2 Tikhronike 6:23 - Siswati 1996 Bible

²³ ubova usetulu ezulwini, bese uyenta. Yehlulela emkhatsini wetinceku takho, ulahle leyonile ngelicala, wehlisele etikwayo loko lekwentile, usho kulengenacala kutsi ite licala, ububeke ebaleni bumsulwa bayo.

2 Tikhronike 6:23 ပူးပေါင်းရင်းမြစ်များ

Hezekeli 18:20

Umuntfu lowonako nguye loyakufa. Indvodzana ngeke iletfwale licala leyise, futsi neyise ngeke aletfwale licala lendvodzana. Kulunga kwalolungile kuyawukhokhelwa ngalokuhle kuye, nebubi balomubi buyawubitwa kuye.

Jeremiya 51:56

Umbhubhisi uyawufika emelane neBhabhulona, emabutfo ayo ayawutfunjwa, nebutjoki bawo buyakwephulwa. Ngobe Simakadze unguNkulunkulu wemivuzo, uyawukhokhela ngalokuphelele.

Taga 17:15

Kungamlahli ngelicala lowonile nekulahla ngelicala longenacala, kokubili kusinengiso kuSimakadze.

Taga 1:31

Ngako-ke batawutfola titselo tetindlela tabo, bacunjiswe ngemacebo abo.

Tihlabelelo 10:14

Kantsi wena uyabona, ngobe tinhlupheko netinsizi uyakunaka, kuze ukufumbatse ngetandla takho. Lohluphekile utinikela kuwe, ngobe wena ungumsiti wetintsandzane.

2 Emakhosi 9:26

‘Itolo ngibone ingati yaNabothi kanye neyemadvodzana akhe, kusho Simakadze, vele ngiyawukwenta uyikhokhele kuyo yona lendzawo lena, kusho Simakadze,’ Manje-ke mtsatseni, nimjike kuleyo ndzawo, njengekusho kwelivi laSimakadze.”

Dutheronomi 25:1

“Nangabe emadvodza abanga lokutsite, kufanele akumikise enkantolo, behluleli bayekulijuba lelo cala, bavikele longenacala balahle lonelicala.

Numeri 5:27

Nangabe lomfati utingcolisile wangete wetsembeka endvodzeni yakhe, waphinga nalenye indvodza, lamanti esicalekiso lanatsiswe wona ngumphristi atawutsi angangena kuye amvetele buhlungu lobukhulu: abe nebunyumba, abe nesinye lesikhipha tisu, abe sicalekiso emkhatsini wesive sakubo.

KubaseRoma 2:8

Labanye bantfu baticabanga bona, bangakwemukeli loko lokuliciniso, bese balandzela loko lokungesiko; kulabo Nkulunkulu uyawutfululela lulaka nentfukutselo yakhe.

2 Tikhronike 6:22

“Nangabe umuntfu ona makhelwane wakhe, bese kufuneka nekutsi ente sifungo, ete atewufunga embikwalelilati lakho kulelithempeli,