Eksodusi 27:21 - Siswati 1996 Bible

²¹ Aroni nemadvodzana akhe kufanele balinakekele lelithende lekuhlangana ngekulikhanyisa kusukela kusihlwa kuze kube ngusekuseni; lolutsi lwetibane kufanele lubekwe ngaphandle kwendvwangu lesembikwelibhokisi lesivumelwane, lapho ngikhona khona. Lomtsetfo kufanele wentiwe ngema-Israyeli titukulwane ngetitukulwane.”

Eksodusi 27:21 ပူးပေါင်းရင်းမြစ်များ

Numeri 19:21

Lesi-ke simiso sabo lesiyawuhlala sentiwa titukulwane ngetitukulwane. “Lomuntfu lobafafata ngemanti ekuhlambulula kufanele naye ageze timphahla takhe tekwembatsa, nalowo lotsintsa lamanti ekuhlambulula uyawuba ngulongcolile kuze kuhlwe.

Numeri 18:23

NgemaLevi layawukwenta umsebenti welithende lekuhlangana etfwale bubi lobuphambene nalo. Lesi kutawuba simiso lesingeyiwuphindze siguculwe titukulwane ngetitukulwane letitako. Bangeke balinikwa lifa kuma-Israyeli.

2 Tikhronike 13:11

Onkhe emalanga ekuseni nantsambama banikela kuSimakadze ngeminikelo yekushiswa nangemphepho lenuka kamnandzi. Balungisa sinkhwa etikwelitafula lelihlantekile ngekwemtsetfo, bakhanyise tibane letiselutsini lwegolide njalo nje ntsambama. Siyayigcina yonkhe imitsetfo yaSimakadze Nkulunkulu wetfu. Kodvwa nine senimlahlile.

1 Samuweli 3:3

Sibane saNkulunkulu sasingakacimi, naSamuweli alele phansi ethempelini laSimakadze, lapho bekunelibhokisi lesivumelwane saNkulunkulu khona.

Levithikusi 16:34

Lomtsetfo kufanele ugcinwe, wentiwe titukulwane ngetitukulwane. Inhlawulo yekubuyisana kuSimakadze iyakwentiwa kanye ngemnyaka, yentelwe tonkhe tono tema-Israyeli.” Konkhe kwentiwa njengobe Simakadze abeyale Mosi.

Levithikusi 3:17

Lona kutawuba ngumtsetfo wetitukulwane ngetitukulwane tenu, nome ngukuphi lapho niyawuhlala khona: kubete lodla emanoni nengati.”

Eksodusi 30:8

Aroni kufanele aphindze akwente loko njalo nje embikwaSimakadze entsambana, nakakhanyisa tibane; lomnikelo wemphepho uyakwentiwa kuSimakadze njalo nje titukulwane ngetitukulwane.

2 yaPhetro 1:19

Ngaleyo ndlela livi lesiphrofetho laciniswa kancono kitsi. Nani nitawube nente kahle, nanililalele, naliva lakhanya njengesibane lesikhanya ebumnyameni, kuze kube ngusentsatsakusa nenkhanyeti yekusa ibonakale etinhlitiyweni tenu.

Johane 5:35

Yena-ke abesibane lesivutsako nalesikhanyako, nine-ke benitimisele kujabula kwesikhashana ekukhanyeni kwakhe.

1 Samuweli 30:25

Davide wenta leso kwaba simiso nelisiko laka-Israyeli kusukela ngalelo langa kuze kube ngulamuhla.

Eksodusi 28:43

Aroni nemadvodzana akhe kufanele batifake njalo nje nabaya ethendeni lekuhlangana nome beta kutekungikhonta elatini endzaweni lengcwele, khona bangetiwubulawa ngenca yekona ngebungcunu babo. “Lona-ke ngumyalo wa-Aroni netitukulwane takhe kuze kube phakadze naphakadze.”

Sembulo 2:1

“Bhalela ingilosi yelibandla lase-Efesu utsi: “ ‘Nali livi leliphuma kuye lophetse tinkhanyeti letisikhombisa esandleni sakhe sangesekudla, lohamba emkhatsini wetibane letisikhombisa tegolide, utsi:

2 kubaseKorinthe 4:6

Ngobe yena lowo Nkulunkulu lowatsi: “Akuvele kukhanya ebumnyameni,” nguye futsi lokhanyise etinhlitiyweni tetfu, kuze sikwati kubona inkhatimulo yaNkulunkulu ebusweni baKhristu.

Lukha 12:35

“Hlalani tinkhalo tenu tiboshiwe netibane tenu tivutsa,

Matewu 4:16

sive lebesihleti ebumnyameni, nikubonile kukhanya lokukhulu; nine, lebenihleti eveni nasetfuntini lekufa, kuphumele kini kukhanya.”

Malakhi 2:7

“Ngobe tindzebe temlomo wemphristi kufanele tilondvolote lwati, emlonyeni wakhe kufanele bantfu bafune sifundziso semtsetfo wami, ngobe phela yena usitfunywa saSimakadze longuSomandla.

Tihlabelelo 134:1

Dvumisani Simakadze, nine nonkhe tinceku taSimakadze, nine lenima nasebusuku endlini yaSimakadze.

Numeri 8:9

Uyakwetfula emaLevi embikwelithende lekuhlangana, bese uhlanganisa sonkhe sive sema-Israyeli.

Levithikusi 24:9

Siyawuba sa-Aroni nesemadvodzana akhe. Bayawusidlela endzaweni lengcwele, ngobe ngusona sabelo sabo lesingcwelengcwele eminikelweni leyentiwa ngemlilo kuSimakadze, kube simiso saphakadze naphakadze.”

