2 Tikhronike 36:14 - Siswati 1996 Bible

¹⁴ Ngetulu kwaloko bonkhe baholi bebaphristi nesive sonkhe sachubeka nekungetsembeki, balandzela yonkhe lemikhuba lenengekako yebetive, balingcolisa lithempeli laSimakadze labelingcwelisile eJerusalema.

2 Tikhronike 36:14 ပူးပေါင်းရင်းမြစ်များ

2 Tikhronike 28:3

Watfuncisa imphepho eSigodzini sakaBheni Hinomu, wanikela ngemadvodzana akhe kutsi ashiswe ngemlilo; alandzela imikhuba lesinengiso yaletive takhona Simakadze labeticoshe ngesikhatsi nakufika ema-Israyeli.

2 Tikhronike 33:9

Kodvwa Manase wabedukisa bantfu bakaJuda nebaseJerusalema, ngako benta lokubi kakhulu kwendlula letive letabhujiswa nguSimakadze, ngesikhatsi nakufika ema-Israyeli.

2 Tikhronike 34:24

Naku lokushiwo nguSimakadze, utsi: Ngitakwehlisela inhlekelele kulendzawo nakubantfu bayo, tonkhe leticalekiso letibhalwe kulencwadzi lefundvwe embikwenkhosi yakaJuda.

2 Tikhronike 36:13

Sedekiya-ke wayivukela inkhosi Nebukhadnezari lowamfungisa ngelibito laNkulunkulu. Wacinisa inhloko nenhlitiyo yakhe, wala kuphendvukela kuSimakadze, Nkulunkulu wema-Israyeli.

2 Tikhronike 36:15

Simakadze Nkulunkulu waboyisemkhulu watfumela livi kubo ngetitfunywa takhe emahlandla lamanyenti, ngobe abebadzabukela bantfu bakhe nendzawo yakhe yekuhlala.

Ezra 9:7

Kusukela etikhatsini tabokhokho kuze kube ngumanje, bubi betfu bebuvele bubukhulu. Ngenca yetono tetfu, tsine nemakhosi etfu nebaphristi betfu besibantfu bekubulawa ngenkemba nekutfunjwa, nekuphangwa kanye nekwentelwa phansi etandleni temakhosi etive, njengobe kusenjalo lamuhla.

Jeremiya 32:34

Bemisa tithico tabo letinengekako endlini leneLibito lami bayingcolisa.

Jeremiya 32:35

Bakhela Bhali tindzawo letiphakeme eSigodzini sakaBheni Hinomu bentela kutsi bente umhlatjelo ngemadvodzana nemadvodzakati abo kuMoloki, noko angizange sengibayale kutsi bakwente, futsi bengingazange sengikucabange nasengcondvweni yami kutsi bangayenta intfo lesinengiso kangaka ngaloko bonise sive sakaJuda.”

Jeremiya 38:4

Tiphatsimandla takhuluma enkhosini, tatsi: “Lomuntfu kufanele abulawe. Utsela emanti emadvolweni emasotja lasele kulelidoloba, nakuwabo bonkhe bantfu, ngaletintfo latishoko kubo. Lomuntfu akacondzi lokuhle ngalabantfu, kodvwa ubafisela lokubi.”

Jeremiya 5:5

Ngako ngiyakuya kubaholi, ngikhulume kubo, ngempela, bayayati indlela yaSimakadze, imiyalo lefunwa nguNkulunkulu wabo, kubo.” Kodvwa nabo futsi nganhlitiyonye balephula lijoko, batidzabula netibopho.

Jeremiya 5:6

Ngako-ke batawuhlaselwa libhubesi leliphuma ehlatsini, batawuphangwa yimphisi lephuma ehlane, ingwe itawubalalela endleleni edvutane nemadolobha abo; itemdzabudzabula abe ticucu nome ngubani lotsi uyaphuma, ngobe kuhlubuka kwabo kukhulu, nekweduka kwabo kunyenti.

Hezekeli 11:12

Ngulapho-ke niyawungati khona kutsi mine nginguSimakadze, ngobe anikatilandzeli timiso tami, nemitsetfo yami anikayigcini, kodvwa nisuke nalingisa letive letinitungeletile.”

Hezekeli 22:6

“ ‘Ase ubuke kutsi leso naleso sikhulu saka-Israyeli lesikuwe siwasebentisa kanjani emandla aso ekucitseni ingati.

Danyela 9:6

Asikatilaleli tinceku takho baphrofethi, lababekhuluma egameni lakho, kuwo emakhosi etfu, nakubabusi betfu, nakubobabemkhulu, nakubo bonkhe bantfu belive.

Danyela 9:8

Awu Simakadze, tsine nemakhosi etfu, nebabusi betfu, nabobabemkhulu, sitseleke ngelihlazo nendlisamahloni, ngobe sonile kuwe.

Levithikusi 19:30

Nibogcina liSabatha lami, nihloniphe indzawo yami lengcwele; nginguSimakadze.

Mikha 7:2

Kute nome munye umuntfu lowetsembekile losasele eveni, kute losetsembekile kuNkulunkulu. Wonkhe umuntfu ufunana nematfuba ekubulala. Wonkhe umuntfu utingelana newakubo.

Dutheronomi 18:9

“Nase ningena kulelive Simakadze Nkulunkulu wenu lanipha lona, ningacali nifundze kulingisa imikhuba lenengekako yaleto tive talapho.