Eksodusi 17:4 - Siswati 1996 Bible

⁴ Ngako-ke Mosi wakhala kuSimakadze watsi: “Ngitabatsini nje labantfu? Sebasezingeni lekutsi bangangigcoba ngematje nome ngangunini.”

Eksodusi 17:4 ပူးပေါင်းရင်းမြစ်များ

1 Samuweli 30:6

Davide wadzabuka kakhulu, ngobe lamadvodza abesakhuluma ngekumgcoba ngematje. Ngulowo nalowo abemunyu emoyeni wakhe ngemadvodzana nangemadvodzakati akhe. Kodvwa Davide watfola emandla kuSimakadze Nkulunkulu wakhe.

Numeri 14:10

Sonkhe sive savele satimisela kubagcoba ngematje. Kwase kubonakala inkhatimulo yaSimakadze ethendeni lekuhlangana; onkhe ema-Israyeli ayibona.

Imisebenti yebaPhostoli 14:19

Lamanye emaJuda efika aphuma e-Antiyokhi yasePhisidiya nase-Ikhoniyumi; asasivumisile sicuku, agcoba Pawula ngematje, amhudvulela ngephandle kwelidolobha acabanga kutsi sewufile.

Johane 10:31

EmaJuda aphindza atsatsa ematje afuna kumgcoba ngawo.

Johane 8:59

Batsi basatsatsa ematje kutsi batemgcoba ngawo, Jesu watsi phicephice waphuma ethempelini, wahamba.

Imisebenti yebaPhostoli 7:50

Akusimi matfupha yini lowenta tonkhe letintfo?” ’

Numeri 16:19

Watsi kube Khora ahlanganise bonkhe labalandzeli bakhe, lababemelene naMosi, embikwelithende lekuhlangana, inkhatimulo yaSimakadze yabonakala kuso sonkhe sive sema-Israyeli.

Numeri 11:11

Wabuta kuSimakadze watsi: “Inceku yakho uyiletseleleni lokuhlupheka? Ngenteni lembi kuwe, kutsi ungaze ungeleke ngalomtfwalo wabo bonkhe labantfu?

Eksodusi 15:25

Mosi wakhala kuSimakadze; Simakadze wamkhombisa sigojwana. Mosi wasitsatsa wasijika ekhatsi kulamanti; emanti ajika aba mnandzi. Basekuleyo ndzawo Simakadze wabanika umtsetfo nemsimeto wabo; wabavivinya khona lapho futsi.

Eksodusi 14:15

Simakadze wakhuluma kuMosi, watsi: “Ukhalelani kimi? Tjela ema-Israyeli kutsi akachubekele embili.

Tihlabelelo 99:6

BoMosi kanye na-Aroni baba ngulabanye bebaphristi bakhe. Samuweli abengulomunye walabo bebabita libito lakhe. Bakhala kuSimakadze, wabaphendvula.