Danyela 6:4 - Siswati 1996 Bible

⁴ Ngenca yaloko labengameli kanye naletikhulu, betama kutfola tizatfu tekutsi Danyela atfolakale anemacala macondzana nekuphatsa kwakhe tindzaba tembuso, kodvwa behluleka kukwenta loko. Abazange bayitfole inkhohlakalo kuye, ngobe abetsembekile, abengakakhohlakali, futsi anakekela kahle konkhe.

Danyela 6:4 ပူးပေါင်းရင်းမြစ်များ

Genesisi 41:38

Faro wakhuluma kuletindvuna takhe watsi: “Kodvwa singamtfolaphi umuntfu lofana nalona, lonaMoya waNkulunkulu?”

Genesisi 43:18

BomnakaboJosefa besaba kakhulu, ngobe babengeniswe endlini kaJosefa, badzimate batsi: “Singeniswe lapha ngenca yalemali leyabuyiselwa emasakeni etfu nasite lapha kwekucala. Wentele kutsi atesituma, asitfumbe asente tigcili takhe, asemuke naletimbongolo tetfu.”

Taga 29:27

Labalungile bayabatondza lababi; nalababi bayabatondza labalungile.

Umshumayeli 4:4

Ngabona kutsi wonkhe umshikashika nako konkhe kuphumelela kwemuntfu kusukela ekuhawukeleni kwakhe lutfo kumakhelwane wakhe. Nako loko kulite, kufanana nekucosha umoya.

Jeremiya 18:18

Batsi: “Wotani sente lisu ngaJeremiya, ngobe imfundziso yemtsetfo lefundziswa baphristi ngeke ize iphele, naleteluleko tetihlakaniphi, nalelivi leliphuma kubaphrofethi. Ngako buyani simhlasele ngemagama etfu, singayinaki yonkhe lentfo layishoko.”

Jeremiya 18:23

Awu Simakadze, kodvwa wena uyawati onkhe lamasu abo labafuna kungibulala ngawo. Ungawatsetseleli lamacala abo, futsi-ke ungacali utesule leto tono tabo embikwakho. Abaketulwe embikwakho, bavukele ngesikhatsi sentfukutselo yakho.

Jeremiya 20:10

Ngiva bayahebeta labanyenti batsi: “Sesabiso yonkhe indzawo! Mcebe! Asimcebe!” Bonkhe bangani bami balindzele mine kutsi ngishelele, batsi: “Mhlawumbe utawuyengeka; khona sitawube sesiyamehlula, sitiphindzisele kuye.”

Jeremiya 29:7

Funani futsi kuthula nekuphumelela kulelo dolobha lenganitfumbela kulo kutsi niyewudzingiswa. Likhulekeleni kuSimakadze, ngobe naliphumelela, nani niyawuphumelela.’

Danyela 3:8

Ngalesikhatsi labanye bosonkhanyeti beta bafike banyundzela emaJuda.

Danyela 5:12

Lendvodza lenguDanyela, inkhosi leyayetsa yatsi nguBhelteshasari, yatfolakala inengcondvo lekhaliphile, inelwati nekucondza, kantsi futsi yatfolakala ikwati kuchaza emaphupho, nekucaca timfumbe, icatulule netinkinga letilukhuni. Bita Danyela, yena utakutjela kutsi lombhalo usho kutsini.”

Danyela 6:22

Nkulunkulu wami utfumele ingilosi yakhe, lefike yavala imilomo yemabhubesi. Akangilimati, ngobe ngitfolakele ngite licala emehlweni akhe, kantsi nakuwe, nkhosi, kute lengikonile.”

Matewu 26:4

bakha lisu lekubamba Jesu ngebucili, bambulale.

Matewu 27:18

Abati kahle kamhlophe kutsi Jesu babemletse ngobe babenemona naye.

Lukha 20:20

Ngako betama kutfola sikhatsi lesikahle. Batsenga labanye bantfu kutsi babe timpimpi, batente shangatsi batimisele kantsi bentela kugiba Jesu ngemibuzo, kuze bamnikete kulabakhulu nasemandleni embusi.

Lukha 20:26

Behluleka kumgiba ngalakushito embikwebantfu, ngako babindza, bamangaliswa yimphendvulo yakhe.

Lukha 22:2

Baphristi labakhulu netati temtsetfo betama kwenta lisu lekubulala Jesu; noko babesaba bantfu.

Johane 19:4

Philatu waphindze waphuma, wafike watsi kulawo maJuda: “Bukani la, ngimkhiphele kini kuze nitekwati kutsi: Mine angilitfoli licala kulomuntfu.”

2 kubaseKorinthe 11:12

Kodvwa ngitawuchubeka ngente loku lengikwentako, kuze kutsi bangalitfoli litfuba lekutiveta labo labalifunako, labenta shangatsi benta umsebenti lofanana newetfu njengobe bona basho.

KubaseFiliphi 2:15

kuze nibe ngulabangasoleki, nalabangenacala, bantfwana baNkulunkulu labangenasici emkhatsini wesitukulwane lesigwegwile nalesiphambene. Kufanele nikhanye kuso lesitukulwane njengetinkhanyeti letikhanyisa esibhakabhakeni,

1 kuThimothi 5:14

Ngifisa kutsi bafelokati labasebancane bendze, batale bantfwana, baphatse imindeni yabo, kuze sitsa singetilitfola litfuba lekunyembenya labakholwako.

kuThithusi 2:8

nangekukhuluma lokuphilile lokungasoleki, kuze kutsi labo labamelene natsi, bahlazeke ngekutsi bate lokubi labangahle bakusho ngatsi.

1 yaPhetro 2:12

Philani imphilo yekulunga emkhatsini wemahedeni, khona kutawutsi nome banihleba ngekutsi nenta lokubi, kodvwa batsi bangabona imisebenti yenu lemihle, badvumise Nkulunkulu ngelilanga lekubuya kwakhe.

1 yaPhetro 3:16

Loku nikwente ngebumnene nangekuhlonipha, nibe nanembeza lomsulwa, kuze kutsi kuloko labanihleba ngako bajabhiswe labo labetfuka kuhamba kwenu lokuhle kuKhristu.

Tikhulu 14:4

Batali baSamsoni bebangati kutsi loko kwakuvela kuSimakadze labenguyena afunana nelitfuba lekuhlasela emaFilisti, ngobe ngaleso sikhatsi emaFilisti abebusa sive sema-Israyeli.

1 Samuweli 12:4

Bantfu bamphendvula batsi: “Awuzange sewusidlelele, futsi awuzange sewusicindzetele. Kute namunye umuntfu lowake wemukela kuye umdizo esandleni sakhe.”

1 Samuweli 18:14

Kuko konkhe labekwenta Davide abeba nemphumelelo, ngobe Simakadze abenaye.

1 Samuweli 22:14

Ahimeleki wayiphendvula inkhosi watsi: “Ngubani kuto tonkhe tinceku takho lowetsembeke kuwe njengaDavide, umkhwenyane wenkhosi, indvuna yemabutfo lagadza wena, umuntfu lohlonishwa kangaka endlini yakho yonkhe?