Levithikusi 24:3

Njalo nje entsambama Aroni utabotikhanyisa tihlale tikhanya embikwaSimakadze kuze kuse, ethendeni lekuhlangana ngaphandle kwendvwangu lesembikwelibhokisi lesivumelwane. Lomtsetfo uyawugcinwa wentiwe titukulwane ngetitukulwane.

Levithikusi 3:8

bese ubeka sandla sakhe etikwenhloko yalomnikelo, ayibulalele embikwelithende lekuhlangana. Emadvodzana a-Aroni ayawufafata lengati emngcengcemeni walelilati alitungelete ndzawo tonkhe.

Eksodusi 40:3

Ekhatsi kwalo ubobeka libhokisi lesivumelwane lelinemiyalo lelishumi, bese ulivimba ngendvwangu embikwalo.

Eksodusi 30:36

Lenye yayo uboyisila icolisakale, bese uyifaka ethendeni lekuhlangana uyifafate embikwelibhokisi lesivumelwane, lapho ngihlangana khona nawe. Lemphepho uboyiphatsa uyente ibe ngcwele.

Eksodusi 29:44

“Lelithende lekuhlangana nelilati ngitawukungcwelisa; bo-Aroni nemadvodzana akhe ngitabehlukanisela inkonzo yekuba baphristi.

Eksodusi 29:42

“Kuyawuhlala kungumnikelo wekushiswa titukulwane ngetitukulwane, wentiwe ekungeneni kwelithende lekuhlangana embikwaSimakadze; kulapho ngitabohlangana khona nebantfu bami, ngikhulume kuwe.

Eksodusi 29:28

Loko kutawuhlala kusabelo sa-Aroni nemadvodzana akhe ngesimiso saphakadze kuma-Israyeli. Njalo nje nakwentiwa umnikelo wekuthula, umganga nemlente kuyawuba kwebaphristi. Leso-ke sipho sebantfu labasinika mine, Simakadze.

Eksodusi 25:16

Ekhatsi kwalelibhokisi ubofaka letibhelekeca tematje letimbili lengitakunika tona.

Eksodusi 16:34

Aroni wenta njengobe Mosi abeyalwe nguSimakadze. Wayibeka embikwelibhokisi lesivumelwane, khona itawulondvoloteka kahle.

Genesisi 1:8

Nkulunkulu wawetsa lomkhatsi watsi: “Lizulu.” Kwahlwa, kwasa: Kwaba lilanga lesibili.

Genesisi 1:5

Nkulunkulu wakwetsa kukhanya watsi: “Yimini,” bumnyama wabetsa watsi: “Busuku.” Kwahlwa, kwasa: Kwaba lilanga lekucala.

Levithikusi 24:2

“Tjela ema-Israyeli kutsi akakuletsele emafutsa lacengekile ekukhanyisa tibane laphehlwe etitselweni temncumo. Letibane kufanele tihlale tikhanya njalo tingacimi.

Numeri 18:5

“Nine kufanele ninakekele indzawo lengcwele kanye nelilati, khona intfukutselo yaSimakadze ingetiwuphindza yehlele sive sema-Israyeli.

Eksodusi 12:14

Lelilanga liyawuba sikhumbuto kini, niyawuligcina libe lilanga lemkhosi kuSimakadze. Tonkhe titukulwane tenu tiyawulenta libe lilanga lemkhosi kuze kube ngunini nanini.”

Eksodusi 30:21

Kufanele bageze tandla tabo netinyawo tabo, khona bangetikufa. Lona ngumyalo nemtsetfo labatawugcina bona netitukulwane tabo kuze kube phakadze naphakadze.”

Levithikusi 6:15

Umphristi uyawucaphuna libinta lafulaha wakolo lobhicwe nemafutsa nemphepho yonkhe yemnikelo walokutinhlavu, akushisele elatini kube sikhumbuto, liphunga lelinuka lusi lolumnandzi kuSimakadze.

Levithikusi 7:36

Ngalelo langa labagcotjwa ngalo Simakadze wayala ema-Israyeli kutsi abanike loko kube tabelo tabo. Loko kwamiswa kutsi kube ngumtsetfo wetitukulwane ngetitukulwane tabo.

Levithikusi 10:9

“Wena nemadvodzana akho aniyikulinatsa liwayini nome tjwala nome yini ledzakisanako, nanitakuya ethendeni lekuhlangana, ngobe nanike nakwenta loko, niyawufa. Lomtsetfo kufanele ugcinwe titukulwane ngetitukulwane.

Levithikusi 17:7

Kufanele bangasakuphindzi kunikela imihlatjelo yabo kuletithico letisatimbuti, labaphinga nato. Loku kutawuba ngumtsetfo wetitukulwane ngetitukulwane.’

Levithikusi 23:14

Aniyikukuluma kudla lokusha kuze kufike lelo langa lekuletsa loko kudla kuNkulunkulu wenu. Lona kuyawuba ngumkhosi leniyakuwenta titukulwane ngetitukulwane, nome kukuphi lapho niyawuhlala khona.’ ”

Levithikusi 23:21

Niyawumemetela ngalona lelo langa, nibe nemhlangano longcwele ningenti lutfo lolungumsebenti. Lowo-ke ngumyalo yonkhe indzawo leniyawuhlala kuyo titukulwane ngetitukulwane.

Numeri 35:29

Lena-ke nguyona mitsetfo yenu lenitawuhamba ngayo titukulwane ngetitukulwane.