Dutheronomi 20:1 - Siswati 1996 Bible

¹ “Naniya emphini niyawulwa netitsa tenu bese nibona emahhashi ato, netincola tato, nemphi yato iyinkhulu kakhulu kunalena yenu, ningatesabi, ngobe Simakadze Nkulunkulu wenu lowanikhipha eGibhithe uyawuba nani.

Dutheronomi 20:1 ပူးပေါင်းရင်းမြစ်များ

Genesisi 26:3

Hlalahlala kulelive, ngitawuba nawe ngikubusise, ngobe onkhe lamave ngitawuwanika wena netitukulwane takho. Ngitasifeza setsembiso sami lengasenta kuyihlo Abrahama.

2 Tikhronike 14:10

Asa waphuma wayawumhlangabeta, batsatsa tindzawo tabo tekulwa eSihosheni saseSefatha, eceleni kweMaresha.

2 Tikhronike 14:11

Asa wakhala kuSimakadze Nkulunkulu wakhe, watsi: “Hawu, Simakadze, kute lofanana nawe ngekusita lote emandla umvikele kulonemandla. Sisite, Simakadze Nkulunkulu wetfu, ngobe setsembele kuwe, futsi site kutekulwa nalemphi lenkhulu kangaka, ngobe setsembele ebitweni lakho. Awu, Simakadze, wena unguNkulunkulu wetfu; ungavumeli muntfu kutsi akuncobe.”

2 Tikhronike 20:12

Awu, Nkulunkulu wetfu, ungeke ubehlulele yini? Ngobe tsine site emandla ekubhekana nalemphi lenkhulu kangaka letewusihlasela. Asati kutsi kufanele senteni, kodvwa emehlo etfu abuke kuwe.”

2 Tikhronike 20:15

Wakhuluma watsi: “Lalela, nkhosi Jehoshafati, nilalele nani nonkhe lenihlala kaJuda naseJerusalema! Naku-ke lokushiwo nguSimakadze kini, utsi: ‘Ningesabi, futsi ningaphelelwa nangemandla ngenca yalemphi lenkhulu kangaka. Ngobe kulwa akusiko kwenu, kodvwa kwaNkulunkulu.

Tihlabelelo 118:6

Simakadze ungakimi angesabi lutfo. Umuntfu angangentani nje?

Tihlabelelo 20:7

Labanye bantfu bachoshe ngetincola temphi, labanye bachoshe ngemahhashi, kodvwa tsine sigabe ngelibito laSimakadze longuNkulunkulu wetfu.

Tihlabelelo 23:4

Nome ngihamba esigodzini lesinelitfunti lekufa, angesabi lutfo lolubi, ngobe wena unami; intfonga yakho neludvondvolo lwakho kuyangivikela.

Tihlabelelo 46:11

Nkulunkulu Somandla unatsi, Nkulunkulu waJakobe usiphephelo setfu. Cabanga.

Tihlabelelo 46:7

Nkulunkulu Somandla unatsi, Nkulunkulu waJakobe usiphephelo setfu. Cabanga.

Tihlabelelo 46:8

Wotani nitewubona imisebenti yaSimakadze, emhlabeni wente tintfo letimangalisako.

Eksodusi 20:2

“NginguSimakadze Nkulunkulu wenu lowanikhipha eGibhithe, eveni lebugcili.

Isaya 31:1

Maye kulabo labaya eGibhithe bayewucela khona lusito, labetsembela emahhashini, betsembele nasebunyentini betincola tabo temphi, nasemandleni lamakhulu ebagibeli babo bemahhashi, kodvwa bangabuki kuLongcwele waka-Israyeli, nome-ke bafune lusito kuSimakadze.

Isaya 41:10

Ngako-ke ungesabi, ngobe mine nginawe; ungajabhi, ngobe mine nginguNkulunkulu wakho. Ngitakucinisa ngikusite, ngiyakukubamba ngesandla sami sekudla lesilungile.

Isaya 43:2

Nawudzabula ekhatsi emantini, mine ngitawuba nawe; nanawudzabula ekhatsi emifuleni, ingeke ikukhukhule. Nawuhamba udzabula ekhatsi emlilweni, ngeke ushe, emalangabi ngeke akulumekele.

Isaya 7:14

Ngako-ke, Nkulunkulu, yena cobo lwakhe, utawuninika sibonakaliso: Intfombi iyawukhulelwa itale indvodzana, yetsiwe libito kutsiwe ngu-Imanyuweli.

Jeremiya 16:14

Simakadze utsi: “Noko, ayeta emalanga, lapho bantfu bangaseyikutsi: ‘Ngifunga kuphila kwaSimakadze, lowakhipha ema-Israyeli eveni laseGibhithe,’

Zakhariya 10:5

Nasebahlangene bayawuba njengemadvodza lanemandla lamakhulu, abhocota ludzaka etitaladini nakuliwa imphi. Bayawukulwa bancobe, ngobe Simakadze unabo, bayawuncoba bagibeli bemahhashi.

