2 Tikhronike 6:24 - Siswati 1996 Bible

²⁴ “Nangabe sive sakho, ema-Israyeli, sehlulwe sitsa saso, ngobe sonile kuwe, bese sigucukela kuwe, sivume Libito lakho, sithandaze sincuse kuwe sikulelithempeli,

2 Tikhronike 6:24 ပူးပေါင်းရင်းမြစ်များ

2 Tikhronike 6:25

ubobe sewuyeva usezulwini lakho, utsetselele sono sesive sakho, ema-Israyeli, usibuyisele emuva eveni lowalipha bona naboyisemkhulu.

Tihlabelelo 44:10

Usicoshise ngetitsa tetfu, nalabamelene natsi bayatitapela nje lapha kitsi.

Tihlabelelo 51:4

Ngonile kuwe, wena wedvwa, ngente lokunengekako emehlweni akho; ngako kwehlulela kwakho kumsulwa, nekungilahla kwakho ngelicala kulungile.

Taga 28:13

Umuntfu lofihla tono takhe angeke aphumelele; kodvwa lotivumako atishiye uyawutfola umusa.

Levithikusi 26:17

Buso bami buyawumelana nani, bese nehlulwa titsa tenu, tona leto letinitondzako tiyawunibusa, nani nibaleke, ngisho nome seningasacoshwa ngumuntfu.

Levithikusi 26:37

Bayawugilana bawe, lomunye etikwalomunye, kube shangatsi babalekela imphi, nome kungekho lobacoshako. Ngako-ke aniyikuba nawo emandla ekuma embikwetitsa tenu.

Dutheronomi 28:25

“Simakadze uyakunenta nehlulwe titsa tenu. Niyakuta kuto nitetihlasela ngendlela yinye, kodvwa niyawubaleka seninhlanhlatsela niphume ngetindlela letisikhombisa; niyawuba yintfo yekwesatjiswa emkhatsini wayo yonkhe imibuso emhlabeni.

Dutheronomi 28:48

ngako-ke ekulambeni nasekomeni, ekudzikiteni nasebuphuyeni benu niyawukhonta titsa tenu Simakadze latitfumele kini. Uyakunetfwesa lijoko lensimbi etintsanyeni tenu, aze anibhubhise.

Joshuwa 7:8

Awu! Simakadze, kodvwa ngingatsini nje, njengobe sive sema-Israyeli sesicoshwe titsa taso?

Tikhulu 2:11

Ngako sive sema-Israyeli senta lokubi emehlweni aSimakadze; sakhonta boBhali.