2 Tikhronike 6:28 - Siswati 1996 Bible

²⁸ “Nangabe bahlaselwa yindlala kulelive labo, nome sifo lesibulalanako, nome sona, nome sikhutsa, nome sikhonyane, nome tintsetse, nome titsa tibavimbetela nome ngukuliphi lalamadolobha abo, nome ngabe ngusiphi sehlakalo, nome sifo lesingabehlela,

2 Tikhronike 6:28 ပူးပေါင်းရင်းမြစ်များ

2 Emakhosi 8:1

Elisha abekhulume kulomfati labekavuse umfanyana wakhe ekufeni, watsi: “Baleka kanye nemndeni wakho niyewubhaca nome ngukuphi lapho ningabhaca khona, kube sikhashana, ngobe Simakadze sewukumisile kutsi kube nendlala eveni letawutsatsa iminyaka lesikhombisa.”

2 Tikhronike 32:1

Emvakwako konkhe loko Hezekiya asasebente konkhe ngekwetsembeka, Senaheribi, inkhosi yase-Asiriya, weta watawuhlasela lakaJuda. Wafike wemisa malungana nemadolobha latinqaba acabanga kutsi utatincobela wona abe ngewakhe.

2 Tikhronike 32:24

Kulawo malanga Hezekiya wagula wabangwa netibi. Wathandaza kuSimakadze, Simakadze wamphendvula ngekumnika sibonakaliso lesisimanga.

2 Tikhronike 6:29

bese kwentiwa umthandazo nome kuncenga kwentiwe ngunome ngubani wakulesive sakho, ema-Israyeli, nguloyo atibonela sishayo neminjunju enhlitiyweni yakhe, aphakamise tandla takhe atibhekise kulelithempeli,

2 Tikhronike 7:13

“Nangivala emazulu kuze kutsi kubete imvula, nome ngitfume sikhonyane kutsi sitewubhubhisa lelive, nome ngitfumele sifo lesibulalanako emkhatsini wesive sami,

Joweli 1:11

Jabhani, nine balimi, lilani, nine lenilima tivini. Dzabukelani kolo kanye nebhali, ngobe sivuno sensimi sibhujisiwe.

Joweli 2:25

“Ngitanikhokhela kuloko lokudliwe sikhonyane ngaleyo minyaka, loko lokwadliwa tibotfo nesigegedlana, nelifu letinkumbi, imphi yami lengayitfumela emkhatsini wenu.

Levithikusi 26:16

ngiyawunijezisa nganaku: Ngiyawunehlisela kutfutfumela lokwesabekako, netifo letingelapheki, nemikhuhlane lephumphutsekisa emehlo, nginente nihusheke. Niyawulima nihlanyelele lite, ngobe titsa tenu tiyawunehlula tidle konkhe loko kudla.

YaJakobe 5:13

Ukhona yini lohluphekako emkhatsini wenu? Akathandaze. Ukhona yini lojabulile? Akadvumise ngekuhlabela.

Ruthe 1:1

Kadzeni, live lisabuswa tikhulu kwase kwaba nendlala lenkhulu eveni. Lenye indvodza yakaJuda, leyayihlala eBhetlehema, yahamba nemkayo nemadvodzana ayo lamabili yaya kuyawuhlalahlala eveni lakaMowabi.