Dutheronomi 2:3 - Siswati 1996 Bible

³ ‘Senihambe sikhatsi lesidze seloku nitungeleta lelive letintsaba, manje-ke sale nijikela ngasenyakatfo.

Dutheronomi 2:3 ပူးပေါင်းရင်းမြစ်များ

Numeri 9:22

Kwakutsi lelifu nalihleti etikwalelithende lekukhontela emalanga lamabili nome inyanga nome umnyaka, ema-Israyeli abechubeka kuhlala lapho, angatfutsi; kodvwa lalitsi lingaphakama, nawo vele atfutse.

Dutheronomi 1:6

“Simakadze Nkulunkulu wetfu ukhulume kitsi siseseHorebe, watsi: ‘Senihleti kakhulu kulentsaba.

Dutheronomi 2:14

Kwendlula iminyaka lengema-38 kusukela esikhatsini sekusuka eKhadeshi Bhaneya. Ngaleso sikhatsi lonkhe lelo butfo lemadvodza aleso situkulwane abesafe aphela, njengobe Simakadze abefungile.

Dutheronomi 2:2

“Simakadze wase ukhuluma kimi utsi:

Dutheronomi 2:4

Nika labantfu nansi imiyalo utsi: “Senitalidzabula ekhatsi lelive lebanakenu, titukulwane ta-Esawu, letihlala eSeyiri. Batawunesaba, kodvwa nibocaphela.

Dutheronomi 2:7

“Simakadze Nkulunkulu wenu unibusisile ngayo yonkhe imisebenti yenu yetandla leniyentako. Uninakekele ngesikhatsi nisahamba nidzabula lelihlane lelikhulukati. Kuyo yonkhe leminyaka lengema-40 Simakadze Nkulunkulu wenu abesolomane anani, anizange seneswele lutfo.