsi njalo ngesikhatsi lesifanele iminyaka ngeminyaka lamalanga lamabili ayawuhlonishwa njengekusho kwesimemetelo saModekhayi.

Esta 9:29

Ngako-ke inkhosikati lenkhulu Esta, indvodzakati ya-Abiyayili, banaModekhayi, babhala incwadzi futsi lenesiciniseko sekutsi naye uyasicindzetela leso simemetelo ngePhurimu lesasikhishwe nguModekhayi ngaphambili.

Tihlabelelo 103:2

Mphefumulo wami, dvumisa Simakadze, ungatikhohlwa tento takhe temusa kimi.

Tihlabelelo 145:4

Titukulwane ngekwelamana kwato tiyawubikelana ngemisebenti yakho; tiyawumemetela ngemisebenti yakho yemandla.

Eksodusi 12:17

LoMkhosi Wesinkhwa Lesingenambiliso niyawuhlala njalo niwenta, ngobe kungalo lelo langa lengakhipha ngalo tive tenu eGibhithe. Lelilanga niyawuligcina titukulwane ngetitukulwane. Kuyawuba nguwona msimeto wenu longeke uphele nome uguculwe.

Zakhariya 6:14

Lomchele uyawubasethempelini laSimakadze ube sikhumbuto ngabo boHeldayi, naThobiya, naJedaya, naHeni, umsa waZefaniya.

Joshuwa 4:7

bese niyabatjela kutsi emanti eJordane ema angete ageleta, ngesikhatsi kwewela libhokisi lesivumelwane saSimakadze. Latsi nalewela iJordane, emanti ema angete ageleta. Lamatje ayawuba sikhumbuto esiveni sema-Israyeli phakadze naphakadze.”