2 Tikhronike 6:16 - Siswati 1996 Bible

¹⁶ “Manje-ke, Simakadze, Nkulunkulu wema-Israyeli, gcina setsembiso sakho lowasenta encekwini yakho Davide, babe wami, ngesikhatsi utsi: ‘Ungeke umeswele umuntfu loyawuhlala embikwami esihlalweni sebukhosi saka-Israyeli, kuphela nje nangabe emadvodzana akho akucaphelisisa konkhe lakwentako, ngekuhamba kwawo njengekwemitsetfo yami, njengobe wena wentile.’

2 Tikhronike 6:16 ပူးပေါင်းရင်းမြစ်များ

1 Emakhosi 2:4

kuze naSimakadze asigcine setsembiso sakhe lasenta kimi nakatsi: ‘Nangabe titukulwane takho ticaphelisisa kutsi tiphila njani, nangabe futsi tihamba ngekwetsembeka embikwami ngayo yonkhe inhlitiyo nangawo wonkhe umphefumulo wato, ungeke umeswele umuntfu loyawuhlala esihlalweni sebukhosi saka-Israyeli.’

1 Emakhosi 6:12

“Mayelana nalelithempeli lolakhako, nangabe ulandzela timiso tami, wente nemitsetfo yami, uyigcine yonkhe imiyalo yami, uyilandzele, ngiyawusigcwalisa ngawe leso setsembiso lengasinika Davide, uyihlo.

2 Tikhronike 13:5

Anati yini kutsi Simakadze, Nkulunkulu wema-Israyeli, bukhosi baka-Israyeli wabunika Davide kanye netitukulwane takhe ngesivumelwane seluswayi, lesingeke sephulwe, kuze kube phakadze naphakadze?

2 Tikhronike 21:7

Noko ngenca yesivumelwane Simakadze labesente naDavide, Simakadze abengakatimiseli kuyibhubhisa indlu yakaDavide. Abetsembisile kutsi uyawutigcinela sibane endlini yakaDavide kuze kube nguphakadze naphakadze.

2 Tikhronike 23:3

lonkhe lelo bandla lenta sivumelwane kanye nenkhosi yalo lisethempelini laNkulunkulu. Jehoyada wakhuluma kubo, watsi: “Bukani, nayi indvodzana yenkhosi! Ngiyo letawubusa, njengobe Simakadze etsembisa mayelana netitukulwane taDavide.

2 Tikhronike 6:17

Manje-ke, Simakadze, Nkulunkulu wema-Israyeli, gcwalisa livi lakho lowalikhuluma encekwini yakho Davide, libe liciniso.

2 Tikhronike 7:17

“Wena-ke, nangabe ungahamba embikwami ulingise uyihlo Davide, wente konkhe lengikuyala ngako, ugcine timiso tami nemitsetfo yami,

2 Tikhronike 7:18

ngiyawusimisa sihlalo sakho sebukhosi, njengobe ngametsembisa Davide, uyihlo, ngesikhatsi ngitsi: ‘Akuyikwenteka kutsi weswele umuntfu loyawuba ngumbusi wema-Israyeli.’

Tihlabelelo 119:1

Babusisiwe labo labatindlela tabo timsulwa, labo labahamba ngemitsetfo yaNkulunkulu.

Tihlabelelo 119:9

Umuntfu lomusha angayigcina kanjani imphilo yakhe ihlantekile? Ngekucaphela kuhamba ngelivi lakho.

Tihlabelelo 132:11

Simakadze wafunga kuDavide, wenta sifungo langeke ajike kuso, watsi: “Lomunye wemadvodzana akho ngiyawumenta abe yinkhosi emvakwakho.

Tihlabelelo 132:12

Nangabe bantfwabakho bagcina sivumelwane sami netimiso tami lengiyawubafundzisa tona, nebantfwababo futsi bayawuhlala esihlalweni sakho sebukhosi, kuze kube phakadze.”

Tihlabelelo 26:3

Umusa wakho usembikwami njalo, ngihamba ecinisweni lakho.

Hezekeli 36:37

“Naku lokushiwo yiNkhosi Simakadze, itsi: Nangaloku ngiyawulalela kukhala kwendlu yaka-Israyeli, ngibentele naku: Ngiyawukwenta sive sabo sandze sibe ngangetimvu,