Danyela 9:15 - Siswati 1996 Bible

¹⁵ “Manje-ke, awu Simakadze, Nkulunkulu wetfu, wena lowakhipha sive sakho eveni laseGibhithe, ngesandla sakho lesinemandla, wena watakhela Libito lelihle, lelema kwadzimate kwaba ngulamuhla, sonile sente lokubi.

Danyela 9:15 ပူးပေါင်းရင်းမြစ်များ

Nehemiya 9:10

Watfumela tibonakaliso letimangalisako netimanga, wamelana naFaro, nato tonkhe tiphatsimandla takhe, nabo bonkhe bantfu baseveni lakhe, ngobe wena wawati kutsi emaGibhithe abebaphetse kabuhlungu kangakanani. Watentela ligama emhlabeni, lelisolo lahlala kuze kube ngulamuhla.

Danyela 9:5

sonile kuwe senta lokubi. Besibabi kakhulu, futsi sakuvukela; siphambukile sashiya imiyalo yakho nemitsetfo yakho.

Nehemiya 1:10

“Batinceku takho nesive sakho lowasikhulula ngemandla akho lamakhulu nangesandla sakho lesinemandla.

Eksodusi 32:11

Kodvwa Mosi wancenga Simakadze longuNkulunkulu wakhe watsi: “Hhawu Simakadze, lulaka lwakho lusivutselelani lesive sakho lowasikhipha eveni laseGibhithe ngesandla sakho lesinemandla lamakhulu?

Eksodusi 14:18

EmaGibhithe ayawungati kutsi mine nginguSimakadze, nase ngiwancobile ngisho naFaro nemphi yakhe, netincola takhe temphi nebagibeli bemahhashi akhe imbala.”

Eksodusi 6:1

Simakadze watsi kuMosi: “Utawubona-ke nyalo lengitakwenta kuFaro. Utabakhulula bantfu bami bahambe ngenca yesandla lesinemandla; yebo, ngenca yesandla sami lesinemandla uyawubacosha besuke eveni lakhe.”

2 kubaseKorinthe 1:10

Nkulunkulu wasikhulula kuleyo ngoti yekufa. Nanyalo usetawusikhulula futsi. Litsemba letfu silibeke kuye kwekutsi uyawusikhulula nangemuso,

Lukha 18:13

“Kodvwa umtselisi eme khashane akazange abhekise ngisho nebuso bakhe ezulwini, kepha ngekutisola wathandaza watsi: ‘Nkulunkulu, ngihawukele mine soni!’ ”

Lukha 15:21

Lendvodzana yatsi kuyise: ‘Babe, ngonile kuNkulunkulu nakuwe, angisafanele nekutsi ngibitwe ngekutsi ngiyindvodzana yakho.’

Jeremiya 32:10

Lencwadzi yesivumelwane ngayisayina, ngayivala ngeluphawu, ngafakazelwa, ngase ngikala lesiliva etikalini.

Isaya 55:13

Esikhundleni setihlahla temanyeva kuyawukhula tihlahla tesipheshula, esikhundleni senchachabutane kukhule mabovana. Loku kuyawuba sikhumbuto sekudvumisa Simakadze, kube sibonakaliso saphakadze, lesingeke sibhujiswe.”

Tihlabelelo 106:8

Noko, Simakadze wabasindzisa, ngenca yelibito lakhe, kuze abonakalise emandla akhe lamakhulu.

1 Emakhosi 8:51

Ngobe bona basive sakho nelifa lakho lowalikhipha eGibhithe, emlilweni loncibilikisa ngisho tinsimbi.

Eksodusi 9:16

Kodvwa noko kuze kube manje ngisakuphephisile, khona ngitekukhombisa emandla ami, nekutsi libito lami litewudvunyiswa emhlabeni wonkhe.

Eksodusi 6:6

Ngako-ke tjela ema-Israyeli utsi: ‘NginguSimakadze; ngitanikhulula kulokugcilatwa kwenu ngemaGibhithe. Ngengalo yami leyelulekile nangetento temandla lengiyawubajezisa ngato ngiyawunephula kubo.

Dutheronomi 5:15

Khumbula kutsi nawe bewusigcili eGibhithe nekutsi Simakadze Nkulunkulu wakho wakukhipha lapho ngesandla lesinemandla nemkhono lowelulekile. Ngako-ke Simakadze Nkulunkulu wakho ukuyalile kutsi uligcine liSabatha.

Eksodusi 13:3

Mosi wakhuluma kubantfu, watsi: “Nibolikhumbula lelilanga leniphume ngalo eGibhithe, endlini yebugcili, ngobe Simakadze unikhiphe ngesandla sakhe lesinemandla kulendzawo. Ningasidli sinkhwa lesifakwe imbiliso.

Eksodusi 13:9

Lomkhosi uyawufanana nesibonakaliso lesiboshelwe esandleni sakho nesikhumbuto lesinanyatsiselwe ebuntini lakho. Loko kuyawunikhumbuta kutsi umtsetfo waSimakadze niwati ngenhloko nikhulume ngawo, ngobe Simakadze wanikhipha eGibhithe ngesandla sakhe lesinemandla.

Eksodusi 13:14

Nangabe indvodzana yakho ibuta itsi: ‘Nikwentelani loku?’ uboyiphendvula utsi: ‘Simakadze wasebentisa sandla sakhe lesinemandla kusikhipha eGibhithe, lapho sasitigcili khona.

Eksodusi 13:16

Lelisiko liyawufanana nesibonakaliso lesiboshelwe esandleni sakho, kube luphawu ebuntini lakho; ngobe Simakadze wasikhipha eGibhithe ngesandla sakhe lesinemandla.”

2 Emakhosi 21:15

ngobe yente lokubi emehlweni ami yangitfukutselisa, ngatfukutsela kusukela mhlazana bokhokho bayo baphuma eGibhithe kuze kube ngulamuhla.’ ”

2 Tikhronike 6:37

nangabe sebaphendvuka ngenhlitiyo yabo lena eveni lapho batigcili khona, bagucuke bancuse kuwe baseveni lebatfumbi babo batsi: ‘Sonile kuwe, senta lokuphambene nawe; sente kabi kakhulu,’

Nehemiya 1:6

Indlebe yakho ayilalele, nemehlo akho avuleke, khona utekuva umthandazo wenceku yakho lewuthandaza embikwakho imini nebusuku, ithandazela tinceku takho, sive sema-Israyeli. Ngiyativuma tono tetfu, tsine ma-Israyeli, ngitifaka ekhatsi nami, sonkhe kanye nendlu yaketfu kutsi sonile kuwe.

Isaya 64:4

Kusukela kadzenidzeni kute lowase weva, kute nendlebe leyase yeva, kute liso lelase labona lomunye Nkulunkulu ngaphandle kwakho, lomelela labo labalindzele yena.

Jeremiya 14:20

Awu Simakadze, siyabuvuma bubi betfu kanye nelicala labobabe betfu; impela sonile kuwe.

Sililo 3:42

“Sonile sahlubuka, awukatsetseleli.

Hezekeli 5:6

Noko ngebubi bayo iyihlubukile imitsetfo yami netimiso tami, kwendlula tive nemave layitungeletile. Iyilahlile imitsetfo yami, yangete yatilandzela netimiso tami.