Eksodusi 22:25 - Siswati 1996 Bible

²⁵ “Nanebolekise ngemali kulomunye webantfu bami labamphofu labahlala nani, ningalingisi umbolekisi ngekukhokhisa intalo.

Eksodusi 22:25 ပူးပေါင်းရင်းမြစ်များ

Tihlabelelo 15:5

Webolekisa ngemali yakhe angayengeti intalo nase ikhishwa. Akakwemukeli kudizelwa entele kulahla lote licala. Umuntfu lowenta letintfo uyawuhlala atinte kuze kube phakadze.

Hezekeli 18:8

Akebolekiseli kutsi atfole inzuzo lenkhulu, nome-ke atsatse intalo lenkhulu kakhulu. Uyasibamba sandla sakhe ekwenteni lokubi, futsi wehlulela ngekungakhetsi emkhatsini wemuntfu nemuntfu.

Taga 28:8

Nangabe umuntfu acetjiswa kwebolekisa ngekubita intalo lenkhulu, ingcebo yakhe itakuya kubantfu labaphatsa kahle timphuya.

Nehemiya 5:7

Ngazindla ngato engcondvweni yami, ngase ngisola labahlonishwa babo netindvuna tabo ngitsi: “Nibacindzetelelani labomnakenu?” Ngabita umhlangano lomkhulu wekucatulula lengcaki.

Hezekeli 18:17

Iyasibamba sandla sayo ekoneni. Ayebolekiseli inzuzo lenkhulu, ayiyitsatsi intalo lenkhulu kakhulu. Igcina imitsetfo yami, ilandzele netimiso tami. “Leyo-ke ngeke ife ngenca yesono seyise; ngempela leyo iyawuphila.

Hezekeli 18:13

Webolekisela kutsi atfole inzuzo lenkhulu, atsatse nentalo lenkhulu kakhulu. Umuntfu lonjalo angaphila kanjani-ke? Ngeke! “Njengobe ente tonkhe letintfo letisinengiso, ngempela loyo uyawubulawa, nengati yakhe iyawubasetikwenhloko yakhe.

Jeremiya 15:10

Maye, make lowangitala, wangiletsa emhlabeni, indvodza, umhlaba wonkhe lowetama kumelana nayo! Angikebolekisi kantsi futsi angikeboleki, noko wonkhe umuntfu uyangicalekisa.

2 Emakhosi 4:7

Wahamba wayawubikela lomuntfu waNkulunkulu, wafike waphendvula watsi: “Hamba uyewutsengisa lamafutsa, bese ukhokha leto tikwelede takho. Wena nemadvodzana akho sewutawuphila ngaloko lokutawusala.”

2 Emakhosi 4:1

Umfati walomunye webaphrofethi wakhala ku-Elisha, watsi: “Inceku yakho, lebekuyindvodza yami, seyifile; nawe uyati kutsi beyesaba Simakadze. Manje lomuntfu lebeyimkweleda uyeta utawutsatsa lamadvodzana ami lamabili, kutsi ayekuba tigcili takhe.”

Lukha 19:23

Pho, manje, loluhlavu lwami awulufakanga ngani ebhange? Bengitawutsi ngibuya ngilutfole selunentalo.’

Matewu 25:27

Ngako-ke, ngabe utsatse lemali yami wayifaka ebhange, bengitayikhandza seyinentalo.

Hezekeli 22:12

Kuwe kunemadvodza lemukela imidizo entele kucitsa ingati; utsatsa intalo ugale inzuzo lenkhulu, wente intalo yebutulujane kumakhelwane wakho ngekumcindzetela. Sewungikhohliwe mine, kusho iNkhosi Simakadze.

Dutheronomi 15:7

“Nangabe kukhona lomphofu emkhatsini webanakenu nome ngukuliphi lalamadolobha alelive Simakadze Nkulunkulu wenu lanipha lona, ningacali nibe nelunya nekwemana kumnakenu lomphofu.

Dutheronomi 24:13

uyawusibuyisela kuye sembatfo sakhe nakushona lilanga kuze alale ngaso. Uyawukubonga kakhulu, loko kubalelwe kuwe njengesento lesihle embikwaSimakadze Nkulunkulu wakho.

Hezekeli 18:7

Akacindzeteli muntfu, kodvwa ubuyisela sibambiso lasitsatsile nakenta sebolekiso. Akadleleli, kodvwa wephana nangekudla kwakhe kulabalambile, anikele ngekwekwembatsa kulabo labahlubulile.

Amose 2:8

Bacambalala phansi eceleni kwalelo nalelo lati ngetingubo tesibambiso. Endlini yaNkulunkulu wabo banatsa liwayini lalabahlawulisiwe.