2 Tikhronike 6:27 - Siswati 1996 Bible

²⁷ ubobe sewuyeva usezulwini lakho, utsetselele sono setinceku takho, sive sakho, ema-Israyeli. Bafundzise indlela lelungile yekuphila, bese wehlisela imvula eveni labo, lowabapha lona bantfu bakho kutsi libe lifa labo.

2 Tikhronike 6:27 ပူးပေါင်းရင်းမြစ်များ

2 Tikhronike 7:14

nangabe sive sami lesibitwa ngelibito lami, sititfoba sithandaze kimi, sifunisise intsandvo yami, siphendvuke etindleleni taso letimbi temonakalo, ngiyakuva ngisezulwini, ngitsetselele sono saso, ngiphilise live laso.

Tihlabelelo 119:33

Ngifundzise, Simakadze, kuhamba ngetimiso takho, khona ngiyawuhamba ngato, kuze kubesekupheleni.

Tihlabelelo 25:12

Ngubani lowesaba Simakadze? Lowo uyawumfundzisa leyo ndlela, lekhetselwe yena.

Tihlabelelo 25:8

Simakadze muhle ulungile, ngako-ke ufundzisa toni indlela lekungiyo sibili.

Tihlabelelo 68:9

Wanisa imvula lenkhulu, Nkulunkulu, wahlumisa live lakho lelase ligagadzekile.

Tihlabelelo 94:12

Yebo, Simakadze! Ubusisiwe umuntfu loyalwa nguwe, afundziswe nguwe emtsetfweni wakho,

Isaya 30:21

Nome nijikela ngesekudla nome ngesancele, tindlebe tenu tiyakuva livi emvakwenu litsi: “Nansi indlela, hambani ngayo.”

Jeremiya 14:22

Sikhona yini sona sinye setithico tebetive letingenamsebenti lesiletsa imvula? Tona tibhakabhaka ngekwato tiyatehlisa yini tihlambi temvula? Cha, nguwe, lowenta loko, Simakadze Nkulunkulu wetfu. Ngako-ke litsemba letfu likuwe, ngobe nguwe lowenta konkhe loku.

Jeremiya 42:3

Thandaza ucele kuSimakadze Nkulunkulu wakho kutsi asitjele kutsi sesitakuya kuphi nekutsi kufanele senteni.”

Jeremiya 5:24

Abatekhuti bona batsi: ‘Asesabe Simakadze Nkulunkulu wetfu, lowehlisa timvula tasekwindla netasentfwasahlobo, ngesikhatsi lesifanele; losinika siciniseko ngekutsi sikhatsi sekuvuna sitawufika.’

Jeremiya 6:16

Naku lokushiwo nguSimakadze, utsi: “Manini emahlanganweni etindlela, nibuke, butani tindlela takadzeni, butani kutsi nguyiphi indlela lelungile, bese nihamba ngayo, niyawutfola kuphumula kwemiphefumulo yenu. Kodvwa nine natsi: ‘Singeke sihambe ngayo.’

Hezekeli 34:26

Ngiyawubusisa tona kanye netindzawo letitungelete ligcuma lami. Ngiyakwehlisa timvula ngesikhatsi sato; kuyawuba netimvula tesibusiso.

Joweli 2:12

Simakadze uyakhuluma utsi: “Namanje phendvukani, nibuye kimi ngenhlitiyo yenu yonkhe, ngekuzila, nangekukhala kanye nangekulila.”

Joweli 2:13

Dzabulani tinhlitiyo tenu, hhayi tembatfo tenu. Buyelani kuSimakadze Nkulunkulu wenu, ngobe unemusa nesihawu, uyephuta kutfukutsela, unelutsandvo loluphuphumako, atsambe, angete ayehlisa inhlekelele.

Joweli 2:23

Jabulani, nine sive saseSiyoni, tfokotani kuSimakadze Nkulunkulu wenu, ngobe sewuniphe umfundzisi wekulunga. Unitfumela imvula lenyenti, imvula yasekwindla neyasentfwasahlobo njengakucala.

Mikha 4:2

Tive letinyenti tiyawufika titsi: “Wotani, senyukele entsabeni yaSimakadze, endlini yaNkulunkulu waJakobe. Utasifundzisa tindlela takhe, khona sitewuhamba emikhondvweni yakhe. Ngobe umtsetfo uyawuphuma eSiyoni, livi laSimakadze liphume eJerusalema.”

Zakhariya 10:1

Celani imvula kuSimakadze nakungusentfwasahlobo; nguSimakadze lowenta emafu lanemvula, nguye lowehlisela tihlambi temvula kubantfwana bebantfu, aphe netitselo tesiganga kubo bonkhe bantfu.

Johane 6:45

Kubhaliwe kubaphrofethi kutsi: ‘Bonkhe bayawuba ngulabafundziswe nguNkulunkulu.’ Bonkhe labevile kuBabe, bafundza kuye, bayeta kimi.