Eksodusi 13:9 - Siswati 1996 Bible

⁹ Lomkhosi uyawufanana nesibonakaliso lesiboshelwe esandleni sakho nesikhumbuto lesinanyatsiselwe ebuntini lakho. Loko kuyawunikhumbuta kutsi umtsetfo waSimakadze niwati ngenhloko nikhulume ngawo, ngobe Simakadze wanikhipha eGibhithe ngesandla sakhe lesinemandla.

Eksodusi 13:9 ပူးပေါင်းရင်းမြစ်များ

Dutheronomi 6:8

Niyakuyibophela ibe timphawu etandleni tenu nasemabuntini enu.

Numeri 15:39

Niyawutsi nanitibuka letimvakaza, bese nikhumbula yonkhe imiyalo yaSimakadze, niyilalele, khona ningetiwuba tingwadla ngekudvonswa tinkhanuko tetinhlitiyo tenu netemehlo enu.

Eksodusi 13:16

Lelisiko liyawufanana nesibonakaliso lesiboshelwe esandleni sakho, kube luphawu ebuntini lakho; ngobe Simakadze wasikhipha eGibhithe ngesandla sakhe lesinemandla.”

Eksodusi 12:14

Lelilanga liyawuba sikhumbuto kini, niyawuligcina libe lilanga lemkhosi kuSimakadze. Tonkhe titukulwane tenu tiyawulenta libe lilanga lemkhosi kuze kube ngunini nanini.”

KubaseRoma 10:8

Kodvwa umBhalo utsi: “Livi laNkulunkulu lisedvute nawe lisemlonyeni wakho nasenhlitiyweni yakho.” Lelo livi lekukholwa lesilishumayelako.

Isaya 59:21

Simakadze utsi: “Mine-ke, nasi sivumelwane sami nabo, Moya wami losetikwakho nemavi ami lengiwafake emlonyeni wakho, ngeke esuke emlonyeni wakho, ngisho nasemlonyeni webantfwabakho, kanye nasemlonyeni wetitukulwane takho, kusukela kulesikhatsi kuze kube nguphakadze,” kusho Simakadze.

Matewu 23:5

Konkhe labakwentako kwekutiveta kubantfu. Ngobe la etinhloko tabo sebandzise emabhande lanetikhehle temabhokisana letinemavesi emiBhalo, bese belula timvakaza temijiva yabo.

Dutheronomi 30:14

Yebo, livi lisedvute nani lisemilonyeni yenu nasetinhlitiyweni tenu kuze nililalele.

Eksodusi 13:3

Mosi wakhuluma kubantfu, watsi: “Nibolikhumbula lelilanga leniphume ngalo eGibhithe, endlini yebugcili, ngobe Simakadze unikhiphe ngesandla sakhe lesinemandla kulendzawo. Ningasidli sinkhwa lesifakwe imbiliso.

Sembulo 18:8

Ngako-ke tinhlupheko tayo tiyawufika ngalanga linye: kufa, lusizi, nendlala. Iyawushiswa ngemlilo, ngobe inemandla iNkhosi Nkulunkulu leyehlulelako.”

Joweli 2:11

Simakadze uyabhavumula embikwalemphi yakhe. Emabutfo akhe manyenti ngalokungabaleki; banemandla labo labalalela umyalo wakhe. Lilanga laSimakadze likhulu, liyesabeka. Ngubani nje longemelana nalo?

Jeremiya 22:24

Simakadze utsi: “Kuphila kwami, ngisho nawe Jehoyakhini, msa waJehoyakimu, inkhosi yakaJuda, bewuyindandatho yeluphawu esandleni sami sekudla, nanyalo ngisengakudvonsa ngikususe.

Isaya 51:9

Vuka, vuka! Tembatsise ngemandla, wena mkhono waSimakadze; vuka, ube nguloku bewungiko kucala, njengasetitukulwaneni takadzeni. Kwakungesiwe yini lona lowacoba Rahabi waba ticucu, lowagwaza leso silwane lesikhulu nalesesabekako?

Isaya 49:16

Buka la; ngikucophe entsendzeni yetandla tami; tibondza takho tisembikwami njalo.

Isaya 40:10

Bukani, Simakadze longuSomandla ute ngemandla, nangemkhono wakhe uyabusa. Bukani, umvuzo wakhe unaye, nenkhokhelo yakhe ihamba naye.

