2 Tikhronike 6:41 - Siswati 1996 Bible

⁴¹ “Manje-ke, phakama, Simakadze Nkulunkulu, ute endzaweni yakho yekuphumula, wena kanye nelibhokisi lesivumelwane semandla akho. Awu, Simakadze Nkulunkulu, shangatsi baphristi bakho bangembatsiswa ngensindziso. Shangatsi labangcwele bakho bangajabula ngemusa wakho.

2 Tikhronike 6:41 ပူးပေါင်းရင်းမြစ်များ

1 Tikhronike 28:2

Inkhosi Davide yasukuma yema ngetinyawo, yatsi: “Lalelani kimi, nine bomnaketfu nesive sakitsi. Bekuvele kusenhlitiyweni yami kutsi ngakhe indlu letawuba yindzawo lapho kutawuphumula khona libhokisi lesivumelwane saSimakadze, senabelo setinyawo taNkulunkulu wetfu; lawo malungiselelo bese ngivele ngiwentile.

Nehemiya 9:25

Batfumba emadolobha labetinqaba, nemhlabatsi lovundzile, badla tindlu letatigcwele tonkhe tinhlobo tetintfo letinhle, nemitfombo leyase imbiwe, netivini, netihlahla temincumo kanye netihlahla tetitselo letinyenti. Badla besutsa, bondleka kahle, batitika ngekulunga kwakho lokukhulu.

Tihlabelelo 110:2

Intfonga yebukhosi bakho lobunemandla uyawuyelula wena, Simakadze, useSiyoni, utsi: “Busa wena emkhatsini wetitsa takho.”

Tihlabelelo 132:16

Baphristi bayo ngiyawubembatsisa ngensindziso, labangcwele bayo bahlabele ngekujabula.

Tihlabelelo 65:11

Uhlobisa umnyaka ngetipho takho, lapho uhambe khona kulandzele inala.

Tihlabelelo 65:4

Ubusisiwe umuntfu lokhetfwa nguwe umsondzete kuwe, uyawuhlala endzaweni yakho lengcwele. Siyakwesutsiswa ngalokuhle kwendlu yakho, lithempeli lakho lelingcwele!

Isaya 61:10

Ngiyajabula kakhulu ngaSimakadze; umphefumulo wami uyajabula ngaNkulunkulu wami. Ngobe ungembatsise ngetingubo tensindziso, wangihlobisa ngemjiva wekulunga, njengemyeni ahlobisa inhloko yakhe njengemphristi, nanjengamakoti lotihlobise ngebuhlalu bakhe.

Isaya 61:3

labakhala eSiyoni babonelelwe, banikwe umchele webuhle esikhundleni semlotsa, banikwe nemafutsa enjabulo esikhundleni sesililo, banikwe ingubo yekudvumisa esikhundleni semoya lodzabukile. Bayawubitwa ngekutsi batihlahla tekulunga, letihlanyelwe nguSimakadze, kuze kubonakaliswe inkhatimulo yakhe.

Isaya 61:6

Nine niyawubitwa ngekutsi nibaphristi baSimakadze, niyakwetsiwa emabito, kutsiwe nitikhonti taNkulunkulu wetfu. Niyawudla imfuyo yetive ngetive, nangebunjinga bato niyawutigabatisa.

Isaya 66:1

Naku lokushiwo nguSimakadze, utsi: “Lizulu lisihlalo sami sebukhosi, umhlaba usenabelo setinyawo tami. Iphi-ke lendlu leningangakhela yona? Itawuba kuphi-ke indzawo yami yekuphumula?

Zakhariya 9:17

Maye, live lakhe liyawuba lihle bo! Futsi liyawubukeka lilihle kakhulu. Lokutinhlavu kuyawukwenta tinsizwa tiphumelele, neliwayini lelisha lente emantfombatane ondleke.

KubaseRoma 1:16

Anginamahloni ngeliVangeli, ngobe lingemandla aNkulunkulu ekusindzisa bonkhe bantfu labakholwako, kucala emaJuda, kulandzele emaGriki.

KubaseRoma 13:14

kodvwa yembatsani iNkhosi Jesu Khristu ninganakekeli kutsi lesimo senu semtimba lesonakele ningasenelisa kanjani ngetinkhanuko taso.

KubaseGalathiya 3:27

Nine nonkhe nabhajatiselwa kuKhristu, ngako-ke senembetse Khristu.

KubaseFiliphi 3:3

Ngitsi labasoke sibili, tsine lesikhonta ngaMoya waNkulunkulu, sitibonga kuKhristu Jesu, asetsembeli enyameni,

KubaseFiliphi 4:4

Tfokotani eNkhosini njalonjalo. Ngiyaphindza futsi ngitsi: Tfokotani.

Joshuwa 3:13

Kutawutsi tinyawo tebaphristi labetfwele lelibhokisi lesivumelwane saSimakadze, iNkhosi yemhlaba wonkhe, natinyatsela emanti emfula iJordane, emanti emfula iJordane atakuma angete ageleta, lamanti lachamuka ngenhla atakuma abe yindvundvuma.”

Sembulo 19:14

Emabutfo asezulwini amlandzela agibele emahhashi lamhlophe, embetse tingubo letimhlophe letihlantekile telineni.

Sembulo 19:8

Uphiwe kutsi embatsiswe ingubo yelineni lecolisakele, nalekhanyako, nalemsulwa.” Lelineni lecolisakele itento nemisebenti lelungile yalabangcwele.