2 Tikhronike 6:32 - Siswati 1996 Bible

³² “Macondzana newetive longasiye lomunye wesive sakho, ema-Israyeli, kodvwa lochamuka eveni lelikhashane ngenca yeLibito lakho lelikhulu, nangesandla sakho lesinemandla nengalo yakho leyelulekile, nakete-ke lowo wetive atewuthandaza abheke kulelithempeli,

2 Tikhronike 6:32 ပူးပေါင်းရင်းမြစ်များ

Johane 12:20

Bekukhona nemaGriki latsite emkhatsini walabo lababetewudvumisa kulowo mkhosi.

Imisebenti yebaPhostoli 2:10

eFrigiya nasePhamfiliya, eGibhithe kanye nasetifundzeni taseLibhiya ngaseSirene, kantsi labanye betfu baphuma eRoma,

Johane 10:16

Nginaletinye timvu letingesito noko takulesibaya, nato futsi kufanele ngitiletse, titakuliva livi lami. Titawuba mhlambi munye tonkhe nemelusi munye.

Matewu 2:1

Kwatsi kube kutalwe Jesu eBhetlehema esigodzini saseJudiya ngesikhatsi Herodi ayinkhosi, kwefika tati eJerusalema tiphuma emphumalanga,

Zakhariya 8:22

Tive letinyenti netive letinemandla tiyawuta eJerusalema titewufunisisa Simakadze longuSomandla, timncenge.”

Isaya 66:20

Bayawuletsa bonkhe bomnakenu, babakhipha kuto tonkhe tive, babayise entsabeni yami lengcwele eJerusalema, babe ngumnikelo kuSimakadze. Bayawubetfwala ngemahhashi, nangetincola temphi, nangetinkalishi, nangeminyuzi, nangemakamela,” kusho Simakadze. “Bayawuta nabo njengema-Israyeli nakaletsa iminikelo yawo yalokutinhlavu ngetitja letihlantekile ngekwemtsetfo, ateyetfula ethempelini laSimakadze.

Joshuwa 9:9

EmaHivi aphendvula atsi: “Tinceku takho tiphuma eveni lelikhashane kakhulu, ngobe sivile ngeludvumo lwaSimakadze Nkulunkulu wenu. Sivile imibiko ngaye nangako konkhe lakwenta eveni laseGibhithe,

Matewu 12:42

Indlovukazi yaseningizimu iyawusukuma kanye nalesitukulwane ekwehlulelweni, isilahle, ngobe yesuka emikhawulweni yemhlaba yatawulalela kuhlakanipha kwaSolomoni; ase nibuke-ke, ngobe lapha kukhona lomkhulu kunaSolomoni!”

Tihlabelelo 89:13

Unengalo lenemandla, nesandla sakho sinemandla, nesandla sakho sekudla siphakeme.

2 Emakhosi 5:15

Namani kanye netinceku takhe tonkhe wahamba wabuyela kulomuntfu waNkulunkulu. Wafike wema embikwakhe watsi: “Manje sengiyati kutsi emhlabeni wonkhe kute nkulunkulu lofanana naNkulunkulu wema-Israyeli. Ngicela kutsi wemukele nasi sipho lesiphuma kimi, inceku yakho.”

2 Emakhosi 5:8

Watsi kube Elisha, umuntfu waNkulunkulu, eve kutsi inkhosi iklebhule tingubo tayo, watfumela umlayeto watsi: “Utiklebhuleleni tingubo takho? Letsa lowo muntfu lapha kimi, futsi yena utawukwati kutsi kukhona umphrofethi ka-Israyeli!”

2 Emakhosi 5:3

Lentfombatana yakhuluma kumkaNamani, yatsi: “Kube mane inkhosi yami ingake ibonane nemphrofethi loseSamariya, beyingaphiliswa kulobulephelo bayo.”

Ruthe 1:16

Ruthe waphendvula watsi: “Ngicela kutsi ungangincengi kutsi ngikushiye. Ngiyekele, ngihambe nawe. Lapho uya khona, nami ngitakuya khona; lapho uyawuhlala khona, nami ngiyawuhlala khona. Sive sakini, kuyawuba sive sami; naNkulunkulu wakho kube nguNkulunkulu wami.

Joshuwa 2:9

wafike wakhuluma kuto, watsi: “Ngiyati kutsi Simakadze uniphe lelive. Sonkhe sehlelwe kwesaba lokukhulu ngani, kantsi futsi tonkhe tive letakhile kulelive setingenwe ngemanti emadvolweni, ngenca yekwesaba nine.

Eksodusi 13:14

Nangabe indvodzana yakho ibuta itsi: ‘Nikwentelani loku?’ uboyiphendvula utsi: ‘Simakadze wasebentisa sandla sakhe lesinemandla kusikhipha eGibhithe, lapho sasitigcili khona.

Eksodusi 6:6

Ngako-ke tjela ema-Israyeli utsi: ‘NginguSimakadze; ngitanikhulula kulokugcilatwa kwenu ngemaGibhithe. Ngengalo yami leyelulekile nangetento temandla lengiyawubajezisa ngato ngiyawunephula kubo.

2 Tikhronike 6:31

Ngaloko bantfu bayawuhlala bakuhlonipha, bahambe etindleleni takho ngaso sonkhe sikhatsi sekuhlala kwabo eveni lowalipha boyisemkhulu.

Tihlabelelo 136:12

ngesandla lesinemandla nengalo leyeluliwe, ngobe umusa wakhe ume kuze kube phakadze.