Dutheronomi 15:18 - Siswati 1996 Bible

¹⁸ Ungakutsatsi ngekutsi kuyintfo lematima kakhulu kukhulula sigcili sakho, ngobe kukusebentela kwaso kuleminyaka lesitfupha kulingana nalokuphindvwe kabili lebekungentiwa sisebenti lesicashiwe. Simakadze Nkulunkulu wakho uyakukubusisa kuko konkhe lokwentako.”

Dutheronomi 15:18 ပူးပေါင်းရင်းမြစ်များ

Isaya 16:14

Kodvwa nyalo Simakadze utsi: “Njengesisebenti lesenta sivumelwane seminyaka lemitsatfu nemcashi waso, balisisa kahle emalanga, ngobe ekugcineni kwaleso sikhatsi ludvumo lwakaMowabi luyawuba lihlazo, nalabo labayawube basele bayawuba mbalwa kakhulu futsi nabo bawombile.”

Isaya 21:16

Naku-ke lokushiwo nguSimakadze kimi, utsi: “Njengesisebenti lesenta sivumelwane semnyaka munye nemcashi waso, balisisa kahle emalanga, ngobe ekugcineni kwawo lonkhe ludvumo lwakaKhedari lutawuphela.

Dutheronomi 15:10

Mupheni ngaphandle kwenhlitiyo lebubulako nalenemagcubu; ngobe ngenca yaloko Simakadze Nkulunkulu wenu uyawunibusisa emsebentini wenu wonkhe nakuko konkhe lenikwenta ngetandla tenu.

Dutheronomi 15:17

ubobe sewutsatsa lusungulo ubhobosele lihwandza lalendlebe yaso etikwesivalo; sesiyakuba sigcili sakho size sife. Uyakwenta njalo nakuso sigcilikati sakho.

Dutheronomi 15:19

“Simakadze Nkulunkulu wakho uyakumehlukanisela onkhe ematubulo lamadvuna etinkhomo netimvu kanye netimbuti. Ungawabopheli ematubulo etinkhomo takho futsi ungawahhuli ematubulo etimvu takho.