2 Tikhronike 6:38 - Siswati 1996 Bible

³⁸ nase bagucukela kuwe ngayo yonkhe inhlitiyo yabo nangawo wonkhe umphefumulo wabo baseveni letitsa tabo letabatfumba, bathandaze kuwe babheke eveni lowalipha boyisemkhulu, edolobheni lolikhetsile nakulelithempeli lesengilakhele Libito lakho,

2 Tikhronike 6:38 ပူးပေါင်းရင်းမြစ်များ

Danyela 6:10

Watsi kube Danyela eve kutsi sekubhalwe lomtsetfosimemetelo, wahamba waya ekhaya lakhe ekamelweni lelisetulu, lapho emafasitelo akhona abevulekela ngaseJerusalema. Abeguca ngemadvolo katsatfu ngelilanga, athandaze, abonga Nkulunkulu wakhe, njengobe abevame kwenta ngaphambili.

2 Tikhronike 6:34

“Nangabe sive sakho siphuma imphi siyekulwa netitsa taso, nome ngukuphi lapho usiyisa khona, bese siyakhuleka kuwe sibheke kulelidolobha lolikhetsile nakulelithempeli lese ngilakhile, ngalakhela Libito lakho,

2 Tikhronike 6:37

nangabe sebaphendvuka ngenhlitiyo yabo lena eveni lapho batigcili khona, bagucuke bancuse kuwe baseveni lebatfumbi babo batsi: ‘Sonile kuwe, senta lokuphambene nawe; sente kabi kakhulu,’

2 Tikhronike 6:39

ubobe sewuyeva usezulwini lakho, indzawo yakho yekuhlala, uyive imithandazo yabo nekuncusa kwabo kuwe, ucolele indlela yabo. Tsetselela sive sakho lesonile kuwe.

Jona 2:4

Ngase ngitsi: ‘Sengicoshiwe emehlweni akho; noko, ngiyawuphindze ngibuke lithempeli lakho lelingcwele.’