2 Tikhronike 6:12 - Siswati 1996 Bible

¹² Solomoni wase uma embikwelilati laSimakadze, embikwaso sonkhe sive sema-Israyeli, waphakamisa tandla takhe.

2 Tikhronike 6:12 ပူးပေါင်းရင်းမြစ်များ

2 Emakhosi 11:14

Watsi uyabuka, wabona nanso inkhosi imile eceleni kwensika njengekwelisiko. Tindvuna nebashayi bemacilongo bebasingatse inkhosi, bonkhe bantfu belive bajabula bashaya nemacilongo. Ngako Athaliya wadzabula tingubo takhe, wamemeta watsi: “Ngemavukelambuso! Ngemavukelambuso!”

2 Emakhosi 23:3

Inkhosi yema eceleni kwensika yavusetela sivumelwane embikwaSimakadze, yavuma kulandzela Simakadze nekugcina imiyalo yakhe, nemitsetfo yakhe kanye netimiso takhe ngayo yonkhe inhlitiyo yayo nangawo wonkhe umphefumulo wayo, ngaloko yacinisa kwemukela emavi esivumelwane labhalwe kulencwadzi. Bonkhe bantfu batifaka kuleso sivumelwane.

2 Tikhronike 6:11

Sengilibeke khona nelibhokisi lesivumelwane saSimakadze, lapho kunesivumelwane saSimakadze lasenta nesive sakhe ema-Israyeli.”

2 Tikhronike 6:13

Manje-ke abesakhe idayasi yelitfusi leyayingemamitha labengaba mabili nesigamu budze, nemamitha labengaba mabili nesigamu bubanti, nekuphakama lekwakungaba limitha linye nesigamu, wase uyibeka ekhatsi nendzawo kulesibuya lesasingephandle. Wakhuphuka wema kulendzawo lephakeme, wase uguca phansi embikwaso sonkhe sive sema-Israyeli waphakamisa tandla takhe watibhekisa ngasezulwini.

Jobe 11:13

“Noko nawunikela inhlitiyo yakho ngalokuphelele kuye, welulele tandla takho, ukhuleke, utinikele kuye,

Tihlabelelo 141:2

Shangatsi umthandazo wami ungaba njengemphepho kuwe; nekuphakamisa kwami tandla akube kuwe njengemihlatjelo yakusihlwa.

Tihlabelelo 143:6

Tandla tami ngitiphakamisela kuwe, umphefumulo wami womela wena njengemhlabatsi lowomele imvula. Cabanga.

Tihlabelelo 28:2

Lalela livi lekuncusa kwami, nangikhalela kusitwa nguwe, nangisaphakamisela tandla tami endzaweni yakho lengcwelengcwele.

Tihlabelelo 63:4

Ngako-ke ngiyawukubonga, yingci nangisaphila; ngiyawuphakamisa tandla tami, ngikhuleke kuwe.

Tihlabelelo 68:31

Emancusa ayawuvela eGibhithe, naKushe atinikele kuNkulunkulu.

Eksodusi 9:33

Mosi wesuka kuFaro, waphumela ngephandle kwelidolobha, waphakamisa tandla takhe athandaza kuSimakadze, kudvuma nesangcotfo kwancamuka, imvula yaphakamisa.

Isaya 50:10

Ngubani emkhatsini wenu lowesaba Simakadze nalolalela livi lenceku yakhe? Lowo lohamba ebumnyameni, longenako kukhanya, aketsembele kulo Libito laSimakadze, asime kuNkulunkulu wakhe.

1 kuThimothi 2:8

Ngako-ke ngifisa shangatsi emadvodza yonkhe indzawo angakhuleka aphakamise tandla letingcwele, ate lulaka nembango.