Esta 3:7 - Siswati 1996 Bible

⁷ Kwatsi ngenyanga yekucala, yaNisani, ngemnyaka weli-12 wekubusa kwenkhosi Ahashiveroshi, kwentiwa inkatho embikwaHamani yekutfola kutsi kungaba nguliphi lilanga nenyanga lekutsi aphumelelise lelisu lakhe. Ngako kwakhetfwa lilanga leli-13 ku-Adari, inyanga yeli-12.

Esta 3:7 ပူးပေါင်းရင်းမြစ်များ

Ezra 6:15

Lithempeli lacedvwa ngelilanga lesitsatfu enyangeni ya-Adari, ngemnyaka wesitfupha ekubuseni kwaDariyusi, inkhosi.

Taga 16:33

Bantfu bangayenta inkatho nabafuna intsandvo yaNkulunkulu; kodvwa imphendvulo incunywa nguye, Simakadze.

Matewu 27:35

Selimbetsele esiphambanweni, lase lenta inkatho, lehlukaniselana ngetingubo takhe.

Esta 9:21

awatjela kutsi lilanga leli-14 neleli-15 enyangeni ya-Adari babolihlonipha balente kube lilanga lelidzili lekujabula nelekwephana ngalo tipho, yonkhe iminyaka.

Esta 9:5

EmaJuda abulala enta lakutsandzako ngetitsa tawo. Atihlasela kamatima ngetikhali, atibulala.

Esta 9:1

Lefika-ke lilanga leli-13 enyangeni ya-Adari, inyanga yeli-12. Lelo bekulilanga lapho simemetelo senkhosi bekufanele sifezeke ngalo. Lelo bekulilanga lapho titsa temaJuda betibheke kutsi tiwacedze. Kodvwa lisondvo lagucuka, ngobe emaJuda kwabe sekuba ngawo lancobako, ancoba titsa tawo.

Esta 2:16

Wangeniswa-ke enkhosini Ahashiveroshi endlunkulu. Wangeniswa ngenyanga yelishumi lekwakuyinyanga yaThebethi, ngemnyaka wesikhombisa wekubusa kwayo.

Esta 1:3

Kwatsi ngemnyaka wesitsatfu wekubusa kwakhe wenta lidzili lelikhulu, wamema tonkhe tiphatsimandla takhe netindvuna takhe. Wamema nemabutfo asePheresiya newaseMediya. Tonkhe tikhulu tatikhona, tikanye netiphatsimandla tembuso.

Nehemiya 2:1

Ngenyanga yaNisani, emnyakeni wema-20 wekubusa kwenkhosi Athazeksesi, ngesikhatsi inkhosi seyiletselwe liwayini, ngalitsatsa leliwayini ngaliniketa inkhosi. Ngangingazange sengibonakale ngingulodzabukile embikwenkhosi;

Ezra 4:6

Ekucaleni kwekubusa kwaZeksesi, inkhosi, letitsa tabhala phansi tibeka sive sakaJuda nebantfu baseJerusalema licala.