Dutheronomi 20:14 - Siswati 1996 Bible

¹⁴ Kuyawutsi bafati, nebantfwana, netifuyo, nako konkhe lokunye lokukulo lelo dolobha nititsatsele kona kube yimphango yenu. Ningayisebentisa leyo mphango yetitsa tenu Simakadze Nkulunkulu wenu lanipha yona.

Dutheronomi 20:14 ပူးပေါင်းရင်းမြစ်များ

Joshuwa 8:2

Uyakwenta kuyo i-Ayi nenkhosi yayo njengobe wenta kuyo iJerikho nenkhosi yayo, ngaphandle kwekutsi khona ningatitsatsela imphango netifuyo. Linyonyobeleni lelidolobha, nilihlasele, nilichamukela ngemuva.”

Joshuwa 22:8

watsi: “Ncandzekani nibuyele emakhaya enu nayo yonkhe lengcebo yenu lenyenti: imihlambi yetifuyo, nesiliva, negolide, nelitfusi, nensimbi kanye netimphahla letinyenti kakhulu. Nibofike nehlukaniselane nabomnakenu leyo mphango leniyitfole etitseni tenu.”

Numeri 31:9

Ema-Israyeli ahlasela emaMidiyani atfumba bafati bawo kanye nebantfwana, nemfuyo yawo yonkhe, nekudla kwawo, nato tonkhe timphahla.

KubaseRoma 8:37

Kepha kuko konkhe loku siyancoba nekuncoba ngaye lowasitsandza.

Tihlabelelo 68:12

“Emakhosi etimphi ayabaleka nekubaleka.” Labasikati emakhaya bebasehlukaniselana imphango,

2 Tikhronike 20:25

Ngako Jehoshafati kanye nemadvodza akakhe bahamba bayawutitapela imphango, batfola kuyo ingcebo lenyenti netimphahla letinyenti tekwembatsa kanye netimphahla letinelinani lelikhulu, baze behluleka nekutetfwala tonkhe. Imphango yaba yinyenti kangangekutsi kwatsatsa emalanga lamatsatfu kuyibutsa bayicedze yonkhe.

Joshuwa 11:14

Ema-Israyeli atitsatsela yonkhe imphango kanye netifuyo talamadolobha; kodvwa bonkhe bantfu babacedza ngelusiko lwenkemba, baze baphela bonkhe, kwabate ngisho namunye lowasala aphila.

Numeri 31:18

kodvwa nitishiyele tonkhe tintfombi letingazange setilale nemuntfu lomdvuna.

Numeri 31:12

Baletsa imphango nebatfunjwa kuMosi na-Eleyazare, umphristi, nakulo lonkhe libandla lema-Israyeli enkambu yabo ematsafeni akaMowabi, edvute nemfula iJordane macondzana neJerikho.

Numeri 31:11

Batfumba tonkhe timphahla tekwembatsa, nekudla, nebantfu, netifuyo.

Numeri 31:15

Wababuta watsi: “Nibayekele bonkhe yini labasikati nangete nababulala?

Dutheronomi 20:15

Niyakuwaphatsa kanjalo-ke onkhe emadolobha lakhashane nani langesiwo aletive letisedvutane nani.

Dutheronomi 2:35

Kodvwa tifuyo nalesasikutfumbe emadolobheni lesasiwancobile sakutfutsa sahamba nako.