Eksodusi 25:16 - Siswati 1996 Bible

¹⁶ Ekhatsi kwalelibhokisi ubofaka letibhelekeca tematje letimbili lengitakunika tona.

Eksodusi 25:16 ပူးပေါင်းရင်းမြစ်များ

1 Emakhosi 8:9

Kute lokwakukhona ngekhatsi kwalelibhokisi lesivumelwane ngaphandle kwetibhelekeca letimbili tematje letatifakwe nguMosi kulo ngesikhatsi baseseHorebe, lapho Simakadze enta khona sivumelwane nesive sema-Israyeli emvakwekuphuma kwawo eveni laseGibhithe.

Dutheronomi 31:26

“Tsatsani leNcwadzi yeMtsetfo niyibeke eceleni kwelibhokisi lesivumelwane saSimakadze Nkulunkulu wenu, iyawuhlala lapho ibe ngufakazi lonilahlako.

KumaHebheru 9:4

Kulendzawo bekunelilati legolide lekushisela imphepho; lelilati belikanye nelibhokisi lesivumelwane. Lingephandle lalelo bhokisi lonkhe beliyigolide, ekhatsi kwalo bekuneludziwo lwegolide luphetse imana. Kulelo bhokisi bekunendvuku ya-Aroni leyahluma, netibhelekeca tematje tesivumelwane semitsetfo.

Eksodusi 16:34

Aroni wenta njengobe Mosi abeyalwe nguSimakadze. Wayibeka embikwelibhokisi lesivumelwane, khona itawulondvoloteka kahle.

KubaseRoma 3:2

Vele kusita ngalokuphelele. Kwekucala Nkulunkulu emavi akhe wawaphatsisa emaJuda.

Imisebenti yebaPhostoli 7:44

“Bokhokho betfu babenelithende lapho kwakuhlala khona Nkulunkulu emkhatsini wabo ehlane. Lalentiwe njengobe Mosi abetjelwe nguNkulunkulu kutsi alente, Mosi walenta ngalendlela abekhonjiswe yona.

2 Emakhosi 11:12

Jehoyada wase ukhipa lomntfwanenkhosi wametfwesa umchele webukhosi, wamnika incwadzi yesivumelwane, wase umemetela kutsi uyinkhosi. Bamgcoba, bantfu base bashaya tandla, bamemeta, batsi: “Lunwele loludze, nkhosi.”

Numeri 17:4

Letindvuku ubotibeka embikwelibhokisi lesivumelwane ethendeni lekuhlangana, lapho ngihlangana nani khona.

Eksodusi 38:21

Nalu luhla lwebungako betintfo letatisetjentiswa ekwakheni lithende lekukhontela laSimakadze, lapho kwakuhlala khona tibhelekeca tematje letimbili letatibhalwe imiyalo lelishumi. Mosi wayala kutsi loluhla lwetimphahla lubhalwe ngemaLevi labephetfwe ngu-Ithamari, umsa wa-Aroni, umphristi.

Eksodusi 34:29

Ngesikhatsi Mosi ehla eNtsabeni iSinayi abephetse letibhelekeca letimbili tematje tinemiyalo lelishumi; abengati kutsi sikhumba sebuso bakhe siyakhatimula, ngobe phela abekhulume naNkulunkulu.

Eksodusi 32:15

Mosi wancandzeka, wehla entsabeni, etfwele tibhelekeca tematje letimbili letatibhalwe imiyalo ndzawo totimbili ngemuva nangembili.

Eksodusi 31:18

Watsi kube Nkulunkulu acedze kukhuluma naMosi eNtsabeni yaseSinayi, wase umnika letibhelekeca letimbili tematje temiyalo, lapho umuno wakhe Nkulunkulu wawubhale khona imiyalo nemitsetfo.

Eksodusi 30:36

Lenye yayo uboyisila icolisakale, bese uyifaka ethendeni lekuhlangana uyifafate embikwelibhokisi lesivumelwane, lapho ngihlangana khona nawe. Lemphepho uboyiphatsa uyente ibe ngcwele.

Eksodusi 30:6

Lelilati ubolibeka embikwendvwangu levimbele libhokisi lesivumelwane lelinesihlalo semusa etikwalo, lapho ngitabohlangana nawe khona.

Eksodusi 27:21

Aroni nemadvodzana akhe kufanele balinakekele lelithende lekuhlangana ngekulikhanyisa kusukela kusihlwa kuze kube ngusekuseni; lolutsi lwetibane kufanele lubekwe ngaphandle kwendvwangu lesembikwelibhokisi lesivumelwane, lapho ngikhona khona. Lomtsetfo kufanele wentiwe ngema-Israyeli titukulwane ngetitukulwane.”

Eksodusi 25:21

Letibhelekeca tematje letimbili ubotifaka ekhatsi kulelibhokisi, bese ulimbonya ngalesihlalo semusa.

Eksodusi 26:33

Lendvwangu uboyikhaceka kulamahhuka lavalekako laseluphahleni, bese uletsa lelibhokisi lesivumelwane lelinetibhelekeca letimbili tematje, ulifake ngemuva kwalendvwangu. Lendvwangu itakwehlukanisa indzawo lengcwele endzaweni lengcwelengcwele.

Eksodusi 40:20

Watsatsa tibhelekeca tematje letimbili watifaka ebhokisini lesivumelwane. Wafaka letimboko kulamajiva alo, wase ulimbonya ngesihlalo semusa.

Joshuwa 4:16

“Tjela baphristi labetfwele libhokisi lesivumelwane kutsi bakhuphuke emfuleni iJordane.”

2 Tikhronike 23:11

BoJehoyada nemadvodzana akhe base bakhipha lomntfwanenkhosi, bametfwesa umchele webukhosi, bamnika incwadzi yesivumelwane, bamemetela kutsi uyinkhosi. Bamgcoba, base bayamemeta batsi: “Lunwele loludze, nkhosi!”