2 Tikhronike 7:19 - Siswati 1996 Bible

¹⁹ “Kodvwa nangabe nine nigucuka nifulatsela timiso tami nemiyalo yami lenginiyale ngayo, nihambe niyewukhonta labanye bonkulunkulu nikhuleke kubo,

2 Tikhronike 7:19 ပူးပေါင်းရင်းမြစ်များ

1 Tikhronike 28:9

“Wena-ke, Solomoni, ndvodzana yami, yenta Nkulunkulu weyihlo abe ligugu kuwe, umkhonte ngayo yonkhe inhlitiyo yakho nangengcondvo levumako, ngobe Simakadze uhlolisisa tonkhe tinhlitiyo acondzisise tonkhe tinjongo temicabango. Nawumfuna, utamtfola; kodvwa nawumlahla, naye utakuyekela phakadze naphakadze.

2 Tikhronike 33:8

Ngingeke ngiphindze ngente tinyawo tema-Israyeli tibe solomane tizulazula tisuka kulelive lengalipha bokhokho bawo, kuphela nje nangabe bangacaphela kutsi bente konkhe loko lengabayala ngako mayelana nayo yonkhe imitsetfo, netimiso, neteluleko lengabanika tona ngaMosi.”

Eksodusi 20:5

Ungasikhotsameli nome usikhonte, ngobe mine Simakadze, Nkulunkulu wakho, nginguNkulunkulu lonesikhwele. Labo labangitondzako sijeziso sami ngesono saboyise ngisehlisela ngisho nakubantfwana babo besitukulwane sesitsatfu nesesine.

Jeremiya 9:13

Simakadze watsi: “Kungenca yekutsi bawufulatsele umtsetfo wami lengababekela wona; abakangilaleli, kantsi futsi abakawulandzeli umtsetfo wami.

Levithikusi 26:14

“ ‘Nangabe ningangilaleli, ningayenti yonkhe lemiyalo yami,

Numeri 32:15

Nanijika ningamlandzeli, utawuphindze asishiye sonkhe futsi lesive ehlane, nine-ke nitawuba sisusa sekubhujiswa kwaso.”

Dutheronomi 28:15

“Kodvwa nangabe ningamlaleli Simakadze Nkulunkulu wenu, ningayilandzeli ngekucophelela yonkhe lemiyalo yakhe netimiso takhe lengininika tona lamuhla, tonkhe leticalekiso tiyawukwehlela etikwenu tinehlule:

Joshuwa 23:7

Ningatihlanganisi nato letive letisasele tilapha emkhatsini wenu. Ningacali nikhuleke nome nifunge ngaleto tithico tato. Kufanele ningatikhonti nome nikhotsame kuto.

1 Samuweli 12:25

Kodvwa nanichubeka ekwenteni lokubi, nine kanye nenkhosi yenu, niyawubhubha nonkhe.”