Isaya 27:1

Ngalelo langa Simakadze uyawujezisa ngenkemba yakhe leyesabekako, lenkhulu nalenemandla lamakhulu, uyawujezisa Leviyathani, inyoka lenyelelako, yebo, Leviyathani, inyoka letibutsako; yena uyawubulala silo saselwandle.

Taga 3:21

Ndvodzana yami, bambelela ekuhlakanipheni nasekuzitseni; ungakuvumeli kusuke kuwe.

Taga 1:9

ngobe iyakuba ngumhlobiso lonjengemchele wenhloko yakho, nanjengeligcebesha lentsamo yakho.

Tihlabelelo 89:13

Unengalo lenemandla, nesandla sakho sinemandla, nesandla sakho sekudla siphakeme.

Nehemiya 1:10

“Batinceku takho nesive sakho lowasikhulula ngemandla akho lamakhulu nangesandla sakho lesinemandla.

Dutheronomi 6:6

Lemiyalo lengininika yona lamuhla kufanele ibesetinhlitiyweni tenu.

Ingoma Yetingoma 8:6

Ngibeke njengeluphawu etikwenhlitiyo yakho, yebo, njengeluphawu emkhonweni wakho; ngobe lutsandvo lunemandla njengekufa, sikhwele salo asitfobiseki, sinjengelithuna. Lushisa njengemlilo lovutsako, yebo, njengelilangabi lelinemandla.

Taga 7:23

nanjengenyoni icotfota iya esifini. Yayingati kutsi loko itakukhokhela ngemphilo yayo.

Eksodusi 3:20

Ngiyakwelula sandla sami ngishaye iGibhithe ngetinhlupheko letinyenti lengiyawutenta kuyo. Emvakwaloko-ke uyawube sewuyanivumela kutsi nihambe.

Eksodusi 7:4

Faro angeke anilalele, ngako-ke ngiyakwehlisela sandla sami eGibhithe, ngiyijezise kabuhlungu, ngikhiphe sive sami, bantfwana baka-Israyeli, eGibhithe.

Eksodusi 13:14

Nangabe indvodzana yakho ibuta itsi: ‘Nikwentelani loku?’ uboyiphendvula utsi: ‘Simakadze wasebentisa sandla sakhe lesinemandla kusikhipha eGibhithe, lapho sasitigcili khona.

Tihlabelelo 136:12

ngesandla lesinemandla nengalo leyeluliwe, ngobe umusa wakhe ume kuze kube phakadze.

Isaya 44:5

Lomunye uyawutsi: ‘Mine ngiwaSimakadze;’ lomunye utatibita ngelibito laJakobe; nalomunye uyawubhala esandleni sakhe, atsi: ‘NgiwaSimakadze,’ atsatse libito la-Israyeli.”

Eksodusi 12:41

Tonkhe letive tema-Israyeli taphuma eveni laseGibhithe mhlazana kuhlangana leminyaka lengema-430.

Dutheronomi 5:15

Khumbula kutsi nawe bewusigcili eGibhithe nekutsi Simakadze Nkulunkulu wakho wakukhipha lapho ngesandla lesinemandla nemkhono lowelulekile. Ngako-ke Simakadze Nkulunkulu wakho ukuyalile kutsi uligcine liSabatha.

Dutheronomi 6:21

uyawuphendvula utsi: ‘Sasitigcili taFaro eGibhithe, kodvwa Simakadze wasikhipha eGibhithe ngesandla sakhe lesinemandla.

Tikhulu 2:12

Bafulatsela Simakadze, Nkulunkulu waboyise, lowabakhipha eGibhithe. Balandzela bakhonta labanye bonkulunkulu labehlukene baleto tive labebahlala emkhatsini wato. Batfukutselisa Simakadze,

Tihlabelelo 136:11

Wahola Israyeli wamkhipha emkhatsini wawo, ngobe umusa wakhe ume kuze kube phakadze;

Danyela 9:15

“Manje-ke, awu Simakadze, Nkulunkulu wetfu, wena lowakhipha sive sakho eveni laseGibhithe, ngesandla sakho lesinemandla, wena watakhela Libito lelihle, lelema kwadzimate kwaba ngulamuhla, sonile sente lokubi.