Dutheronomi 3:18 - Siswati 1996 Bible

¹⁸ “Ngaso leso sikhatsi ngabe sengiyaniyala, ngatsi: ‘Simakadze Nkulunkulu wenu uniphe lelive kutsi nilidle. Nonkhe nine mabutfo emphi lenihlomele kulwa, hambani embikwetive tema-Israyeli, newelele ngesheya kwemfula.

Dutheronomi 3:18 ပူးပေါင်းရင်းမြစ်များ

Genesisi 15:7

Watsi kuye: “NginguSimakadze lowakukhipa e-Uri yemaKhaledi, kutsi ngitekupha lelive libe lakho.”

Numeri 33:53

Lelive nibolidla libe lenu nihlale kulo, ngobe nginiphe lona kutsi libe lenu.

Dutheronomi 5:31

Kodvwa wena hlala nami lapha, khona ngitekunika yonkhe imiyalo yami, netimiso tami, nemitsetfo yami lekufanele uyifundzise kutsi bayilandzele eveni lengibanika lona kutsi libe labo.’

Dutheronomi 6:1

“Lena ngimiyalo, netimiso, nemitsetfo Simakadze Nkulunkulu wenu langiyale ngayo kutsi nginifundzise yona kutsi niyigcine eveni lenitakwewela iJordane newelele kulo kutsi libe lenu,

Dutheronomi 9:6

Condzisisani-ke kutsi akukayi ngekulunga kwenu kutsi Simakadze Nkulunkulu wenu aniphe lelive lelihle kutsi nilidle libe lenu, ngobe nine nisive lesinenhloko lelukhuni.

Dutheronomi 12:1

“Leti-ke timiso nemitsetfo lekufanele niyilalelisise, nase nikulelive Simakadze Nkulunkulu wabokhokho benu laniphe lona kutsi libe lenu, niyakuyigcina yingci nanisaphila kulelo live.

Dutheronomi 15:4

“Noko akufanele kube nalomphofu emkhatsini wenu, ngobe kulelive Simakadze Nkulunkulu wenu lanipha lona kutsi nilidle libe lifa lenu utanibusisa kakhulu ngemcebo,

Dutheronomi 19:2

niyakube senitehlukanisela nine emadolobha lamatsatfu latabasemkhatsini welive Simakadze Nkulunkulu wenu lanipha lona kutsi libe lenu.

Dutheronomi 19:7

Ngikusho ngaleso sizatfu-ke kutsi kufanele nitehlukanisele nine emadolobha lamatsatfu.

Dutheronomi 19:14

“Ungatikhweshisi tikhonkhwane temnyele wamakhelwane wakho, nawe lowatikhandza setifakwe ngulabo labefika kucala kunawe kulelo live Simakadze Nkulunkulu wakho lakupha lona kutsi libe lakho.”

Dutheronomi 21:1

“Nangabe kutfolakala sidvumbu semuntfu lobulewe, sitfolakale esigangeni, kulelo live Simakadze Nkulunkulu wenu lanipha lona kutsi libe lenu, kungatiwa nekutsi ubulewe ngubani,

Dutheronomi 25:19

Uyawutsi Simakadze Nkulunkulu wenu anganipha kuthula, kutsi hhamu kuhlaselwa nguletitsa tenu letinitungeletile kulelive lanipha lona kutsi nilidle libe lifa lenu, niyawulesula libito la-Amaleki lingaphindzi likhunjulwe ngaphansi kwemtfunti welilanga. Ningakhohlwa.”

Joshuwa 1:11

“Hambani nidzabule ekhatsi nalenkambu, nimemetele esiveni sonkhe, nitsi: ‘Tilungiseleleni kudla kwenu. Emvakwemalanga lamatsatfu kusukela lamuhla nitakwewelela ngesheya kweJordane ningene eveni, live Simakadze Nkulunkulu wenu lanipha lona kutsi libe lenu.’ ”

Tihlabelelo 136:21

Wephana ngelive labo laba lifa, ngobe umusa wakhe ume kuze kube phakadze,