Numeri 10:9

Naniyakulwa imphi eveni lenu nihlaselwa titsa tinivimbetela, niyawukhalisa licilongo ngetikhawu tekuhlaba inyandzaleyo. Mine, Simakadze, Nkulunkulu wenu ngiyakunikhumbula nginisite, bese ngiyanephula etitseni tenu.

Numeri 23:21

“Kute emashwa latakwehlela Jakobe, Israyeli angeke abe nelusizi. Simakadze Nkulunkulu wabo, unabo; kumenyetwa nekudvunyiswa kweNkhosi kusemkhatsini wabo.

KubaseRoma 8:31

Siyawutsini-ke ngaloku? Nangabe Nkulunkulu angakitsi ngubani longamelana natsi?

Dutheronomi 1:29

“Ngase ngitsi kini: ‘Ningesabi; nabo ningabesabi.

Dutheronomi 2:7

“Simakadze Nkulunkulu wenu unibusisile ngayo yonkhe imisebenti yenu yetandla leniyentako. Uninakekele ngesikhatsi nisahamba nidzabula lelihlane lelikhulukati. Kuyo yonkhe leminyaka lengema-40 Simakadze Nkulunkulu wenu abesolomane anani, anizange seneswele lutfo.

Dutheronomi 20:2

Nase niphuma niya emphini, umphristi uyakuya ngembili akhulume nemphi yonkhe,

Dutheronomi 20:3

atsi: ‘Lalela, Israyeli, lamuhla uya emphini kuyakulwa netitsa takho. Ungabi ligwala wesabe; ungatfutfumeli, uphaphuleke embikwato.

Dutheronomi 31:6

Cinani nime, nibe nesibindzi. Ningatesabi futsi ningatfutfumeli ngato, ngobe Simakadze Nkulunkulu wenu uhamba nani; angeke anishiye, futsi angeke aniyekele.”

Dutheronomi 31:8

Simakadze, yena matfupha, uhamba embikwakho, futsi uyawuba nawe; angeke akushiye futsi angeke akuyekele. Ungesabi; ungalahlekelwa litsemba.”

Dutheronomi 7:1

“Simakadze Nkulunkulu wenu utaningenisa eveni lenitawuhlala kulo libe lenu. Utawucosha embikwenu letive letinyenti letikulo: emaHethi, nemaGirigashi, nema-Amori, nemaKhenani, nemaPheresi, nemaHivi, nemaJebhusi, tive letisikhombisa letinkhulu naletinemandla kunani.

Dutheronomi 7:18

Cha, ningatesabi, khumbulani kahle kutsi Simakadze Nkulunkulu wenu wentani kuFaro naseveni lonkhe laseGibhithe.

Dutheronomi 7:21

Ningabesabi, ngobe Simakadze Nkulunkulu wenu, losemkhatsini wenu, unguNkulunkulu lomkhulu nalowesabekako.

Dutheronomi 9:3

Kodvwa banini nesiciniseko lamuhla kutsi Simakadze Nkulunkulu wenu nguye lohamba embikwenu njengemlilo locotfulako. Utababhubhisa, abehlule embikwenu nibuka. Nitawubakhipha nibacedze ngekushesha, njengobe Simakadze anetsembisa.

Joshuwa 1:5

Kute namunye loyawukhona kumelana nawe, tonkhe tinsuku tekuphila kwakho. Ngiyakuba nawe, njengobe nganginaye naMosi. Ngingeke ngikushiye, futsi ngingeke ngikulahle.

Joshuwa 1:9

Angikakuyali yini? Cina ube nesibindzi. Ungetfuki, futsi ungaphelelwa ngemandla, ngobe Simakadze Nkulunkulu wakho uyakuba nawe nome ngukuphi lapho uya khona.”

Joshuwa 11:9

Joshuwa wenta kubo kona loko labetjelwe nguSimakadze kutsi akwente: Wajuba imisipha yemilente yemahhashi abo, washisa netincola tabo.

Tikhulu 6:12

Kwatsi ingilosi yaSimakadze nayifika kuGideyoni, yatsi: “Simakadze unawe, chawe lelinemandla.”

Tikhulu 6:16

Simakadze waphendvula, watsi: “Ngitakuba nawe, wena-ke utawugadla emaMidiyani uwabulale kube sengatsi ugalela umuntfu munye.”

1 Samuweli 17:32

Davide watsi kuSawula: “Akubete lophelelwa ngemandla ngenca yalomFilisti, inceku yakho itakuya iyekulwa naye.”