Eksodusi 35:29 - Siswati 1996 Bible

²⁹ Onkhe ema-Israyeli, labadvuna nalabasikati, lababenetinhlitiyo letivumako tekunikelela wonkhe lomsebenti, Simakadze labeyale Mosi kutsi awente, bakuletsa kuSimakadze, kwaba ngumnikelo wesihle.

Eksodusi 35:29 ပူးပေါင်းရင်းမြစ်များ

1 Tikhronike 29:14

“Empeleni mine bengingubani, sona sive sami besiyini kutsi besingakhona kunikela kakhulu kangaka? Konkhe kuphuma kuwe, natsi sikunike kona loko lokuphuma esandleni sakho.

1 Tikhronike 29:17

Ngiyati, Nkulunkulu wami, kutsi wena uvivinya inhlitiyo ujatjuliswe bucotfo. Tonkhe letintfo ngitinikele ngenhlitiyo levumako nangekwetsembeka. Manje sengibonile ngekujabula kutsi sive sakho lesikhona lapha sinikele kanjani ngenhlitiyo levumako kuwe.

1 Tikhronike 29:3

Ngetulu kwako konkhe loko, nami ngekutilahla kwami ematsambo senginikela ngegolide yami nesiliva yami kulomsebenti wekwakhiwa kwelithempeli laNkulunkulu wami; kantsi ngetulu kwako konkhe loko futsi sengilungisele lelithempeli lelingcwele:

1 Tikhronike 29:6

Baholi bemindeni, netiphatsimandla tetive taka-Israyeli, netindvuna tetinkhulungwane netemakhulu, nebaphatsi bemisebenti yenkhosi banikela ngenhlitiyo levumako.

2 Tikhronike 35:8

Netiphatsimandla takhe nato tabapha ngesihle labantfu benkhosi, nebaphristi, nemaLevi. BoHilkiya, naZakhariya, naJehiyeli lababengamele ethempelini laNkulunkulu bapha baphristi iminikelo yeliPhasika leti-2 600 kanye netinkhomo letingema-300.

Ezra 3:5

Emvakwaloko, base banikela ngeminikelo leshiswa samuku, lenikelwa njalo, nemihlatjelo yekwetfwasa kwenyanga kanye nayo yonkhe imihlatjelo leyayimiselwe kutsi yentiwe kuyo yonkhe imikhosi yaSimakadze, kanye naleyo leletselwa kutsi ibe ngimihlatjelo yesihle kuSimakadze.

Ezra 8:28

Ngakhuluma kubo ngatsi: “Nine kanye naletimphahla seninikelwe kuSimakadze. Isiliva nalegolide sekungumnikelo wesihle lonikwe Simakadze Nkulunkulu waboyihlo.

Eksodusi 35:4

Mosi wakhuluma kuso sonkhe sive sema-Israyeli, watsi: “Naku-ke Simakadze laniyale ngako kutsi nikwente:

Eksodusi 35:5

Tsatselani Simakadze umnikelo kuloko leninako. Wonkhe lonenhlitiyo levumako akaletse umnikelo kuSimakadze: umnikelo wegolide, newesiliva, newelitfusi,

Eksodusi 36:3

Batsatsa kuMosi tonkhe timphahla tekwakha indzawo lengcwele. Letimphahla nguleto letatinikelwe ngema-Israyeli, wona abechubeka aletsa iminikelo kuMosi onkhe emalanga ekuseni.

Isaya 8:20

Buyelani kuwo umtsetfo waNkulunkulu nasebufakazini bakhe! Nabangakhulumi njengekwalelivi, abayiwuba nako kukhanya kwekusa.

Matewu 28:20

nibafundzise kugcina konkhe lenginiyale ngako. Nibokwati kutsi mine nginani onkhe emalanga, kuze kube ngusekupheleni kwetikhatsi.”

1 kubaseKorinthe 3:5

Pho, uyini Apolosi? Uyini Pawula? Batisebenti nje taNkulunkulu lenakholwa ngato, letisebenta njengekwaba kweNkhosi kuleso nakuleso sato.

1 kubaseKorinthe 9:17

Ngobe nangabe loko ngikwenta ngekutsandza kwami, bengingabheka kubongwa; kepha nangabe kuphambene nentsandvo yami, kutawube kusho kutsi ngiphatsiswe nguNkulunkulu lomsebenti.

2 kubaseKorinthe 9:7

Lowo nalowo akatincumele yena enhlitiyweni yakhe kutsi utawunikela kangakanani, bese unikela ngekukhululeka, hhayi ngekusola nangekucindzetelwa. Nkulunkulu utsandza umuntfu lonikela ngenhlitiyo lemhlophe.

KubaseGalathiya 6:16

Kuthula nemusa akube kubo bonkhe labahamba ngalomyalo, ema-Israyeli aNkulunkulu.

Dutheronomi 11:32

nicaphele kutsi nitigcina tonkhe timiso nemitsetfo lengiyibeka lapha embikwenu lamuhla.”

Dutheronomi 12:32

“Caphelani kutsi niyakwenta konkhe loko lenginiyala ngako; ningengeti, ninganciphisi.”

Dutheronomi 4:2

Ningacali nengete lutfo kulamavi lenginiyala ngawo, futsi ningaphunguli lutfo kuwo, kodvwa gcinani lemiyalo yaSimakadze Nkulunkulu wenu lengininika yona.

2 yaPhetro 1:19

Ngaleyo ndlela livi lesiphrofetho laciniswa kancono kitsi. Nani nitawube nente kahle, nanililalele, naliva lakhanya njengesibane lesikhanya ebumnyameni, kuze kube ngusentsatsakusa nenkhanyeti yekusa ibonakale etinhlitiyweni tenu.

Tikhulu 5:2

“Baholi baka-Israyeli bahamba embili, bantfu batinikela bona ngenhlitiyo lemhlophe. Dvumisani Simakadze!

Tikhulu 5:9

Inhlitiyo yami ikubaholi baka-Israyeli, yebo, ikulabo labatinikele emkhatsini wesive. Dvumisani Simakadze!