2 Tikhronike 36:17 - Siswati 1996 Bible

¹⁷ Simakadze wabavusela inkhosi yaseBhabhulona leyafike yabulala onkhe emajaha abo ngenkemba, iwabulalela endzaweni lengcwele, ingashiyi lutfo loluselusha labadvuna nalabasikati nome talukati nemakhehla. Nkulunkulu wabaniketela bonkhe kuNebukhadnezari.

2 Tikhronike 36:17 ပူးပေါင်းရင်းမြစ်များ

2 Tikhronike 24:21

Kodvwa besuka bamakhela luzungu, inkhosi yatsi abambulale; nembala bamgcoba ngematje bambulalela esibuyeni lesingekhatsi ethempelini laSimakadze.

2 Tikhronike 33:11

Ngako Simakadze wehlisela etikwabo libutfo letindvuna temphi tenkhosi yase-Asiriya, tefika tatfumba Manase, tamfaka lihhuka lapha ekhaleni, tambopha ngetinketane telitfusi, tahamba naye tammikisa eBhabhulona.

2 Tikhronike 34:24

Naku lokushiwo nguSimakadze, utsi: Ngitakwehlisela inhlekelele kulendzawo nakubantfu bayo, tonkhe leticalekiso letibhalwe kulencwadzi lefundvwe embikwenkhosi yakaJuda.

Ezra 5:12

Kodvwa ngenca yekutsi bobabe batfukutselisa Nkulunkulu wasezulwini, wabe sewubanikela esandleni saNebukhadnezari, umKhaledi, inkhosi yaseBhabhulona, lowalibhidlita lelithempeli watfumba labantfu wabayisa eBhabhulona.

Ezra 9:7

Kusukela etikhatsini tabokhokho kuze kube ngumanje, bubi betfu bebuvele bubukhulu. Ngenca yetono tetfu, tsine nemakhosi etfu nebaphristi betfu besibantfu bekubulawa ngenkemba nekutfunjwa, nekuphangwa kanye nekwentelwa phansi etandleni temakhosi etive, njengobe kusenjalo lamuhla.

Tihlabelelo 74:20

Khumbula sivumelwane lowasenta natsi, ngobe tonkhe tindzawo letinematfunti lapha eveni tigcwele budlova.

Tihlabelelo 79:1

Awu, Nkulunkulu! Bahedeni sebangene efeni lakho, bangcolisa lithempeli lakho lelingcwele, bagucula iJerusalema bayenta tindzala.

Isaya 13:18

Ngebutjoki babo lobugobile bayawudubula emajaha, abanamusa ngetinswane, futsi bate nesihawu ngebantfwana.

Isaya 43:28

Ngako-ke nami ngitatihlazisa tikhulu telithempeli lenu, ngivele ngitfumele Jakobe ekubhujisweni, na-Israyeli kutsi edzelelwe.”

Isaya 47:6

Ngangisitfukutselele sive sami, ngalilahla lifa lami, ngabanikela esandleni sakho, nawe awuzange ubahawukele ngemusa; ngisho nalasebagugile, wabagaca ngelijoko lelimatima.

Jeremiya 11:22

ngako-ke naku lokushiwo nguSimakadze longuSomandla, utsi: “Ngitabajezisa. Emajaha abo atawubulawa ngenkemba, emadvodzana nemadvodzakati abo abulawe yindlala.

Jeremiya 16:6

“Labaphakeme nalabaphansi bayawufela kulelive. Bangeke bangcwatjwe, futsi abayiwukhalelwa, futsi kute labayawubazilela nalabayawuhhula ngenca yabo.

Jeremiya 18:21

Ngako-ke nikela bantfwababo endlaleni, banikele emandleni enkemba. Yenta bafati babo bemukwe bantfwababo babe bafelokati, emadvodza abo akabulawe ngesifo lesibulalanako, emajaha abo ajutjwe ngenkemba emphini.

Jeremiya 21:1

Livi laSimakadze lefika kuJeremiya ngesikhatsi inkhosi Sedekiya itfumela kuye boPhashuri, umsa waMalkhiya, nemphristi Zefaniya, umsa waMaseya. Bafike batsi:

Jeremiya 21:7

Simakadze utsi: Emvakwaloko Sedekiya, inkhosi yakaJuda, netindvuna tayo, nebantfu balelidolobha labayawusindza kulesifo lesibulalanako, nenkemba, nendlala, ngiyakubanikela kuNebukhadnezari, inkhosi yaseBhabhulona, nasetitseni tabo letifunana nemphilo yabo. Uyawubabulala ngenkemba, angabi naso nakancane nje sihawu, nesihe kanye neluvela.’ ”

Jeremiya 32:28

Ngako-ke naku lokushiwo nguSimakadze, utsi: Lelidolobha sengitalinikela etandleni temaBhabhulona nakuNebukhadnezari, inkhosi yaseBhabhulona, labatalitfumba.

Jeremiya 32:42

“Naku lokushiwo nguSimakadze, utsi: Njengobe lesive ngisehlisele yonkhe lenhlekelele lenkhulu kangaka, kanjalo futsi ngiyawusinika konkhe kuphumelela kahle nekunotsa lengisetsembise kona.

Jeremiya 40:3

Manje Simakadze sewusehlisile vele, sewente njengaloku abevele ashito kutsi utakwenta. Konkhe loku kwentiwe kutsi nine bantfu none kuSimakadze, nangete namlalela.

Jeremiya 51:22

Ngawe ngiphihlita umfati nendvodza, ngawe ngiphihlita emakhehla nalabasebancane, ngawe ngiphihlita lijaha nentfombi,

Jeremiya 9:21

Kufa sekufohle emafasitelo etfu kwangena ngekhatsi, kwadzimate kwangena nasetinqabeni tetfu, kwancamula bantfwana lapha etindleleni, nemajaha ancamuka etinkhundleni.

Hezekeli 16:40

“ ‘Bayawuta kuwe nelibutfo labosidlani leliyawukugcoba ngematje, likuhlahlele ube ticucu ngetinkemba talo.

Hezekeli 21:28

“Wenka-ke, ndvodzana yemuntfu, phrofetha, utsi: ‘Naku lokushiwo yiNkhosi Simakadze ngema-Amoni nangetinhlamba tawo, utsi: “ ‘Inkemba, inkemba, ikhokhelwe kugwaza, ilolongelwe kutsi ibhubhise, nekutsi imanyatele njengembane.

Danyela 9:14

Simakadze akazange angabate kwehlisela lenhlekelele etikwetfu, ngobe Simakadze Nkulunkulu wetfu ulungile kuko konkhe lakwentako; noko tsine asikalilaleli livi lakhe.

Zakhariya 1:6

Kodvwa lamavi ami netimiso tami, lengabayala ngako ngemlomo webaphrofethi, tinceku tami, akuzange kufike yini etindlebeni taboyihlomkhulu? Base bayaphendvuka batsi: ‘Simakadze longuSomandla wente kitsi loko lobekusifanele ngekwetindlela tetfu nangalesikwentako, njengobe abesatimisele kukwenta.’ ”

Dutheronomi 30:18

ngiyanitjela lamuhla ngitsi: Nakanjani niyawubhubha. Aniyikuphila sikhatsi lesidze kulelo live lenewela iJordane ningena kulo kutsi nilidle.