2 Tikhronike 7:15 - Siswati 1996 Bible

¹⁵ Emehlo ami ayawuvuleka, netindlebe tami tilalele imikhuleko lenikelelwa kulendzawo.

2 Tikhronike 7:15 ပူးပေါင်းရင်းမြစ်များ

1 Emakhosi 8:29

Kwangatsi emehlo akho angavulekela kulelithempeli ebusuku nasemini, lendzawo lowasho ngayo watsi: ‘Libito lami liyawuba lapho,’ kuze uwuve umthandazo wenceku yakho leyiwuthandaza ibheke kulendzawo.

2 Tikhronike 6:20

“Kwangatsi emehlo akho angavulekela kulelithempeli emini nasebusuku, lendzawo lowakhuluma ngayo watsi uyawubeka Libito lakho kuyo. Shangatsi ungamane uwuve umkhuleko wenceku yakho lewuthandaza ibheke kulendzawo.

2 Tikhronike 6:40

“Manje-ke, Nkulunkulu wami, emehlo akho akamane asale avuleka, netindlebe takho tiwunake wonkhe umthandazo lowentiwa kulendzawo.

Nehemiya 1:6

Indlebe yakho ayilalele, nemehlo akho avuleke, khona utekuva umthandazo wenceku yakho lewuthandaza embikwakho imini nebusuku, ithandazela tinceku takho, sive sema-Israyeli. Ngiyativuma tono tetfu, tsine ma-Israyeli, ngitifaka ekhatsi nami, sonkhe kanye nendlu yaketfu kutsi sonile kuwe.

Tihlabelelo 130:2

Vani kukhala kwami, Simakadze, ngive nangicela lusito kuwe.

Tihlabelelo 65:2

Wena uva imithandazo uyiphendvule; bonkhe bantfu bafanele kuta kuwe

Isaya 37:17

Vula indlebe yakho! Awu, Simakadze, vani; uvule emehlo akho, Simakadze, ubone; lalela onkhe emavi latfunyelwe nguSenaheribi ekwetfuka wena, Nkulunkulu lophilako.

Dutheronomi 11:12

Leli live Simakadze Nkulunkulu wenu lalinakekelako; emehlo aSimakadze Nkulunkulu wenu akesuki kulo, kusukela ekucaleni kwemnyaka kuze kube ngusekupheleni kwawo.

1 yaPhetro 3:12

Ngobe emehlo eNkhosi ayababona labalungile, netindlebe teNkhosi tiyayiva imithandazo yabo. Kodvwa iNkhosi iyemelana nalabo labenta lokubi.”