2 Tikhronike 9:20 - Siswati 1996 Bible

²⁰ Tonkhe tindzebe taSolomoni tekunatsa tatentiwe ngegolide, nato tonkhe tintfo talapha endlini yeLihlatsi laseLebanoni tatentiwe ngegolide lecengekile. Isiliva yayingakabaluleki kakhulu ngetikhatsi taSolomoni.

2 Tikhronike 9:20 ပူးပေါင်းရင်းမြစ်များ

1 Emakhosi 10:21

Tonkhe tindzebe taSolomoni tekunatsa tatentiwe ngegolide, kantsi tonkhe tintfo talapha endlini yeLihlatsi laseLebanoni tatentiwe ngegolide lecengekile. Kute nakunye lokwakwentiwe ngesiliva, ngobe isiliva yayingakabaluleki kakhulu ngaleto tikhatsi taSolomoni.

2 Tikhronike 9:19

Emabhubesi lali-12 abeme kuletitebhisi, linye ngala nalelinye ngale kwesitebhisi sisinye. Kute lokufanana naloko lokwase kwentiwa ngisho nome ngukumuphi umbuso.

2 Tikhronike 9:21

Inkhosi yayinemikhumbi leminyenti yekuhweba elwandle; lemikhumbi yayinemadvodza akaHiramu. Kanye ngeminyaka lemitsatfu yayibuya yetfwele igolide, nesiliva, nematinyo etindlovu, netinkawu kanye netimfene.

2 Tikhronike 9:27

Inkhosi yenta isiliva yandza eJerusalema, yaze yafanana nelukhetse, nemsedari waba mnyenti njengetihlahla temkhiwa etsafeni.

Esta 1:7

Liwayini lalinatfwa ngetindzebe tegolide, nguloyo naloyo aneyakhe indzebe leyehlukile kuletinye. Inkhosi yephana nangeliwayini lebukhosi.

Isaya 2:22

Yekelani kwetsembela kubantfu, emakhaleni abo kunekuphefumula nje. Empeleni bayini nje?

Jeremiya 31:5

Uyawuphindze futsi uhlanyele tivini emagcumeni aseSamariya; balimi bayawutihlanyela, bajabule ngetitselo tato.

Matewu 6:29

Kepha ngitsi kini: NaSolomoni ebukhatikhatini bakhe bonkhe abengeke afanane ngisho nayinye yato ngekwembatsa.