2 Tikhronike 9:21 - Siswati 1996 Bible

²¹ Inkhosi yayinemikhumbi leminyenti yekuhweba elwandle; lemikhumbi yayinemadvodza akaHiramu. Kanye ngeminyaka lemitsatfu yayibuya yetfwele igolide, nesiliva, nematinyo etindlovu, netinkawu kanye netimfene.

2 Tikhronike 9:21 ပူးပေါင်းရင်းမြစ်များ

1 Emakhosi 10:22

Inkhosi yayinelubhuzane lwemikhumbi yekuhweba elwandle, ikanye nalena yaHiramu. Kanye ngeminyaka lemitsatfu yayibuya yetfwele igolide, nesiliva, nematinyo endlovu, netinkawu kanye netimfene.

1 Emakhosi 22:48

Jehoshafati wakha imikhumbi yekuhweba elwandle kutsi ibohamba iye e-Ofiri, ilandze igolide, kodvwa noko ayizange iphumelele kuhamba, ngobe yephukela e-Esiyoni Geberi.

2 Tikhronike 8:18

Hiramu wamtfumelela imikhumbi leyayiholwa tindvuna takhe; lawo bekungemadvodza labenelwati lolubanti ngetaselwandle. Labo-ke bakanye nalawa akaSolomoni emadvodza, bantjweza baya e-Ofiri, babuya negolide lengetulu kwemakhilogremu lati-15 000, bakwetfula enkhosini Solomoni.

2 Tikhronike 9:20

Tonkhe tindzebe taSolomoni tekunatsa tatentiwe ngegolide, nato tonkhe tintfo talapha endlini yeLihlatsi laseLebanoni tatentiwe ngegolide lecengekile. Isiliva yayingakabaluleki kakhulu ngetikhatsi taSolomoni.

Jobe 39:13

“Timphiko tenshi tiyaphephetela ngenca yenjabulo. Kodvwa tingeke tilinganiswe netingwabha netinsiba tadvoye.

Tihlabelelo 72:10

Shangatsi emakhosi aseThashishi nasetichingini, angetfula tipho kuyo. Shangatsi emakhosi aseSheba newaseSeba angetfula kuyo imitselo yawo.

Jeremiya 10:9

Isiliva legcotjiwe iyaletfwa isuka eThashishi, negolide legcotjiwe isuka e-Ufazi. Loko lokubatwe ngumbati nangumbumbi wetegolide, kubese kwembatsiswa letiluhlata njengesibhakabhaka naletibukhwebeletane, konkhe kwakhiwe tingcweti.

Hezekeli 27:12

“ ‘IThashishi yatsengiselana nawe ngenca yebunyenti bebunjinga bakho betimphahla; babeshintjiselana nawe ngesiliva, nangensimbi, nangemfimfi, nangemtfofu, ngetimphahla takho.

Hezekeli 27:15

“ ‘Emadvodza aseDedani atsengiselana nawe, nemave lamanyenti langaselwandle abekutsengisela kakhulu; abuyisela kuwe ematinyo etindlovu netigodvo letimnyama temsimbithi.

Jona 1:3

Kepha Jona wesuka wacondza eThashishi. Wehlela eJopha, lapho afike wakhokha imali yekwekhwela, wagibela umkhumbi, waya eThashishi, abalekela Simakadze.