2 Tikhronike 36:23 - Siswati 1996 Bible

²³ “Naku lokushiwo nguKhuresi, inkhosi yasePheresiya, utsi: “ ‘Simakadze, Nkulunkulu welizulu, unginike yonkhe imibuso yemhlaba, sewungiyalile kutsi ngimakhele lithempeli eJerusalema kulakaJuda. Manje-ke, ngulowo nalowo kini nine sive saNkulunkulu losemkhatsini wenu, shangatsi Simakadze Nkulunkulu wakhe angaba naye, ahambe aye khona.’ ”

2 Tikhronike 36:23 ပူးပေါင်းရင်းမြစ်များ

1 Tikhronike 22:16

yegolide, neyesiliva, neyelitfusi, neyensimbi, kube nebabati longeke ubabale. Manje-ke sale uwucala lomsebenti, Simakadze akabe nawe.”

1 Tikhronike 29:5

kanye nekwekwenta tintfo tegolide netesiliva kanye nekwekwenta tonkhe tintfo letitakwentiwa bantfu labanelikhono. Manje-ke ngubani lofuna kunikela kuSimakadze?”

2 Tikhronike 36:22

Ngemnyaka wekucala wekubusa kwaKhuresi, inkhosi yasePheresiya, kuze kugcwaliseke livi laSimakadze lelalikhulunywe nguJeremiya, Simakadze watsintsa inhlitiyo yaKhuresi, inkhosi yasePheresiya, kutsi ente simemetelo kulo lonkhe lelalingaphansi kwakhe, nekutsi asibhale phansi atsi:

Ezra 1:1

Ngemnyaka wekucala wekubusa kwaKhuresi, inkhosi yasePheresiya, kuze kugcwaliseke livi laSimakadze lelakhulunywa nguJeremiya, Simakadze watsintsa inhlitiyo yaKhuresi, inkhosi yasePheresiya kutsi ente simemetelo kulo lonkhe lelingaphansi kwakhe, nekutsi asibhale phansi atsi:

Ezra 7:13

“Ngikhipha simiso kutsi nome ngubani um-Israyeli lolapha embusweni wami, ngisho nebaphristi nemaLevi, labafisa kuya eJerusalema bangahamba kanye nawe.

Tihlabelelo 136:26

Bongani Nkulunkulu welizulu, ngobe umusa wakhe ume kuze kube phakadze.

Isaya 41:2

Ngubani lochukulute lomunye kutsi esuke emphumalanga, wambitela ekulungeni kutsi ahlangabetane nekuncoba kuso sonkhe sinyatselo? Tive utinikela kuye, atfobise emakhosi embikwakhe. Ngenkemba yakhe uyabagucula babe lutfuli, nangebutjoki bakhe uyabaphephula njengemakhoba.

Isaya 44:5

Lomunye uyawutsi: ‘Mine ngiwaSimakadze;’ lomunye utatibita ngelibito laJakobe; nalomunye uyawubhala esandleni sakhe, atsi: ‘NgiwaSimakadze,’ atsatse libito la-Israyeli.”

Isaya 45:13

Ngiyawuvusa Khuresi ngekulunga kwami; ngiyakwenta tonkhe tindlela takhe ticondze. Uyawulakha kabusha lidolobha lami, akhulule labatfunjiwe bami, kodvwa loko akwente ngaphandle kwentsengo nemvuzo, kusho Simakadze longuSomandla.”

Jeremiya 27:6

Manje-ke ngitawunikela onkhe lamave enu encekwini yami Nebukhadnezari, inkhosi yaseBhabhulona; ngitakwenta ngisho netilwane tesiganga kutsi timtfobele.

Danyela 2:21

Ugucula tikhatsi netikhatsi temnyaka; ubeka emakhosi aphindze awehlise. Ubanika kuhlakanipha labahlakaniphile, anike lwati kulabacondzako.

Danyela 2:37

Wena waphakathi, nkhosi, wena uyinkhosi yemakhosi. Nkulunkulu welizulu ukunike kubusa, nemandla, neligunya, neludvumo;

Danyela 4:35

Tonkhe tive temhlaba titsatfwa njengelite. Wenta njengobe yena atsandza kuwo emandla asezulwini nakuto tive temhlaba. Kute namunye longavimbela sandla sakhe, nome atsi kuye: ‘Sewenteni?’

Danyela 5:18

“Nkhosi, Nkulunkulu Longetulu Kwako Konkhe wapha uyihlo Nebukhadnezari bukhosi, nebukhulu, neludvumo kanye nebukhatikhati.

Danyela 5:23

Esikhundleni saloko, sewutiphakamisile wamelana naNkulunkulu welizulu. Baletsa letindzebe tasethempelini lakhe kuwe, kwatsi wena netindvuna takho, nemakhosikati akho, nemaphovela akho nanatsa ngato liwayini. Nikhuleke nadvumisa bonkulunkulu besiliva nebegolide, nebelitfusi, nebensimbi, nebetigodvo kanye nebematje labangakwati kubona, nome kuva, nome kucondza. Kodvwa awukamdvumisi Nkulunkulu lophetse kuphila kwakho nato tonkhe tindlela takho esandleni sakhe.

Danyela 5:28

Pharisini: Umbuso wakho wehlukanisiwe wanikwa emaMede nemaPheresiya.”

Danyela 6:28

Ngako Danyela waphumelela ngesikhatsi sekubusa kwaDariyusi nangesikhatsi sekubusa kwaKhuresi, umPheresiya.

Mikha 4:10

Shumpani nibubule, bantfu baseJerusalema, nilingise umfati aphetfwe ngumhelo nasatawubeleka, ngobe nyalo senitawuphuma ekhaya niyewuhlala etigangeni. Nitakuya eBhabhulona; noko lapho niyawusindziswa, Simakadze uyakunephula etitseni tenu.

KubaseRoma 8:31

Siyawutsini-ke ngaloku? Nangabe Nkulunkulu angakitsi ngubani longamelana natsi?