2 Tikhronike 8:15 - Siswati 1996 Bible

¹⁵ Abazange baphambuke emiyalweni yenkhosi lemacondzana nebaphristi nemaLevi kuko konkhe, ngisho nakuloku kwengcebo yaSimakadze.

2 Tikhronike 8:15 ပူးပေါင်းရင်းမြစ်များ

1 Emakhosi 7:51

Kwatsi nase kuphele wonkhe umsebenti inkhosi Solomoni labewentele lithempeli laSimakadze, wase ungenisa ngekhatsi tonkhe tintfo letatinikelwe nguyise, Davide. Bekuyisiliva, negolide, nato tonkhe timphahla. Wakubeka konkhe endlini yengcebo ethempelini laSimakadze.

1 Tikhronike 9:29

Lamanye emaLevi umsebenti wawo bekukuphatsa letinye timphahla letingcwele, nafulaha, neliwayini, nemafutsa emncumo, nemphepho kanye netinandzisi.

2 Tikhronike 30:12

NakaJuda sandla saNkulunkulu sasisetikwebantfu kutsi sibanike bunye bengcondvo ekwenteni loko inkhosi netiphatsimandla tayo babetsite akwentiwe, ngekulandzela livi laSimakadze.

2 Tikhronike 8:14

Ngaloko abelandzela imiyalo yeyise Davide, wemisa ticheme tebaphristi wabaniketa nemisebenti yabo, nemaLevi kutsi ahole kubonga abuye abambisane nebaphristi kuloko lokwakudzingeka ngawo onkhe emalanga. Wabuye wabeka nabomahlalesangweni ngeticheme tabo, njengekwehlukana kwalamasango. Loko kwaba njengaloku Davide, inceku yaNkulunkulu, abeshito.

2 Tikhronike 8:16

Yonkhe-ke imisebenti yaSolomoni yachubeka kusukela ngalelilanga lekwabekwa ngalo sisekelo selithempeli laSimakadze laze layawuphela. Lacedzelwa kanjalo-ke lithempeli laSimakadze.